18th Jan2018

ກອງປະຊຸມຄະນະເຈົ້າໜ້າທີ່ອາວຸໂສຮ່ວມມື ສອງຝ່າຍລະຫວ່າງກະຊວງ ປກສ ແຫ່ງ ສປປ ລາວ ແລະ ກະຊວງພາຍໃນແຫ່ງ ຣາຊະອານາຈັກ ກຳປູເຈຍ ປະຈຳປີ 2018

by somchan

ກອງປະຊຸມເຈົ້າໜ້າທີ່ອາວຸໂສ ເພື່ອກະກຽມ ຄວາມພ້ອມໃຫ້ແກ່ກອງປະຊຸມສອງຝ່າຍ ລາວ-ກຳປູເຈຍ ປະຈຳປີ 2018 ທີ່ນະຄອນຫຼວງວຽງຈັນ ໄດ້ຈັດຂຶ້ນໃນວັນທີ 16 ມັງກອນ 2018 ນີ້ ຢູ່ທີ່ໂຮງແຮມແລນມາກ ລີເວີໄຊ ພາຍໃຕ້ການເປັນປະທາຮ່ວມຂອງທ່ານພົຕ ສິນທະວົງ ໄຊຍະກອນ ຮອງລັດຖະມົນຕີກະຊວງ ປ້ອງກັນຄວາມສະຫງົບ ຫົວໜ້າຄະນະເຈົ້າໜ້າທີ່ ອາວຸໂສຝ່າຍລາວ ແລະ ທ່ານ ສັອກ ເສດຖາ ຮອງລັດຖະມົນຕີກະຊວງພາຍໃນຫົວໜ້າເຈົ້າໜ້າທີ່ອາວຸໂສຝ່າຍກຳປູເຈຍ ມີຄະນະຜູ້ແທນສອງຝ່າຍເຂົ້າຮ່ວມ.

ທ່ານ ພົຕ ສິນທະວົງ ໄຊຍະກອນ ຮອງລັດຖະມົນຕີກະຊວງປ້ອງກັນຄວາມສະຫງົບ ຫົວໜ້າຄະນະເຈົ້າໜ້າທີ່ອາວຸໂສ ໄດ້ກ່າວວ່າ: ໂດຍປະຕິບັດຕາມເນື້ອໃນບົດບັນທຶກ ການຮ່ວມມືລະຫວ່າງກະຊວງປ້ອງກັນຄວາມສະຫງົບ ສປປ ລາວ ແລະ ກະຊວງພາຍໃນ ຣາຊະອານາຈັກກຳປູເຈຍ ປະຈຳປີ 2017 ກອງປະຊຸມຄັ້ງນີ້ ໄດ້ພ້ອມກັນຄົ້ນຄວ້າປຶກສາຫາລືກະກຽມເນື້ອໃນໃຫ້ແກ່ກອງປະຊຸມສອງຝ່າຍລາວ-ກຳປູເຈຍ ກະຊວງປ້ອງກັນຄວາມສະຫງົບແຫ່ງ ສປປ ລາວ ແລະກະຊວງພາຍໃນແຫ່ງຣາຊະອານາ ຈັກກຳປູເຈຍ ປະຈຳປີ 2018 ພ້ອມນັ້ນກໍ່ໄດ້ປືກສາຫາລືແລກປ່ຽນຄຳຄິດຄຳເຫັນ ກ່ຽວກັບການຮ່ວມມືຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍ ຕາມຊາຍແດນ ເພື່ອເຮັດຊາຍແດນຂອງສອງປະເທດ ເປັນຊາຍແດນແຫ່ງມິດຕະພາບ ແລະ ການຮ່ວມມື, ພພ້ອມທັງ ສ້າງເງື່ອນໄຂອຳນວຍຄວາມສະດວກໃຫ້ແກ່ການພັດທະນາເສດຖະກິດ-ສັງຄົມ ສປປລາວ ແລະ ກະຊວງພາຍໃນແຫ່ງຣາຊະອານາຈັກປູເຈຍ ປະຈຳປີ 2018 ໃນຄັ້ງນີ້ປະກອບມີ: ການຮ່ວມມືດ້ານການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຕາມຊາຍແດນ, ການຮ່ວມມືປ້ອງກັນ ແລະ ປາບປາມຢາເສບຕິດຕາມຊາຍແດນ, ການຮ່ວມມືດ້ານວຽກງານຕ້ານການຄ້າມະນຸດ, ການຮ່ວມມືອຳນວຍຄວາມສະດວກ ແລະ ຄວາມປອດໄພ ໃນການເຂົ້າ-ອອກເມືອງ, ການຮ່ວມມືການແລກປ່ຽນຢ້ຽມຢາມຂອງຄະນະຜູ້ແທນ, ການຮ່ວມມືດ້ານການກໍ່ສ້າງກຳລັງ ແລະ ການຮ່ວມມືດ້ານວຽກງານອື່ນໆ. ນອກນັ້ນ ຍັງໄດ້ພິຈາລະນາຮ່າງບົດລາຍງານຜົນກອງປະຊຸມຄະນະຜູ້ແທນເຈົ້າໜ້າທີ່ອາວຸໂສຮ່ວມລາວ-ກຳປູເຈຍ ຕໍ່ກອງປະຊຸມລັດຖະມົນຕີ ແລະ ພິຈາລະນາວາລະກອງປະຊຸມຮ່ວມມືສອງຝ່າຍລະຫວ່າງ ກະຊວງປ້ອງກັນຄວາມສະຫງົບ ແຫ່ງ ສປປລາວ ແລະ ກອງປະຊຸມຮ່ວມມືສອງຝ່າຍ ລະຫວ່າງກະຊວງປ້ອງກັນຄວາມສະຫງົບ ແຫ່ງ ສປປລາວ ແລະ ກອງປະຊຸມກະຊວງພາຍໃນ ແຫ່ງຣາຊະອານາຈັກກຳປູເຈຍ ປະຈຳປີ 2018. ເພື່ອໃຫ້ທ່ານລັດຖະມົນຕີຂອງສອງກະຊວງໄດ້ລົງນາມຮັບຮອງເອົາ ແລະ ເປັນເອກະພາບໃນການສືບຕໍຮ່ວມມືໃນຂັ້ນຕໍ່ໄປໃຫ້ມີຜົນສຳເລັດຂະຫຍາຍຕົວຈິງຍິ່ງໆຂຶ້ນ.

Off

Comments are closed.