12th Jun2019

ກອງປະຊຸມຄົບຄະນະບໍລິຫານງານພັກກະຊວງປ້ອງກັນຄວາມສະຫງົບ ຄັ້ງທີ່ 8 ສະໄໝທີ່ IV

by somchan

ກອງປະຊຸມຄົບຄະນະບໍລິຫານງານພັກກະຊວງປ້ອງກັນຄວາມສະຫງົບ ຄັ້ງທີ່ 8 ສະໄໝທີ່ IV ໄດ້ຈັດໃນວັນທີ 12 ມິຖຸນານີ້, ພາຍໃຕ້ການເປັນປະທານຂອງ ພົນໂທ ວິໄລ ຫຼ້າຄຳຟອງ  ເລຂາຄະນະບໍລິຫານງານພັກກະຊວງ ລັດຖະມົນຕີກະຊວງປ້ອງກັນຄວາມສະຫງົບ, ມີຄະນະປະຈຳພັກ ແລະ ຄະນະພັກກະຊວງເຂົ້າຮ່ວມ.

ພົນຕີ ກົງທອງ ພົງວິຈິດ ຮອງເລຂາຄະນະພັກກະຊວງ ຮອງລັດຖະມົນຕີກະຊວງປ້ອງກັນຄວາມສະຫງົບ, ໄດ້ຜ່ານບົດສະຫຼຸບການຊີ້ນຳ-ນຳພາຈັດຕັ້ງປະຕິບັດມະຕິກອງປະຊຸມໃຫ່ຍຄັ້ງທີ່ IV ຂອງອົງຄະນະພັກກະຊວງປ້ອງກັນຄວາມສະຫງົບ ໃນໄລຍະ 6 ເດືອນ ຕົ້ນປີ 2019 ເຊິ່ງທ່ານໄດ້ຍົກໃຫ້ເຫັນດ້ານດີ,ຜົນສໍາເລັດໃນແຕ່ລະດ້ານ ເຊິ່ງໃນໄລຍະຜ່ານມາຄະນະພັກ ໄດ້ຈັດຕັ້ງເຊື່ອມຊືມ, ຄົ້ນຄວ້າກໍາແໜ້ນບັນດາຈິດໃຈພື້ນຖານຂອງມະຕິ IV ກັບການກໍານົດບັນດາເນື້ອໃນຈຸດສຸມ 4 ແຜນງານໃຫ່ຍ, 41 ໂຄງການໃນການເຄື່ອນໄຫວນຳພາຂອງຄະນະພັກກະຊວງແນ່ໃສ່ແກ້ໄຂບັນຫາຕົວຈິງລວມທັງການກຳນົດບັນດາມາດຕະການແກ້ໄຂຈຸດອ່ອນ-ຂໍ້ຄົງຄ້າງ ແລະ ວາງທິດທາງເຄື່ອນໄຫວຮັບມືກັບການເລັ່ງທວງຂອງສະພາບການໃໝ່, ສົມທົບແໜ້ນລະຫວ່າງການປັບປຸງລະບອບແບບແຜນໃນການເຄື່ອນໄຫວນຳພາໄປຄຽງຄູ່ກັບການຕີຖອຍປະກົດການຫຍໍ້ທໍ້ຢູ່ພາຍໃນ, ບົນພື້ນຖານການກຳແໜ້ນບັນດາເນື້ອໃນຈິດໃຈຂອງມະຕິກອງປະຊຸມໃຫ່ຍຄະນະພັກ ກະຊວງປ້ອງກັນຄວາມສະຫງົບໄດ້ຄົ້ນຄວ້າ ແລະ ຊີ້ນຳ-ນຳພາການຈັດຕັ້ງປະຕິບັດວຽກງານດ້ວຍການກຳນົດແຜນດຳເນີນງານທີ່ມີເນື້ອໃນເປັນລະບົບ, ຈະແຈ້ງມີຈຸດສຸມ, ຄະນະພັກຂັ້ນຕ່າງໆໄດ້ນຳພາປັບປຸງແຜນດຳເນີນງານຂອງຕົນ ແລະ  ຍົກສູງຄວາມຮັບຜິດຊອບໃນການເຄື່ອນໄຫວປະຕິບັດຕົວຈິງ ເຊິ່ງສະແດງອອກຄື: ຂົງເຂດວຽກງານປົກປັກຮັກສາສະຖຽນລະພາບທາງດ້ານການເມືອງ ແລະ ຄວາມເປັນລະບຽບຮຽບຮ້ອຍໃນສັງຄົມ, ວຽກງານກໍ່ສ້າງພັກ-ກໍ່ສ້າງກຳລັງ ປກສ, ວຽກງານຮັບປະກັນດ້ານພະລາທິການ ປກສ ແລະ ວຽກງານພົວພັນຮ່ວມມືກັບຕ່າງປະເທດ ແລະ ວຽກງານເສນາ-ບັນຊາ.

Off

Comments are closed.