05th Dec2018

ກອງປະຊຸມສະພາແຫ່ງຊາດໄດ້ມີການ ພິຈາລະນາຮັບຮອງແຕ່ງຕັ້ງລັດຖະມົນຕີ ປກສ ຜູ້ໃໝ່ຕາມໜັງສືສະເໜີຂອງ ທ່ານນາຍົກລັດຖະມົນຕີ ແຫ່ງ ສປປ ລາວ

by somchan

 

ກອງປະຊຸມສະພາແຫ່ງຊາດໄດ້ມີການພິຈາລະນາ ຮັບຮອງແຕ່ງຕັ້ງລັດຖະມົນຕີ ປກສ ຜູ້ໃໝ່ຕາມໜັງສືສະເໜີຂອງ ທ່ານນາຍົກລັດຖະມົນຕີ ແຫ່ງ ສປປ ລາວານດຳເນີນກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ 8 ໃນວັນທີ 5 ທັນວາ ເປັນມື້ທີ່ 11 ຂອງການດຳເນີນກອງປະຊຸມ ຢູ່ທີ່ຫໍສະພາແຫ່ງຊາດຫຼັກ 6 ນະຄອນຫຼວງວຽງຈັນ ພາຍໃຕ້ການເປັນປະທານຂອງ ພົນໂທ ແສງນວນ ໄຊຍະລາດ

 

 

ຮອງປະທານສະພາແຫ່ງຊາດ ໃນກອງປະຊຸມ ສະມາຊິກສະພາແຫ່ງຊາດ ຈາກເຂດເລືອກຕັ້ງຕ່າງໆໄດ້ຮັບຟັງ ແລະ ຄົ້ນຄວ້າຕາມການສະເໜີຂອງທ່ານ ນາຍົກລັດຖະມົນຕີກ່ຽວກັບການສະເໜີແຕ່ງຕັ້ງ ແລະ ຍົກຍ້າຍສະມາຊິກລັດຖະບານ ໄປຮັບໜ້າທີ່ຕຳແໜ່ງໃຫ່ມ ໃນນີ້ ຍົກຍ້າຍ ພົນຕີ ສົມແກ້ວ  ສີລາວົງ ເລຂາທິການສູນກາງພັກ, ລັດຖະມົນຕີກະຊວງປ້ອງກັນຄວາມສະຫງົບ ໄປຮັບໜ້າທີ່ໃໝ່ ຢູ່ກະຊວງປ້ອງກັນປະເທດ, ແຕ່ງຕັ້ງ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ເປັນລັດຖະມົນຕີກະຊວງປ້ອງກັນຄວາມສະຫງົບ ແລະ ພ້ອມທັງພິຈາລະນາ ແຕ່ງຕັ້ງທ່ານ ສອນໄຊ ສິດພະໄຊ ເປັນຜູ້ວ່າການທະນາຄານແຫ່ງ ສປປ ລາວ ພ້ອມນີ້ກອງປະຊຸມຍັງໄດ້ຮັບຟ້ງການສະເໜີຂອງລັດຖະບານກ່ຽວກັບການຮັບຮ່ອງເອົາຊົນເຜົ່າບູຣທີ່ສະເໜີໂດຍ ທ່ານ ຄຳໝັ້ນ ສູນວີເລີດ ລັດຖະມົນຕີກະຊວງພາຍໃນຈາກນັ້ນ ປະທານກອງປະຊຸມໄດ້ມີຄຳຖາມເຈາະຈີ້ມ ແລະ ໃຫ້ທິດຊີ້ນຳໃນການປະກອບຄຳຄິດເຫັນຕໍ່ສະມາຊີກສະພາແຫ່ງຊາດໃນການປະກອບຄຳເຫັນໃນ ການພິຈາລະນາຮັບຮອງເອົາການແຕ່ງຕັ້ງ ລັດຖະມົນຕີ ກະຊວງປ້ອງກັນ ຄວາມສະຫງົບ ຜູ້ວ່າການທະນາຄານແຫ່ງ ສປປ ລາວ ແລະ ພິຈາລະນາຮັບຮອງເອົາຊົນເຜົ່າບູຣ ແລະ ສະເໜີໃຫ້ສະມາຊີກສະພາແຫ່ງຊາດແຕ່ລະ ເຂດເລືອກຕັ້ງລົງຄະແນນ ສຽງຮັບ ຮອງເອົາສາມວຽກທີ່ສຳຄັນດ້ວຍ ຄະແນນສຽງເຫັນດີເປັນສ່ວນຫຼາຍ ແລະ ຕອນບ່າຍຂອງວັນດຽວກັນຕາມວາລະດຳເນີນຂອງກອງປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດຊຸດທີ່ 8 ຈະໄດ້ພິຈາລະນາຮັບຮອງເອົາບັນດາຮ່າງກົດໝາຍສ້າງໃ;່ປັບປຸງ ແລະ ທາບທາມ ຈຳນວນ 9 ສະບັບຈາກຮ່າງປະມວນກົດໝາຍແພ່ງສ້າງໃໝ່

Comments are closed.