09th Oct2018

ກອງປະຊຸມຄະນະກຳມະການ ປ້ອງກັນຄວາມປອດໄພການບີນ ພົນລະເຮືອນແຫ່ງຊາດຄັ້ງທີ 2.

by somchan

ໃນວັນທີ 9 ຕຸລາ 2018 ນີ້ ຄະນະກຳມະການ ປ້ອງກັນຄວາມປອດໄພການບີນພົນລະເຮືອນ ແຫ່ງຊາດ ໄດ້ຈັດກອງປະຊຸມປືກສາຫາລື ວຽກງານຮັກສາຄວາມປອດໄພ ກ່ຽວກັບການບີນພົນລະເຮືອນຂື້ນ ຄັ້ງ ທີ 2 ຢູ່ທີ່ສະໂມສອນກະຊວງປ້ອງກັນປະເທດ ໂດຍການເປັນປະທານຂອງ ທ່ານ ພົນໂທ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນປະເທດ ທັງເປັນເລຂາຄະນະກຳມະການ ປ້ອງກັນຄວາມສະຫງົບ, ປອດໄພການບິນ ພົນລະເຮືອນ ແຫ່ງຊາດ, ມີຄະນະກຳມະການ ແລະ ບັນດາຄະນະຮັບຜິດຊອບວຽກງານ ປ້ອງກັນຄວາມສະຫງົບ ປອດໄພການບິນ ພົນລະເຮືອນເຂົ້າຮ່ວມ.

 

ກອງປະຊຸມໃນຄັ້ງນີ້ ຄະນະຮັບຜິດຊອບໄດ້ຮ່ວມກັນປືກສາຫາລືໃນການເພີ່ມທະວີຍົກລະດັບມາດຕະການ ປ້ອງກັນຄວາມປອດໄພການບິນໃນທົ່ວປະເທດ. ໂດຍສະເພາະແມ່ນການວາງລະບົບປ້ອງກັນຄວາມປອດໄພ ສະໜາມບິນ , ການຈາລະຈອນທາງອາກາດ, ລະບົບການຕອບໂຕ້ ກໍລະນີມີເຫດສຸກເສີນ ໂດຍຜູ້ກໍ່ການຮ້າຍ ແລະ ການເຝົ້າລະວັງເຫດການອື່ນໆອີກ ທີ່ອາດເກີດຂື້ນເພື່ອແກ້ໄຂໃຫ້ທັນສະພາບການ.

ໃນໂອກາດດັ່ງກ່າວ ທ່ານ ພົນໂທ ຈັນສະໝອນ ຈັນຍາລາດ ກໍ່ໄດ້ເນັ້ນໜັກໃຫ້ຄະນະຮັບຜິດຊອບ ແລະ ຂະແໜງການທີ່ກ່ຽວຂ້ອງຈິ່ງເປັນເຈົ້າການຮ່ວມກັນໃນການເອົາໃຈໃສ່ຈັດຕັ້ງປະຕິບັດມາດຕະການຄວາມ ປອດໄພການບີນພົນລະເຮືອນຢ່າງມີປະສິດທິຜົນ, ພ້ອມທັງກຳນົດທິດທາງ ອັນສຳຄັນທີ່ຈະເຮັດໃຫ້ການປ້ອງກັນການບິນພົນລະເຮືອນໃນ ສປປ ລາວ ມີປະສິດທິພາບ ແລະ ມີຄວາມຢືນຍົງໃນອານາຄົດອີກດ້ວຍ.

(ຟັງສຽງ ພົນໂທ ຈັນສະໝອນ ຈັນຍາລາດ ລັດຖະມົນຕີ ກະຊວງປ້ອງກັນ ປະເທດ)

 

 

Off

Comments are closed.