07th Jun2019

ກວດຄົ້ນເຮືອບັນທຸກສິນຄ້າ ພົບແປ້ງຝຸ່ນສີຂາວຈຳນວນ 10 ໂຕນ

by somchan

ວັນທີ 29 ພຶດສະພາ 2019 ນີ້ ເຈົ້າໜ້າທີ່ ດ່ານ ຕມ ບ້ານມອມ ສົມທົບກັບເຈົ້າໜ້າທີ່ ປກສ ເມືອງ ຕົ້ນເຜິ້ງ ແຂວງບໍ່ແກ້ວ ໄດ້ທຳການກວດຄົ້ນເຮືອບັນທຸກສິນຄ້າທີ່ຕ້ອງສົງໄສ ທີ່ກໍາລັງຈະໄປສົ່ງສິນຄ້າຢູ່ທີ່ ບ້ານປຸ່ງ ປະເທດມຽນມາ ຜ່ານການກວດຄົ້ນຂອງເຈົ້າໜ້າທີ່ ແມ່ນໄດ້ພົບເຫັນແປ້ງຝຸ່ນສີຂາວຈໍານວນ 400 ເປົ່າ ມີນ້ຳໜັກ 10 ໂຕນ.

ດັ່ງນັ້ນ, ເຈົ້າໜ້າທີ່ຂອງຈຶ່ງໄດ້ກັກຕົວເຈົ້າຂອງເຮືອ ແລະ ຄົນໂດຍສານມານຳເຮຶອຈຳນວນ 7 ຄົນເຊີ່ງເຈົ້າຂອງເຮືອ ຊື່ ທ້າວ ສົມນຶກ ພັນທະລາ ອາຍຸ 34 ປີ ແລະ ນາງ ພິມ ພັນທິລາ ອາຍຸ 32 ປີ ທັງສອງເປັນຜົວເມຍກັນ ອາໄສຢູ່ ບ້ານ ດ່ານ ເມືອງ ຈອມເພັດ ແຂວງ ຫຼວງພະບາງ ພ້ອມດ້ວຍ ແອດເຮືອ ຊື່ ທ້າວ ໂຊນ ສິດທິພົນ ອາຍຸ 27 ປີ ຢູ່ບ້ານປາກເປັດ ເມືອງຊຽງຮ່ອນ ແຂວງໄຊຍະບູລີ ແລະ ຜູ້ໂດຍສານ ຊື່ ນາງ ເຈິນທີຮອຍ ອາຍຸ 29 ປີ, ນາງ ເຈິນທີເຮີຍ ອາຍຸ 27 ປີ, ນາງ ເຈິນທີທູເຮືອງ ອາຍຸ 37 ປີ ທັງສາມເປັນຄົນສັນຊາດຫວຽດນາມ ແລະ ທ້າວ ຕີເວິນຄ່າ ຢູ່ ບ້ານ ປ່າໂຄງ ເມືອງ ທ່າຂີ້ເຫຼັກ ແຂວງ ທ່າຂີ້ເຫຼັກ ປະເທດມຽນມາ ຜູ້ມາຕິດຕໍ່ໂອ້ລົມເລື່ອງເອົາເຄື່ອງຂ້າມໄປຝັ່ງມຽນມາ.

 

ປັດຈຸບັນ ເຈົ້າໜ້າທີ່ໄດ້ກັກຕົວພວກກ່ຽວທັງ 07 ຄົນ ພ້ອມຂອງກາງຈໍານວນດັ່ງກ່າວໄວ້ ເພື່ອທໍາການສືບສວນ-ສອບສວນ ຂະຫຍາຍຜົນຫາຜູ້ຮ່ວມຂະບວນການມາດໍາເນີນຄະດີຕາມລະບຽບກົດໝາຍບ້ານເມືອງຕໍ່ໄປ.

Off

Comments are closed.