14th Dec2018

ກອງປະຊຸມພົບປະຜູ້ຊົງຄຸນວຸດທິ ບັນດາເຜົ່າທົ່ວປະເທດຄັ້ງທີ່ 3

by somchan

 

ກອງປະຊຸມພົບປະຜູ້ຊົງຄຸນນະວຸດທິ ບັນດາເຜົ່າທົ່ວປະເທດ ຄັ້ງ ທີ 3 ໄດ້ໄຂຂື້ນໃນວັນທີ່ 13 ທັນວາ 2018 ນີ້ ຢູ່ທີຫໍປະຊຸມແຫ່ງຊາດ,ນະຄອນຫຼວງວຽງຈັນ ໂດຍພາຍໃຕ້ການເປັນປະທານຂອງ ປອ ໄຊສົມພອນ ພົມວິຫານ ກຳມະການ ກົມການເມືອງສູນກາງພັກປະທານສູນກາງແນວລາວສ້າງຊາດ ໂດຍການໃຫ້ກຽດເຂົ້າຮ່ວມຂອງ ພະນະທ່ານ ບຸນຍັງ ວໍລະຈິດ ເລຂາທິການໃຫ່ຍສູນກາງພັກ ປະທານປະເທດ ແຫ່ງ ສປປ ລາວ,ມີຄະນະລັດຖະບານ ບັນດາພະເຖລວ ນຸເຖລະ,ຕາງໜ້າກະຊວງ,ກົມກອງອ້ອມຂ້າງສູນກາງຜູ້ຊົງຄຸນວຸດທິ,ຕາງໜ້າເຜົ່າ,ແນວລາວສ້າງຊາດ ແຂວງ,ເມືອງ ໃນທົ່ວປະເທດ ແລະ ແຂກຖືກເຊີນເຂົ້າຮ່ວມ.

 

 

ປອ ສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ໄດ້ຂື້ນຜ່ານບົດລາຍງານການຈັດຕັ້ງປະຕິບັດ ກອງປະຊຸມພົບປະຜູ້ຊົງຄຸນວຸດທິ ບັນດາເຜົ່າທົ່ວປະເທດຄັ້ງທີ່ 2 ປີ 2015 ແລະທິດທາງແຜນການແຕ່ປີ 2018-2022 ເຊີ່ງທ່ານໄດ້ກ່າວວ່າ ຕະຫຼອດໄລຍະ 2 ປີ ຜ່ານມາແນວລາວສ້າງຊາດໄດ້ເຄື່ອນໄຫວຕາມພາລະບົດບາດຂອງຕົນຢ່າງຕັ້ງໜ້າໃນເງື່ອນໄຂສະພາບແວດລ້ອມສາກົນ ແລະ ພາກພື້ນມີການຜັນປ່ຽນຢ່າງໄວວາ,ສັບສົນ,ສະລັບຊັບຊ້ອນຫຼາຍປະການ,ມີທັງກາລະໂອກາດ ແລະ ສີ່ງທ້າທາຍຕໍ່ສັນຕິພາບ,ຄວາມໝັ້ນຄົງ,ການຮ່ວມມືເພື່ອການພັດທະນາແບບຢືນຍົງ ພ້ອມນີ້ປະເທດເຮົາ ຍັງປະສົບກັບສີ່ງທ້າທາຍຫຼາຍປະການເປັນຕົ້ນ ການລະບາດຂອງເຊື້ອພະຍາດແມງໄມ້ ແລະ ອື່ນໆ ໄດ້ສົງຜົນອັນໄດ້ເຮັດໃຫ້ການພັດທະນາເສດຖະກິດ-ສັງຄົມຂອງຊາດກໍ່ຄືການດຳລົງຊີວິດຂອງປະຊາຊົນ ມີຄວາມທຸກຍາກພໍສົມຄວນຕໍ່ກັບບັນຫາດັ່ງກ່າວ ພັກ-ລັດ ກໍ່ຄືອົງການແນວລາວສ້າງຊາດ ອົງການຈັດຕັ້ງມະຫາຊົນ,ອົງການຈັດຕັ້ງສັງຄົມ ແລະ ຜູ້ຊົງຄຸນວຸດທິບັນດາເຜົ່າ ບັນດາປະເທດເພື່ອນມິດ,ອົງການຈັດຕັ້ງສາກົນ ໄດ້ສຸມໃສ່ການຊ່ວຍເຫຼືອຢ່າງເຕ້ມສ່ວນ ຈືງເຮັດໃຫ້ປະເທດຊາດຮັກສາໄດ້ສະຖຽນລະພາບທາງດ້ານການເມືອງ,ສັງຄົມມີຄວາມສະຫງົບ ເປັນລະບຽບຮຽບຮ້ອຍ,ເສດຖະກິດມີການຂະຫຍາຍຕົວຕໍ່ເນື່ອງເຮັດ ໃຫ້ຊິວີດການເປັນຢູ່ຂອງປະຊາຊົນບັນດາເຜົ່ານັບມື້ໄດ້ຮັບການປັບປຸງດີຂື້ນເປັນກ້າວໆ.

ທ່ານ ປອ ສົມພອນ ພົມວິຫານ ຍັງໄດ້ກ່າວຕື່ມວ່າ ໃນກອງປະຊຸມໃຫ່ຍຄັ້ງທີ 10 ຂອງແນວລາວສ້າງຊາດ,ສູນກາງແນວລາວສ້າງຊາດໄດ້ສົມທົບການພາກສ່ວນຕ່າງໆທັງສູນກາງ ແລະ ທ້ອງຖີ່ນດຳເນີນແຜນການ ໂຄງການສ້າງຄອບຄົວ ແລະ ບ້ານສາມັກຄີປອງດອງມາຮອດປະຈຸບັນສາມາດປະກາດບ້ານເປັນຄອບຄົວ ແລະ ບ້ານສາມັກຄີປອງດອງໄດ້ແລັວ 297,096 ຄອບຄົວ ໃນຈຳນວນທັງໝົດ 2131 ບ້ານ ເທົ່າກັບ 24 ສ່ວນຮ້ອຍ ສ້າງສາພັດຖະນາເສດຖະກິດ-ສັງຄົມຕິດພັນກັບການແກ້ໄຂຄວາມທຸກຢາກຂອງປະຊາຊົນ,ການສ້າງບ້ານພັດທະນາ ແລະ ການສ້າງພື້ນຖານໂຄງລ່າງມາຮອດຕົ້ນປີ 2018 ຄອບຄົວທຸກຍາກໄດ້ຫຼຸດລົງ ແລະ ຍັງເຫຼືອ 5,34 ສ່ວນຮ້ອຍ ຂອງຈຳນວນຄອບຄົວ ທັງໝົດໃນທົ່ວປະເທດ,ທົ່ວປະເທດມີບ້ານພັດທະນາ 4138 ບ້ານ ແລະ ບ້ານພັດທະນາເປັນຕົວເມືອງຢູ່ຊົນນະບົດ 56 ບ້ານ,ບ້ານທຸກຍາກຍັງເຫຼືອ 18,13 ສ່ວນຮ້ອຍ.

Off

Comments are closed.