26th Feb2018

ກອງປະຊຸມສະຫຼຸບວຽກງານຫ້ອງການກະຊວງ ປກສ ທົ່ວປະເທດ ປະຈຳປີ 2017

by somchan

ກອງປະຊຸມສະຫຼຸບວຽກງານຫ້ອງການກະຊວງປ້ອງ ກັນຄວາມສະຫງົບທົ່ວປະເທດປະຈຳປີ 2017 ໄດ້ສຳເລັດ ໃນວັນທີ 21 ກຸມພາ 2017 ພາຍຫຼັງດຳເນີນມາເປັນເວລາ 2 ວັນ, ພາຍໃຕ້ການເປັນປະທານຂອງ ພົນຈັດຕະວາ ສີສະຫວາດ ແກ້ວມາລາວົງ ຄະນະປະຈຳພັກກະຊວງ ຫົວໜ້າຫ້ອງວ່າການກະຊວງ ປກສ ໂດຍການເປັນກຽດເຂົ້າຮ່ວມ ຂອງພົນຕີ ສິທະວົງ ໄຊຍະກອນ, ກຳມະການສູນກາງພັກ ຮອງລັດຖະມົນຕີກະຊວງ ປກສ ມີຄະນະພັກກົມໃຫຍ່, ກົມກອງອ້ອມຂ້າງກະຊວງ ປກສ, 2 ວິທະຍາຄານ, 2 ບໍລິສັດ, ກອງບັນຊາຊາ ປກສ ນະຄອນຫຼວງວຽງຈັນ ກອງບັນຊາການ ປກສ ແຂວງທົ່ວປະເທດ ແລະ ແຂກຖືກເຊີນເຂົ້າຮ່ວມ.

ໃນການດຳເນີນກອງປະຊຸມ ບັນດາຜູ້ແທນທີ່ເຂົ້າຮ່ວມກອງປະຊຸມ ໄດ່ສຸມສະຕິປັນຍາ, ຄວາມຮູ້ ປະກອບຄຳເຫັນໃສ່ບົດສະຫຼຸບ ແລະທິດທາງແຜນການ ຫຼາຍດ້ານເປັນຕົ້ນແມ່ນ ວຽກງານປັບປຸງກົງຈັກການຈັດຕັ້ງ, ວຽກງານເລຂານຸການ, ວຽກງານຄົ້ນຄວ້າສັງລວມ ແລະ ແຜນການ, ວຽກງານນິຕິກຳ ແລະ ກົດໝາຍ, ວຽກງານພົນພັນ-ຮ່ວມມືກັບຕ່າງປະເທດ, ວຽກງານກົດລັບ, ວຽກງານຄຸ້ມຄອງເອກະສານ, ວຽກງານກໍ່ສ້າງກຳລັງ ແລະ ປ້ອງກັນກຳລັງ ແລະ ວຽກງານອື່ນໆ. ຢ່າງກົງໄປກົງມາ ແລະ ມີບັນຍາກາດຟົດຟື້ນ. ພ້ອມນີ້, ພົຈວ ສີລະຫວາດ ແກ້ວມາລາວົງ ຄະນະປະຈຳພັກກະຊວງ ຫົວໜ້າຫ້ອງວ່າການກະຊວງປ້ອງກັນຄວາມສະຫງົບ ໃນນາມປະທານກອງປະຊຸມ ໄດ້ສະຫລຸບສັງລວມການປະກອບຄຳເຫັນຂອງຜູ້ແທນກອງປະຊຸມ ແລະ ໄດ້ຊີ້ແຈ້ງຕໍ່ບັນຫາຕ່າງໆຕໍ່ຄຳຖົກຖາມຂອງຜູ້ແທນກອງປະຊຸມຢ່າງກະຈ່າງແຈ້ງ ແລະ ຈະນຳເອົາການປະກອບຄຳເຫັນຂອງຜູ້ແທນກອງປະຊຸມທີ່ໄດ້ປະກອບໃສ່ບົດສະຫຼຸບ ແລະ ທິດທາງແຜນການ 2018 ນີ້ ໄປປັບປຸງເຂົ້າໃນວຽກງານຕ່າງໆ ໃຫ້ມີເນື້ອໃນຄົບຖ້ວນສົມບູນ ແລະ ນຳໄປຈັດຕັ້ງຜັນຂະຫຍາຍ ຢູ່ໃນກົມກອງວິຊາສະເພາະແຕ່ສູນກາງລົງຮອດທ້ອງຖິ່ນ ໃຫ້ໄດ້ຮັບໝາກຜົນສູງສຸດ ໃນຊຸມປີຕໍ່ໜ້າ ໃນວຽກງານປ້ອງກັນຄວາມສະຫງົບ.

