11th Jan2018

ກອງປະຊຸມສະຫຼຸບວຽກງານ ປກສ ທົ່ວປະ ເທດປະຈຳປີ 2017

by somchan

ກອງປະຊຸມສະຫລຸຍວຽກງານປ້ອງກັນຄວາມສະຫງົບ ທົ່ວປະເທດປະຈຳປີ 2017 ໄດ້ຈັດໃນວັນທີ 11 ມັງກອນ 2018 ຢູ່ທີ່ຫ້ອງປະຊຸມກະຊວງປ້ອງກັນ ຄວາມສະຫງົບ, ໂດຍພາຍໃຕ້ການເປັນປະທານ ຂອງພົຕ ສົມແກ້ວ ສີລາວົງ ເລຂາທິການສູນ ກາງພັກ ລັດຖະມົນຕີກະຊວງປ້ອງກັນຄວາມສະຫງົບ ມີບັນດາຮອງລັດຖະມົນຕີ, ກົມໃຫຍ່, ກົມກອງອ້ອມຂ້າງກະຊວງ ປກສ ນະຄອນຫຼວງວຽງຈັນ, ກອງບັນຊາການ ປກສ ແຂວງ, ປກສ ເມືອງ ທົ່ວປະເທດ ແລະ ແຂກຖືກເຊີນເຂົ້າຮ່ວມ.

ຈາກນັ້ນ ພົນຕີ ສິນທະວົງໄຊຍະກອນ ກຳມະການສູນກາງພັກ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ຜ່ານບົດສະຫຼຸບຕີລາຄາການຊີ້ນຳ-ບັນຊາການຈັດຕັ້ງເຄື່ອນໄຫວວຽກງານປ້ອງກັນຄວາມສະຫງົບທົ່ວປະເທດປະຈຳປີ 2017 ຜົນສຳເລັດຫຼາຍດ້ານ ໂດຍສະເພາະວຽກງານກໍ່ສ້າງພັກ-ກໍ່ສ້າງພະນັກງານ, ການຫັນລົງເຮັດວຽກງານກໍ່ສ້າງຮາກຖານຕາມ 4 ເນື້ອໃນ 4 ຄາດໝາຍ, ວຽກງານສະກັດກັ້ນ ແລະ ວຽກງານແກ້ໄຂປະກົດການຫຍໍ້ທໍ້ໃນສັງຄົມ, ວຽກງານພະລາທິການ, ການສະກັດກັ້ນ ແລະ ແກ້ໄຂບັນຫາຢາເສບຕິດ, ການແກ້ໄຂບັນຫາຢາເສບຕິດ, ການແກ້ໄຂບັນອຸປະຕິເຫດຕາມທ້ອງຖະໜົນຫຼວງ, ການຄຸ້ມຄົນຕ່າງປະເທດ ແລະ ການກວດກາຄົນເຂົ້າອອກເມືອງ. ໃນປີ 2017 ຜ່ານມາທົ່ວປະເທດມີຄະດີອາຍາເກີດຂຶ້ນທັງໝົດ 6.000 ກວ່າເລື່ອງ ມ້າງໄດ້ 5.000 ກວ່າເລື່ອງ ຈັບຕົວຜູ້ກະທຳຜິດໄດ້ 7.000 ກວ່າຄົນ, ຍິງ 800 ກວ່າຄົນ. ທຽບໃສ່ປີ 2016 ຄະດີເພີ່ມຂຶ້ນ 400 ກວ່າເລື່ອງ, ອຸປະຕິເຫດເກີດຂຶ້ນ 5.000 ກວ່າລາຍ, ພາຫະນະເປ່ເພ 9.000ກວ່າຄັນ, ຄົນເສຍຊີວິດ 900 ກວ່າຄົນ ແລະ ໄດ້ຮັບບາດເຈັບ 9.000 ກວ່າຄົນ . ທຽບໃສ່ປີ 2016 ອຸປະຕິເຫດເພີ່ມຂຶ້ນ 18 ລາຍ ແລະ ຄົນຊີວິດຫຼຸດລົງ 36 ຄົນ ແລະ ອື່ນໆ.

ພ້ອມນີ້ ກອງປະຊຸມຍັງໄດ້ແຜ່ເຜີຍຄຳສັ່ງວ່າ ວ່າດ້ວຍການຈັດຕັ້ງປະຕິບັດ 4 ແຜນງານ 41 ໂຄງການ. ຂໍ້ຕົກລົງວ່າດ້ວຍການເຄື່ອນໄຫວຂອງລະບອບຫົວໜ້າດຽວໃນກຳລັງປ້ອງກັນຄວາມສຫງົບ, ຂໍ້ຕົກລົງວ່າດ້ວຍທີ່ຕັ້ງ, ພາລະບົດບາດ, ລະບອບວິທີການເຮັດວຽກຂອງຄະນະພັກ-ຄະນະບັນຊາທຸກຂັ້ນໃນກຳລັງປ້ອງກັນຄວາມສະຫງົບ, ຄຳສັ່ງຂອງລັດຖະມົນຕີກະຊວງ ປກສ ກ່ຽວກັບການຮັບກຳລັງໃຫມ່, ກຳລັງທົດແທນ ເຂົ້າໃນກຳລັງປ້ອງກັນຄວາມສະຫງົບ ແລະ ຄຳສັ່ງຂອງລັດຖະມົນຕີ ກະຊວງ ປກສ ກ່ຽວກັບການສະກັດກັ້ນ ແລະ ແກ້ໄຂປະກົດການຫຍໍ້ທໍ້ ຕິດພັນກັບການສໍ້ລາດບັງຫຼວງໃນກຳລັງປ້ອງກັນຄວາມສະຫງົບ, ພ້ອມນັ້ນ ຄະນະຜູ້ແທນທີ່ເຂົ້າຮ່ວມກອງປະຊຸມຍັງໄດ້ພ້ອມກັນຜັດປ່ຽນກັນປະກວບຄຳຄິດຄຳເຫັນໃສ່ຮ່າງບົດສະຫຼຸບ ແລະ ທິດທາງແຜນການ ເພື່ອໃຫ້ມີເນື້ອໃນສົມບູນ ເລີກເຊິ່ງ ເພື່ອພ້ອກັນນຳໄປຈັດຕງປະຕິບັດໃຫ້ມີປະສິດທິຜົນຕົວຈິງ.

 

Off

Comments are closed.