13th Feb2020

ກອງປະຊຸມສະຫຼຸບການເຄື່ອນໄຫວຊີ້ນຳ-ນຳພາຂອງຄະນະພັກຫ້ອງວ່າການ ປະຈຳປີ 2019

by somchan

ອົງຄະນະພັກຫ້ອງວ່າການ ກະຊວງ ປກສ ໄດ້ຈັດກອງປະຊຸມສະຫຼຸບການເຄື່ອນໄຫວຊີ້ນຳ-ນຳພາຂອງຄະນະພັກຫ້ອງວ່າການ ໃນໄລຍະ 1 ປີຜ່ານມາ ແລະ ວາງທິດທາງແຜນການໃນຕໍ່ໜ້າ, ໃນວັນທີ 13 ກຸມພາ 2020, ເປັນການປະທານໂດຍ ພົຈວ ສົມວັນ ສາຍລ້ອງພາ ຄະນະພັກກະຊວງ ເລຂາຄະນະພັກ ຫົວໜ້າຫ້ອງວ່າການ ມີບັນດາຄະນະພັກ-ຄະນະໜ່ວຍພັກ, ກົມ-ຫ້ອງອ້ອມຂ້າງເຂົ້າຮ່ວມ.

ພັອ ກຽງຄຳ ອິນແພງທະວົງ ຮອງເລຂາຄະນະພັກ ຮອງຫົວຫນ້າຫ້ອງວ່າການ ກ່າວວ່າ: ໃນໄລຍະ 1 ປີຜ່ານມາ, ຄະນະພັກ-ຄະນະບັນຊາແຕ່ລະຂັ້ນ ເອົາໃຈໃສ່ໃນການເປັນເສນາທິການໃຫ້ແກ່ການນຳ ຂອງກະຊວງ ປກສ ຈັດຕັ້ງປະຕິບັດ 4 ແຜນງານ, 41 ໂຄງການທີ່ກະຊວງ ປກສ ວາງອອກ, ປັບປຸງກົງຈັກການຈັດຕັ້ງຮາກຖານພັກຕິດພັນກັບການສັບຊ້ອນການຈັດຕັ້ງດ້ານວຽກງານວິຊາສະເພາະເພື່ອຮັບປະກັນໃຫ້ແກ່ການຊີ້ນຳນຳພາຂອງແຕ່ລະຮາກຖານພັກ ແລະ ນຳພາປັບປຸງການຈັດຕັ້ງເບື້ອງພັກ-ເບື້ອງລັດ ເພື່ອໃຫ້ສອດຄອດກັບສະພາບຕົວຈິງ ເປັນຕົ້ນແມ່ນໄດ້ເອົາໃຈໃສ່ນໍາພາ ແລະ ຊຸກຍູ້ການກໍ່ສ້າງພະນັກງານທາງດ້ານປະລິມານ ແລະ ຄຸນນະພາບທາງດ້ານການເມືອງ-ແນວຄິດ ແລະ ການຈັດຕັ້ງ, ບັນຈຸສັບຊ້ອນພະນັກງານຜູ້ທີ່ມີຄວາມຮູ້-ຄວາມສາມາດ, ມີຄວາມບຸກບືນຫ້າວຫັນເຂົ້າໃນຕໍາແຫນ່ງ ນໍາພາ-ບັນຊາໃນແຕ່ລະຂັ້ນ, ໃນໄລຍະຜ່ານມາໄດ້ຄົ້ນຄວ້າພະນັກງານໄປຍົກລະດັບທາງວິຊາສະເພາະທັງໄລຍະສັ້ນ-ໄລຍະຍາວ, ທັງພາຍໃນ, ຕ່າງປະເທດ ແລະ ໄປຮຽນທິດສະດີການເມືອງ-ການປົກຄອງລະບົບກໍ່ສ້າງ, ເຊື່ອມຕໍ່ ແລະ ບໍາລຸງ 44 ສະຫາຍ ຍິງ 13 ສະຫາຍ, ໄດ້ຮັບກໍາລັງທົດແທນ 10 ສະຫາຍ ຍິງ 1 ສະຫາຍ ແລະ ໂຍກຍ້າຍມາຈາກ ກົມກອງອື່ນ ມີ 6 ສະຫາຍ ຍິງ 2 ສະຫາຍ. ນອກນັ້ນໄດ້ສໍາເລັດການປັບປຸງກົງຈັກການຈັດຕັ້ງຂັ້ນກົມ-ຫ້ອງ ອ້ອມຂ້າງຫ້ອງວ່າການກະຊວງ ປກສ ສໍາເລັດ ແລະ ສໍາເລັດການເປີດຊຸດຝຶກອົບຮົມລະບຽບວິໄນຂອງກໍາລັງ ປກສ ໃຫ້ກໍາລັງໃໝ່-ກໍາລັງທົດແທນມີຜູ້ເຂົ້າຮ່ວມ 34 ສະຫາຍ. ຜ່ານການຈັດຕັ້ງປະຕິບັດວຽກງານໃນໄລຍະຜ່ານມາ, ຄະນະພັກຫ້ອງວ່າການ ໄດ້ເອົາໃຈໃສ່ປະຕິບັດນະໂຍບາຍດ້ານຕ່າງໆ ຕໍ່ພະນັກງານສະມາຊິກພັກ ແລະ ກໍາລັງ ຕາມການກໍານົດຂອງ ຂັ້ນເທິງ ໃນນີ້ໄດ້ຄົ້ນຄວ້າ ແລະ ປະກາດການເລື່ອນຊັ້ນຂັ້ນຕ່າງໆ ໃຫ້ພະນັກງານ-ນັກຮົບ ຈໍານວນ 59 ສະຫາຍ, ຍິງ 14 ສະຫາຍ, ໄດ້ຮັບໃບຍ້ອງຍໍ ຂັ້ນຕ່າງໆ 49 ໃບ, ໄດ້ຮັບຫຼຽນກາແຮງງານ, ຫຼຽນໄຊແຮງງານຊັ້ນ I, ຊັ້ນ II, ຊັ້ນ III, ຫຼຽນກາມິດຕະພາບ ແລະ ຫຼຽນກາລະນຶກ 8 ຫນ່ວຍ.

ໃນຕໍ່ໜ້າ, ຄະນະພັກແຕ່ລະຂັ້ນ ແມ່ນຈະໄດ້ເພີ່ມທະວີແບບແຜນການນໍາພາທີ່ມີວິທະຍາສາດ, ແທດເຖິງຕົວຈິງ, ການພິຈາລະນາບັນຫາສໍາຄັນຕ່າງໆ ປະຕິບັດຕາມສຽງຫນ້ອຍຂຶ້ນກັບສຽງສ່ວນຫຼາຍ. ສຸມໃສ່ປະຕິບັດມະຕິຕົກລົງຂອງຂັ້ນເທິງວາງອອກ, ຊີ້ນຳນພາສະມາຊິກພັກ ພະນັກງານ-ນັກຮົບ ປະຕິບັດຕາມມະຕິຂອງສູນກາງພັກ, ເດັດດ່ຽວຕ້ານ ແລະ ກໍາຈັດພະຍາດອາດຍາສິດ, ເຮັດໃຫ້ການຈັດຕັ້ງ ມີຄວາມປອດໃສ່, ໜັກແໜ້ນ ແລະ ເຂັ້ມແຂງ.

 

Comments are closed.