11th Feb2020

ແຕ່ງຕັ້ງຮັກສາການ ຫົວໜ້າກອງບັນຊາການປ້ອງກັນທີ່ຕັ້ງ

by somchan

ກອງບ້ນຊາການປ້ອງກັນທີ່ຕັ້ງ ກະຊວງ ປກສ ປະກາດແຕ່ງຕັ້ງຮັກສາການ ຫົວໜ້າກອງບັນຊາການປ້ອງກັນທີ່ຕັ້ງ ໃນວັນທີ 10 ກຸມພາ 2020 ນີ້ ໂດຍການເຂົ້າຮ່ວມຂອງ ພົຕ ສົມຫວ້ງ ທຳມະສິດ ຮອງ ລມຕ ກະຊວງ ປກສ ມີ ພົຈວ ບົວພັນ ຍໍລະວງົສາ ຫົວຫນ້າປ້ອງກັນທີ່ຕັ້ງ ບັນດາຄະນະກອງບັນຊາການ, ກອງພັນ, ກອງຮ້ອຍ, ໂຮງຮຽນ ພ້ອມດ້ວຍພະນັກງານທີ່ກຽ່ວຂ້ອງເຂົ້າຮ່ວມ.

ພັທ ສົມພອນ ແກ້ວພູທອນ ຮອງຫົວໜ້າກົມຈັດຕັ້ງ ພະນັກງານກະຊວງ ປກສ ໄດ້ຜ່ານຂໍ້ຕົກລົງຂອງ ລມຕ ກະຊວງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງນາຍຕຳຫຼວດທີ່ຂຶ້ນກັບ ກອງບັນຊາການປ້ອງກັນທີ່ຕັ້ງ ໃນນີ້, ໄດ້ແຕ່ງຕັ້ງ ພັອ ໄຊສີ ແກ້ວສະຫງ່າ ເປັນຮັກສາການຫົວໜ້າກອງບັນຊາການປ້ອງກັນທີ່ຕັ້ງ ສ່ວນຮອງທີ່ມີຢູ່ແລ້ວແມ່ນຮັກສາໄວ້ຄືເກົ່າ. ທັງນີ້, ເພື່ອເປັນການປັບປຸງ ກົງຈັກການຈັດຕັ້ງ ຂອງກະຊວງ ປກສ ຢູ່ແຕ່ລະຂັ້ນໃຫ້ມີຄວາມໜັກແໜ້ນ ທາງດ້ານການເມືອງແນວຄິດ, ເຂັ້ມແຂງທາງດ້ານການຈັດຕັ້ງ ແລະ ສາມາດສະໜອງກັບຄວາມຮຽກຮ້ອງຕ້ອງການຂອງໜ້າທີການເມືອງໃນໄລຍະໃໝ່.

 

 

 

Comments are closed.