12th Nov2019

ກອງປະຊຸມລະດັບສູງເພື່ອສະເຫຼີມສະຫຼອງ ໃນໂອກາດວັນຄົບຮອບ30ປີ ຂອງສົນທິສັນຍາວ່າດ້ວຍສິດທິເດັກ

by somchan

ກອງປະຊຸມໃຫ່ຍລະດັບສູງ ເພື່ອສະເຫຼີມສະຫຼອງ ໃນໂອກາດວັນຄົບຮອບ 30 ປີ ຂອງສົນທິສັນຍາວ່າດ້ວຍສິດທິເດັກ ໄດ້ຈັດຂື້ນໃນວັນທີ 11 ພະຈິກ 2019 ນີ້ ທີ່ຫໍປະຊຸມແຫ່ງຊາດ ນະຄອນຫຼວງວຽງຈັນ ໂດຍການເປັນກຽດເຂົ້າຮ່ວມຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ທ່ານ ນາງກາລີນ ຣຸນຊອບ ຜູ້ຕາງໜ້າອົງການຢູນີເຊັບ ປະຈຳພາກພື້ນອາຊີ ແລະ ປາຊີຟິກ, ມີບັນດາຮອງເຈົ້າແຂວງ ຕາງໜ້າພາກສ່ວນທຸລະກິດ, ອົງການຈັດຕັ້ງບໍ່ສັງກັດລັດຖະບານ, ອົງການຈັດຕັ້ງສັງຄົມ ຕະຫຼອດຮອດ ບັນດາຊາວໜຸ່ມ ນັກຮຽນນັກສືກສາເຂົ້າຮ່ວມ.

ໃນການສະເຫຼີມສະຫຼອງ 30 ປີ ຂອງການຮັບຮອງສົນທິສັນຍາ ວ່າດ້ວຍສິດທິເດັກ ເຊີ່ງເປັນບົດບັນຍັດກ່ຽວກັບສິດທິມະນຸດ ໂດຍການສະໜັກສະໜູນ ຈາກອົງການຢູນີເຊັບ ປະຈຳ ສປປ ລາວ ເຊີ່ງສົນທິສັນຍາ ກ່ຽວກັບສິດທິເດັກສະແດງໃຫ້ເຫັນເຖີງຄວາມໝາຍໝັ້ນຮ່ວມກັນ ຂອງປະຊາຊາດໃນໂລກທີ່ໄດ້ໃຫ້ຄວາມສຳຄັນ ແລະ ເອົາໃຈໃສ່ຕໍ່ການຈັດຕັ້ງປະຕິບັດ ທັງເປັນການສ້າງເງື່ອນໄຂຊຸກຍູ້ ໃຫ້ປະເທດຕ່າງໆ ໄດ້ທົບທວນຄວາມຄືບໜ້າ ເຫັນໄດ້ສີ່ງທ້າທາຍ ແລະ ທິດທາງແຜນການໃນຕໍ່ໜ້າ ໃນການແກ້ໄຂບັນຫາ ແລະ ປະຕິບັດວຽກງານສິດທິເດັກ ເພື່ອການສ້າງຄົນທີມີຄຸນນະພາບ ເພື່ອອານາຄົດທີສົດໃສ.

ສປປ ລາວ ກໍ່ຄືປະເທດຕ່າງໆ ໃນທົ່ວໂລກຍາມໃດກໍ່ໃຫ້ຄວາມສຳຄັນ ຕໍ່ກັບການເບີ່ງແຍງດູແລ ແລະ ພັດທະນາເດັກ ກ່ອນການເຂົ້າເປັນພາຄີ ຂອງສົນທິສັນຍາ ວ່າດ້ວຍສິດທິເດັກ ຊື່ງ ສປປ ລາວ ກໍ່ມີຫຼາຍການຈັດຕັ້ງທີ່ເຮັດໜ້າທີ່ ປົກປ້ອງສິດ ແລະ ພັດທະນາເດັກ, ໂດຍການຈັດຕັ້ງແກນກາງໃນວຽກງານ ດັ່ງກ່າວແມ່ນການຈັດຕັ້ງຂອງຄະນະຊາວໜຸ່ມ, ສະຫະພັນແມ່ຍິງສະຖາບັນການສືກສາສາມັນ, ການຈັດຕັ້ງທາງສາດສະໜາ, ສະຖາບັນຄອບຄົວຢູ່ຂອບເຂດທົ່ວປະເທດ ທາງສູນກາງແລະທ້ອງຖີ່ນ ທັງຢູ່ໃນເມືອງແລະຊົນນະບົດ, ພາຍຫຼັງທີ່ ສປປ ລາວ ໄດ້ເຂົ້າເປັນພາຄີ ຂອງສົນທິສັນຍາແລ້ວກໍ່ໄດ້ມີການສ້າງຕັ້ງຄະນະກຳມະການ ເພື່ອຄວາມກ້າວໜ້າຂອງແມ່ຍິງ ແລະເດັກ, ວຽກງານສິດທິເດັກຍີ່ງໄດ້ຮັບການຍົກມາດຖານ ແລະ ຄຸນນະພາບສູງຂື້ນຕື່ມ.

ຕະຫຼອດໄລຍະທີ ສປປ ລາວ ເຂົ້າເປັນພາຄີຂອງສົນທິສັນຍາວ່າດ້ວຍສິດທິເດັກ ສປປ ລາວ ສາມາດຍາດມາໄດ້ຜົນສຳເລັດ ໃນການປົກປ້ອງແລະພັດທະນາເດັກນ້ອຍລາວ ບັນດາເຜົ່າເປັນກ້າວໆມາ ວຽກງານທີ່ຜົນເດັ່ນ ກໍ່ຄືການສະກັດກັ້ນແລະປາບປາມການຄ້າຂາຍເດັກ ແລະ ຄ້າປະເພນີເດັກ, ການກວດກາແລະປາບປາມການເຜີຍແຜ່ຊື່ລາມົກອານາຈານກ່ຽວກັບເດັກ ການປ້ອງກັນຕ້ານແລະແກ້ໄຂບັນຫາການໃຊ້ຄວາມຮຸ່ນແຮງ, ການສົ່ງເສີມສິດແລະຜົນປະໂຫຍດ, ການລືບລ້າງຄວາມທຸກຢາກ ຮູບແບບຂອງການຈຳແນກ ແລະ ການນຳໃຊ້ຄວາມຮຸ່ນແຮງຕໍ່ເດັກແລະ ວຽກງານອື່ນໆ ທີ່ຕິດພັນກັບການປະຕິບັດພັນທະ ແລະ ສົນທິສັນຍາສາກົນກ່ຽວກັບເດັກ.

ຊື່ງຜົນສຳເລັດດັ່ງກ່າວ ເກີດຂື້ນໄດ້ກໍ່ຍ້ອນຄວາມເອົາໃຈໃສ່ຂອງລັດຖະບານ ແລະ ການຈັດຕັ້ງທາງສັງຄົມທຸກພາກສ່ວນ, ຍ້ອນໄດ້ຮັບການສະໜັບສະໜູນ ແລະ ຊ່ວຍເຫຼືອຂອງອົງການປະຊາຊາດ ບັນດາອົງການຈັດຕັ້ງເພື່ອນມິດສາກົນ ບັນດາຄູ່ຮ່ວມພັດທະນາ ແລະ ບັນດາອົງການຈັດຕັ້ງບໍ່ສັງກັດລັດຖະບານ ແລະ ປະກອບສ່ວນຢ່າງຕັ້ງໜ້າຂອງປະຊາຊົນລາວບັນດາເຜົ່າ.

Off

Comments are closed.