21st Nov2017

ກອງປະຊຸມວິຊາການກ່ຽວກັບວີຊ່າລວມ ອາຊຽນຄັ້ງທີ 2

by somchan

ໃນຕອນເຊົ້າຂອງວັນທີ 21 ພະຈິກ 2017 ກອງປະຊຸມວິຊາການກ່ຽວກັບວິຊ່າລວມອາຊຽນ ຄັ້ງທີ 2 ໄດ້ຈັດຂຶ້ນທີ່ໂຮງແຮມແລນມາກນະຄອນ ຫຼວງວຽງຈັນ ໂດຍການເປັນປະທານຂອງ ທ່ານສົມໃຈ ປຣະພາສີຣິ ຫົວໜ້າພະແນກກົງສູນ ກົມກົງສູນກະຊວງການຕ່າງປະເທດ ຊຶ່ງມີຄະນະ ຜູ້ແທນເຂົ້າຮ່ວມຈາກ 10 ປະເທດສະມາຊິກ ອາຊຽນ ແລະ ກອງເລຂາອາຊຽນ.

ກອງປະຊຸມໄດ້ປຶກສາຫາລືກ່ຽວກັບຮູບແບບວິທີການ ແລະ ຄວາມເປັນໄປໄດ້ ໃນການສ້າງຕັ້ງວິຊ່າລວມອາຊຽນ ຂອງບັນດາປະເທດສະມາຊິກອາຊຽນ, ເພື່ອອຳນວຍຄວາມສະດວກ ແລະ ລຸດຜ່ອນຂັ້ນຕອນໃນການເດີນທາງເຂົ້າມາປະເທດສະມາຊິກອາຊຽນ.

ກອງປະຊຸມວິຊາການກ່ຽວກັບວິຊ່າລວມອາຊຽນຄັ້ງທີ 2 ນີ້ ແມ່ນກອງປະຊຸມປິ່ນອ້ອມກອງປະຊຸມຫົວໜ້າກົມຕຳຫຼວດກວດຄົນເຂົ້າ-ອອກເມືອງອາຊຽນ ຮ່ວມກັບພະແນກກົງສູນ ກະຊວງການຕ່າງປະເທດ ຄັ້ງທີ 21 ແລະ ກອງປະຊຸມອື່ນໆທີ່ກ່ຽວຂ້ອງຊຶ່ງຈັດຂຶ້ນໃນວັນທີ 20-25 ພະຈິກ 2017 ທີ່ນະຄອນຫຼວງວຽງຈັນ ພາຍໃຕ້ການເປັນປະທານຂອງຫົວໜ້າກົມ ຕມ ກະຊວງປ້ອງກັນຄວາມສະຫງົບ ຂອງ ສປປ ລາວ.

 

Off

Comments are closed.