07th Jan2020

ກອງປະຊຸມສະຫຼຸບວຽກງານປ້ອງກັນຄວາມສະຫົງບ ປະຈຳປີ 2019

by somchan

ກອງປະຊຸມສະຫຼຸບວຽກງານປ້ອງກັນຄວາມສະຫົງບ ປະຈຳປີ 2019 ແລະ ທິດທາງແຜນການວຽກງານຈຸດສຸມ ປີ 2020 ໄດ້ຈັດໃນວັນທີ 7 ມັງກອນນີ້, ພາຍໃຕ້ການເປັນປະທານຂອງ ພົທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງປ້ອງກັັນຄວາມສະຫົງບ, ມີຮອງລັດຖະມົນຕີ, ຄະນະກົມໃຫຍ່, ຫ້ອງວ່າການ, ກົມ, ປກສ ນະຄອນຫຼວງວຍງຈັນ, ບັນດາ ປກສ ແຂວງ ແລະ ພະນັກງານຫຼັກແຫຼ່ງອ້ອມຂ້າງກະຊວງເຂົ້າຮ່ວມ.

ໂອກາດດັ່ງກ່າວ ພົທ ວິໄລ ຫຼ້າຄຳຟອງ ໄດ້ກ່າວວ່າ: ກອງປະຊຸມຄັ້ງນີ້ ໄດ້ພ້ອມກັນສຸມໃສ່ສະຫຼຸບຕີລາຄາການນຳພາ, ການຊີ້ນຳ-ບັນຊາຂອງຄະນະບໍລິຫານງານພັກກະຊວງ ແລະ ຄະນະພັກຂັ້ນຕ່າງໆໃນປີຜ່ານມາ ພ້ອມທັງກຳນົດທິດທາງສຸມໃສ່ນຳພາປີ 2020, ຮັບຟັງການປະກອບຄຳຄິດຄຳເຫັນຂອງບັນດາກົມໃຫຍ່, ກົມກອງວິຊາສະເພາະ ແລະ ກົມກອງທ້ອງຖິ່ນ. ພ້ອມນັ້ນ, ຍັງຈະໄດ້ເຜີຍແຜ່ນິຕິກຳຈຳນວນໜຶ່ງເປັນຕົ້ນ: ຂໍ້ຕົກລົງວ່າດ້ວຍແບບແຜນວິທີເຮັດວຽກຂອງກະຊວງປ້ອງກັນຄວາມສະຫົງບ, ຂໍ້ຕົກລົງວ່າດ້ວຍແບບແຜນວິທີເຮັດວຽກຂອງລັດຖະມົນຕີ, ຄຳສັ່ງແນະນຳການຈັດຕັ້ງປະຕິບັດກົດໝາຍວ່າດ້ວຍກຳລັງປ້ອງກັນຄວາມສະຫົງບ( ສະບັບປັບປຸງ ) ຂໍ້ຕົກລົງວ່າດ້ວຍການປະສານງານຂອງຫ້ອງວ່າການກະຊວງກັບກົມກອງໃນທົ່ວກຳລັງ. ໃນການຄົ້ນຄ້ວາເນື້ອໃນກອງປະຊຸມຄັ້ງນີ້ແມ່ນໃຫ້ມີຄວາມເປັນເອກະພາບໃນການຕີລາຄາສະພາບການຈັດຕັ້ງຊີ້ນຳ-ນຳພາ ແລະ ການບັນຊາ, ມີຄວາມຮັບຜິດຊອບໃນການເບີ່ງບັນຫາໃຫ້ຖືກກັບຄວາມເປັນຈິງ, ຍົກໃຫ້ເຫັນອັນທີ່ເຮັດໄດ້, ອັນທີ່ເປັນບົດຮຽນ ແລະ ສິ່ງຫຍໍ້ທໍ້ຄົງຄ້າງຕ່າງໆ ກໍ່ຄືການແກ້ໄຂບັນຫາຕົວຈິງ ໃຫ້ຖືກຕ້ອງທັນສະພາບການ ແລະ ຮັບປະກັນໃຫ້ການກຳນົດແຜນວຽກຈຸດສຸມໃນຕໍ່ໜ້າ ແທດເໝາະກັບສະພາບແວດລ້ອມຕົວຈິງຂອງກຳລັງ.

 

Off

Comments are closed.