06th Dec2018

ກອງປະຊຸມສອງຝ່າຍລະຫວ່າງລາວ-ຫວຽດ ແລະ ລາວກຳປູເຈຍວ່າດ້ວຍການຮ່ວມມື ເພື່ອຄວບຄຸມຢາເສບຕິດຄັ້ງທີ່ 17

by somchan

ໃນວັນທີ່ 6 ທັນວານີ້ ຢູ່ທີ່ໂຮງແຮມຄຣາວພາສາ ນະຄອນຫຼວງວຽງຈັນ ໄດ້ຈັດກອງປະຊຸມສອງຝ່າຍ ລາວ-ຫວຽດນາມ ແລະ ລາວ-ກຳປູເຈຍ ວ່າດ້ວຍການຮ່ວມມືເພື່ອຄວບຄຸມຢາເສບຕິດ ຄັ້ງທີ່ 17 ໂດຍການເປັນປະ ທານຮ່ວມ ຂອງ ພົຕ ປອ ສົມຫວັງ ທຳມະສິດ ຮອງລັດຖະມົນຕີ,ຫົວໜ້າຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດກະຊວງປ້ອງກັນຄວາມສະຫງົບ,ພົທ ເລກຸຍເຫວຶອງ ຮອງລັດຖະມົນຕີ ກະຊວງຕຳຫຼວດ ຫວຽດນາມ ແລະ ພົອ ຈູນໂຊນັນ ຮອງຄະນະກຳມະການແຫ່ງຊາດເພື່ອຕໍ່ຕ້ານຢາເສບຕິດແຫ່ງລາສະອານາຈັກກຳປູເຈຍ ພ້ອມດ້ວຍຄະນະຜູ້ແທນແຕ່ລະປະເທດເຂົ້າຮ່ວມ. 

ໃນກອງປະຊຸມຄະນະຜູ້ແທນແຕ່ລະປະເທດ ໄດ້ຕີລາຄາການຮ່ວມມືໃນການສະກັດກັ້ນ ແລະ ຕ້ານຢາເສບຕິດໃນໄລຍະຜ່ານມາ ພ້ອມທັງລາຍງານສະພາບບັນຫາຢາເສບຕິດຂອງແຕ່ລະປະເທດໃຫ້ກັນຊາບ ແລະ ໄດ້ປືກສາຫາລືແລກປ່ຽນຄຳຄິດເຫັນນຳກັນຢ່າງກົງໄປກົງມາໃນແຕ່ລະດ້ານເປັນຕົ້ນດ້ານວຽກງານແລກປ່ຽນຂໍ້ມູນຂ່າວສານ,ຫ້ອງການປະສານງານຄວບຄຸມຢາເສບຕິດຕາມຊາຍແດນ,ການຮ່ວມມືດ້ານການກວດກາ ແລະ ຄວບຄຸມຢາເສບຕິດ,ການຮ່ວມມືດ້ານການບຳບັດປີ່ນປົວ ແລະ ພື້ນຟູສຸກຂະພາບຜູ້ຕິດຢາເສບຕິດ ແລະ ການຮ່ວມມືການປະຕິບັດໂຄງການແມ່ນ້ຳຂອງປອດໄພ.ເພື່ອເຮັດໃຫ້ບັນຫາຢາເສບຕິດຂອງແຕ່ລະປະເທດຫຼຸດໜັອຍຖອຍລົງເທື່ອລະກ້າວ.

ໂອກາດດັງວກັນ ພົຕ ປອ ສົມປອງ ທຳມະສິດ ຮອງລັດຖະມົນຕີ,ຫົວໜ້າຄະນະຊີ້ນຳວຽກງານກວດກາ ແລະ ຄວບຄຸມຢາເສບຕິດ ກະຊວງ ປກສ ຍັງໄດ້ມີຄຳເຫັນກ່ຽວກັບຄວາມຮັບຜິດຊອບຂອງ ສປປ ລາວ ໃນການຈັດຕັ້ງປະຕິບັດແຜນແມ່ບົດແຫ່ງຊາດ ເພື່ອຄວບຄຸມແລະສະກັດກັ້ນຕ້ານຢາເສບຕິດ ການປະຕິບັດກົດໝາຍ,ການປະຕິບັດມະຕິຄຳສັ່ງ,ການຊີ້ນຳ,ການມ້າງບັນດາຄະດີ,ການຈັບກຸ່ມຜູ້ຄ້າຂາຍຢາເສບຕິດລາຍໃຫ່ຍຕະຫຼອດເຖີງບັນດາສີ່ງທ້າທາຍຕ່າງໆກ່ຽວກັບບັນຫາຢາເສບຕິດ

Comments are closed.