19th Sep2018

ກອງປະຊຸມລັດຖະບານເປີດກ້ວາງຄັ້ງທີ 2 ປີ 2018 ໄດ້ອັດລົງດ້ວຍຜົນສຳເລັດ.

by somchan

ກອງປະຊຸມລັດຖະບານເປີດກ້ວາງຄັ້ງທີ່ 2 ປີ 2018 ໄດ້ອັດລົງດ້ວຍຜົນສຳເລັດໃນວັນທີ່ 18 ກັນຍາ ນີ້. ທີ່ ຫໍປະຊຸມແຫ່ງຊາດ , ນະຄອນຫຼວງວຽງຈັນ , ພາຍຫຼັງດຳເນີນມາເປັນ ເວລາ 2 ວັນ ພາຍໃຕ້ການເປັນ ປະທານຂອງ ທ່ານ ທອງລຸນ ສີສຸລິດ ນາຍົກລັດຖະມົນຕີ ມີບັນດາສະມາຊິກ ລັດຖະບານ ແລະ ພາກສ່ວນທີ່ກ່ຽວຂ້ອງເຂົ້າຮ່ວມກອງປະຊຸມໄດ້ຮັບຟ້ງບົດລາຍງານ ຂອງຄະນະກຳມະການປ້ອງກັນ ແລະ ຄວບຄຸມໄພພິບັດ ແຫ່ງຊາດ ເປັນຕົ້ນແມ່ນສະພາບຜົນເສຍຫາຍຈາກໄພນ້ຳຖວມ , ການປະຕິບັດໃຫ້ການຊ່ວຍເຫຼືອສຸກເສີນ ແລະ ແຜນການຟື້ນຟູ ຜົນກະທົບຫຼັງໄພພິບັດ ຢູ່ບັນດາແຂວງໃນທົ່ວປະເທດ ແລະ ສະເພາະເມືອງສະໜາມໄຊ , ແຂວງອັດຕະປື ທີ່ສະເໜີໂດຍ ປອ ຄຳແພງ ໄຊສົມແພງ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ, ປະທານຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດເຊີງ ທ່ານໄດ້ກ່າວວ່າ ນັບແຕ່ກາງເດືອນ ກໍລະກົດ ຫາຕົ້ນ ເດືອນ ກັນຍາ 2018 ແລະ ລົມພາຍຸເຂດຮ້ອນເປັນຕົ້ນ ເຊີນຕິນ ແລະ ເບີປິນກາ ພັດຜ່ານເຂົ້າ ສປປ ລາວ ລວມທັງບັນຫາລະດັບແມ່ນ້ຳຂອງ ແລະ ສາຂາ ຂອງ ແມ່ນ້ຳຂອງຕ່າງໆເພີມຂື້ນສູງໄຫຼລົ້ນຝັງເຮັດໃຫ້ຫຼາຍແຂວງເກີດໄພນ້ຳຖວມ ແລະ ດີນເຈືອນຈຳນວນຫຼາຍຄັ້ງ,ສົງຜົນກະທົບໂດຍກົງຕໍ່ປະຊາຊົນ 16 ແຂວງ,1 ນະຄອນຫຼວງວຽງຈັນ, ມີ 110 ເມືອງ, 2099 ບ້ານ, 113538 ຄອບຄົວ, ມີ 541,674 ຄົນ ແລະ ເສຍຊິວິດ 54 ຄົນ, ບາດເຈັບ 2 ຄົນ ແລະ ສູນຫາຍທີ່ຍັງບໍ່ທັນພົບເຫັນ 100 ຄົນ, ໄດ້ຍົກຍ້ານໄປບ່ອນທີ່ພັກເຊົາຊົວຄາວເບື້ອງຕົ້ນ 4890 ຄອບຄົວ, ມີ 20516 ຄົນ, ຖ້າສົມທຽບເບີ່ງຕົວເລກຈຳນວນຜູ້ເສຍຊິວິດ ແລະ ຜູ້ສູນຫາຍທີ່ຍັງບໍ່ທັນພົບເຫັນ, ແຂວງ ອັດຕະປື ມີຫຼາຍກ່ວາໝູ່ເຊີງມີຜູ້ເສຍຊິວິດເຖີງ 40 ຄົນ ແລະ ສູນຫາຍຍັງບໍ່ທັນພົບເຫັນ 97 ຄົນ.ຮອງລົງມາແມ່ນແຂວງຫຼວງພະບາງ ມີຜູ້ເສຍຊິວິດ 10 ຄົນ ແລະ ສູນຫາຍ 3 ຄົນ, ຊຽງຂວາງ ເສຍຊິວິດ 3 ຄົນ, ບໍລິຄຳໄຊເສຍຊິວິດ 1 ຄົນ ແລະ ອືນໆ.