ໂອກາດນີ້, ໄດ້ຮັບຟັງການໂອ້ລົມຈາກ ພົຈວ ສິນທະວົງ ໄຊຍະກອນ ກຳມະການສູນກາງພັກ, ຮອງລັດຖະມົນຕີກະຊວງປ້ອງກັນຄວາມສະຫງົບ ທ່ານໄດ້ຍ້ອງຍໍຊົມເຊີຍຕໍ່ຜົນງານ ແລະ ຜົນສຳເລັດ ໃນການຈັດຕັ້ງປະຕິບັດວຽງການ ໃນໄລຍະຜ່ານມາ ເຊິ່ງກອງປະຊຸມໄດ້ຍົກໃຫ້ເຫັນຈຸດດີຜົນງານ ທີ່ຄະນະພັກ ຄະນະນຳຫ້ອງວ່າການກະຊວງປ້ອງກັນຄວາມສະຫງົບ ຫ້ອງການ, ກົມກອງອ້ອມຂ້າງກະຊວງ  ແລະ ກອງບັນຊາການ ປກສ ແຂວງທົ່ວປະເທດ ຍາດມາໄດ້ ໃນ 1 ປີຜ່ານມາ ແລະໄດ້ຍົກໃຫ້ເຫັນຈຸດຄົງຄ້າງທີ່ຈະໄດ້ພ້ອມກັນກັນຕັ້ງປັບປຸງ ແກ້ໄຂ. ພ້ອມນີ້, ທ່ານຍັງໄດ້ຮຽກຮ້ອງ ແລະ ເໜັ້ນໜັກ ຫຼາຍບັນຫາ ໃຫ້ຄະນະພັກ-ຄະນະນຳ ຫ້ອງວ່າການກະຊວງ,​ຫ້ອງ ກົມກອງອ້ອມຂ້າງກະຊວງ ປກສ ກອງບັນຊາການ ນະຄອນຫຼວງວຽງຈັນ ແລະ ປກສ ແຂວງ ທົ່ວປະເທດ ຕ້ອງໄດ້ເອົາໃຈໃສ່ສຶກສາອົບຮົມ ກໍ່ສ້າງພັກ-ກໍ່ສ້າງພະນັກງານ ທີ່ຮັບຜິດຊອບວຽກງານ ຫ້ອງການຢ່າງເປັນປົກກະຕິ , ສ້າງໄດ້ພະນັກງານທີ່ມີທັດສະນະຫຼັກໝັ້ນ ການເມືອງໜັກແໜ້ນ, ມີລະດັບຄວາມຮູ້ຄວາມສາມາດທີ່ແນ່ນອນ, ມີວິໄສທັດຮູ້ເບິ່ງກວ້າງເຫັນໄກ, ກຳໄດ້ທຸກວຽກງານທີ່ເປັນພຶ້ນຖານ, ມີຄວາມສັດຊື່ ແລະ ມີມານະອົດທົນ, ກຳແໜ້ນແນວທາງນະໂຍບາຍຂອງພັກ, ຄົ້ນຄ້ວາສັງລວມ ແລະ ປັບປຸງນິຕິກຳຕ່າງໆທີ່ເຫັນວ່າມີຄວາມຈຳເປັນໃຊ້ຮັບວຽກງານຫ້ອງການເຊັ່ນ: ນິຕິກຳໃນການຄຸ້ມຄອງເອກະສານ, ປົກປັກຮັກສາຄວາມລັບ ແລະ ວຽກງານສຳຄັນອື່ນໆ.

 

Off

Comments are closed.