ຜູ້ແທນເຂົ້າຮ່ວມກອງປະຊຸມ ໄດ້ພ້ອມກັນສຸມໃສ່ພິຈາລະນາປະກອບຄຳເຫັນເຂົ້າໃສ່ເນືອໃນທີ່ສຳຄັນ 3 ບັນຫາເປັນຕົ້ນໄດ້ຕິລາຄາສະພາບການແກ້ໄຂໄພພິບັດທຳມະຊາດທີ່ເກີດຂື້ນທົ່ວປະເທດສະຫຼູບ ຕີລາຄາການ ຈັດຕັ້ງປະຕິບັດ ແຜນພັດຖະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດ 8 ເດືອນຕົ້ນປີ, ຄາດຄະເນໝົດປີ 2018 ແລະ ທິດທາງແຜນພັດຖະນາເສດຖະກິດສັງຄົມ ແລະ ແຜນງົບປະມານ ແຫ່ງລັດປີ 2019 ແລະ ສະຫຼູບຕີລາຄາການຈັດຕັ້ງປະຕິບັດແຜນພັດຖະນາເສດຖະກິດ-ສັງຄົມ ແຫ່ງຊາດ 5 ປີຄັ້ງທີ່ 8 ກາງສະໄໝ ແລະ ກະກຽມສ້າງແຜນພັດຖະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ່ 9 ແຕ່ປີ 2021-2025.ດ້ວຍຄວາມຮັບຜິດຊອບສູງ ແລະ ກອງປະຊຸມໄດ້ເຫັນດີເປັນເອກກະພາບກັນຫຼາຍວຽກງານກ່ຽວກັບທິດທາງໃນການແກ້ໄຂ ແລະ ຟື້ນຟູໄພພິບັດໃນຂອບເຂດທົ່ວປະເທດ ແລະ ວຽກງານອືນໆທີ່ສຳຄັນ,ເຊີ່ງບາງຕອນ ສຈ ປອ ຈະເລີນ ເຢຍປາວເຮີ ລັດຖະມົນຕີປະຈຳສຳນັກງານນາຍົກໂຄສົກລັດຖະບານ ໄດ້ຖະແຫຼງຂ່າວຜົນສຳເລັດຂອງກອງປະຊຸມໃນຄັ້ງນີ້ເຊີງທ່ານໄດ້ກ່າວວ່າກອງປະຊຸມໄດ້ປືກສາຫາລື ແລະ ເປັນເອກກະພາບກ່ຽວກັບທິດ ທາງໃນການແກ້ໄຂ ແລະ ຟື້ນຟູໄພພິບັດດັງນີ້:ໃຫ້ຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດປັບປຸງຄືນບົດສະຫຼູບຜົນເສຍຫາຍຈາກໄພພິບັດໃນທົ່ວປະເທດ ໃຫ້ແທດກັບຕົວຈິງ ແລະ ສ່ວນ ເມືອງ ສະໜາມໄຊແມ່ນໃຫ້ຄະນະປະເມີນຜົນເສຍຫາຍ ແລະ ຟື້ນຟູຮິບຮ້ອນປະເມີນຜົນເສຍຫາຍໃຫ້ສຳເລັດໂດຍໄວ, ຈາກນັນໃຫ້ວາງທິດທາງແກ້ໄຂສະເພາະໜ້າ ແລະ ຍາວນານແລະໃຫ້ຄະນະກຳມະການປ້ອງກັນ ແລະ ຄວບຄຸມໄພພິບັດແຫ່ງຊາດລາຍງານຕົວເລກຜູ້ສູນຫາຍຢູ່ໃນເມືອງສະໝາມໄຊຢ່າງເປັນທາງການເພື່ອໃຫ້ລັດຖະບານພິຈາລະນາຮັບຮອງ

ພ້ອມນີ້ໃຫ້ບັນດາຂະແໜງການ ແລະ ທັອງຖິນກະກຽມ ແລະ ສ້າງເງືອນໄຂເອືອອຳນວຍເພືອກຽມພະລິດລະດູແລງທົດແທນຜົນເສຍຫາຍຈາກໄພນ້ຳຖວມ ໂດຍມອບໃຫ້ກະຊວງການເງີນສົບທົບກັບ ກະຊວງຊັບພະຍາກອນທຳມະຊາດ ແລະ ສິງແວດລ້ອມຄົ້ນຄ້ວາກ່ຽມກັບການຜ່ອນຜັນ ຫຼື ການໂຈະການເກັບພາສີທີ່ດີນໃນເຂດທີ່ເກີດໄພພິບັດກະຊວງພະລັງງານ ແລະ ບໍແຮ່ ຄົ້ນຄ້ວາກ່ຽວກັບ ນະໂຍບາຍຫຼຸດຜ່ອນລາຄາກະແສໄຟຟ້າໃນການຜະລິດລະດູແລ້ງເພື່ອທົດແທນຕົ້າທືນຂອງການຜະລິດສີນຄ້າທົດແທນເຂດຖືກນ້ຳຖວມ, ກະຊວງການເງີນຄົ້ນຄ້ວາກ່ຽວກັບການນຳໃຊ້ ງົບປະມານສຸກເສີນເພື່ອແກ້ໄຂໄພພິບັດໃຫ້ມີປະສິດທິຜົນ ແລະ ທັນກັບສະພາບການ, ພ້ອມທັງຄົ້ນຄ້ວານະໂຍບາຍຫຼຸດອັດຕາພາສີ, ອາກອນໃນການນຳເຂົ້າປັດໄຈການຜະລິດ ແລະ ກະຊວງກະສິກຳ ແລະ ປ່າໄມ້ຄົ້ນຄ້ວາ ແລະ ກຽມສະໜັບສະໜູນ ແລະ ຊວຍເຫຼືອພິເສດໃນເຂດໄດ້ຮັບຜົນກະທົບຈາກໄພພິບັດເປັນຕົ້ນແມ່ນການສະໜອງນ້ຳໃຫ້ແກ່ເຂດຜະລິດໃນລະດູແລ້ງ, ການສະໜັບສະໜູນທາງດ້ານສັດຕະແພດ, ການປາບປາມສັດຕູພືດ ແລະ ໃຫ້ຄວາມຮູ້ທາງດ້ານເຕັກນິກວິຊາການແລະອືນໆ

Off

Comments are closed.