15th Jan2018

ກອງປະຊຸມສະຫຼຸບວຽກງານ ປກສ ທົ່ວປະເທດປະຈຳປີ 2017 ອັດລົງດ້ວຍຜົນ ສຳເລັດຢ່າງຈົບງາມ

by somchan

ກອງປະຊຸມສະຫຼຸບວຽກງານປ້ອງກັນຄວາມສະຫງົບ ທົ່ວປະເທດປະຈຳປີ2017ໄດ້ອັດລົງດ້ວຍຜົນສຳເລັດ ໃນວັນທີ 12 ມັງກອນ 2018 ພາຍຫຼັງທີ່ດຳເນີນມາ ເປັນເວລາ 2 ວັນ, ໂດຍການເປັນປະທານ ຂອງພົຕ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມສະຫງົບ, ມີຄະນະພັກ-ຄະນະນຳ ກະຊວງ, ກົມໃຫຍ່, ກົມກອງອ້ອມຂ້າງ ປກສ ນະຄອນຫຼວງວຽງຈັນ, ກອງປບັນຊາການແຂວງ ແລະ ເມືອງທົ່ວປະເທດເຂົ້າຮ່ວມ.

ໃນວາລະດຳເນີນກອງປະຊຸມ ຄະນະຜູ້ແທນທີ່ເຂົ້າຮ່ວມ ໄດ້ຮັບຟັງການສະຫຼຸບຕີລາຄາ ການຈັດຕັ້ງປະຕິບັດວຽກງານປ້ອງກັນຄວາມສະຫງົບ ປະຈຳປີ 2017 ແລະ ວາງທິດທາງແຜນການວຽກງານຈຸດສຸມ ປີ 2018. ໂດຍໄດ້ຍົກໃຫ້ເຫັນດ້ານດີຜົນງານທີ່ຈະຕ້ອງໄດ້ສືບຕໍ່ນຳໄປຈັດຕັ້ງຜັນຂະຫຍາຍ ແລະ ດ້ານອ່ອນຂໍ້ຄົງຄ້າງ ທີ່ຈະໄດ້ພ້ອມກັນປັບປຸງແກ້ໄຂໃນຕໍ່ໜ້າ ຈາກນັ້ນຄະນະຜູ້ທີ່ເຂົ້າຮ່ວມກອງປະຊຸມ ຍັງໄດ້ພ້ອມກັນຜັດປ່ຽນກັນປະກອບຄຳຄິດເຫັນໃສ່ຮ່າງບົດສະຫຼຸບ ແລະ ທິດທາງແຜນການ ເພື່ອເຮັດໃຫ້ມີເນື້ອໃນຄົບຖ້ວນສົມບູນ ເລິກເຊິ່ງເພື່ອນຳໄປຈັດຕັ້ງຜັນຂະຫຍາຍເຂົ້າໃນໜ້າທີ່ວຽກງານຕົວຈິງ ໃຫ້ມີປະສິດທິຜົນດີຂຶ້ນເທື່ອລະກ້າວ.

ໂອກາດນີ້ພົຕ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງປ້ອງກັນຄວາມຫງົບ ຍັງໄດ້ໃຫ້ທິດຊີ້ນຳ ຕໍ່ຄະນະພັກ-ຄະນະນຳ ກະຊວງປ້ອງກັນຄວາມສະຫງົບ ແລະ ກົມກົມທ້ອງຖິ່ນ ເຊິ່ງທ່ານໄດ້ເໜັ້ນໜັກໃຫ້ພ້ອມກັນສືບເອົາໃຈໃສ່ຍົກສູງຄວາມສາມາດການຊີ້ນຳ-ນຳພາ ສະມາຊິກພັກ ພະັນກງານ-ນັກຮົບ ໃນການເຄື່ອນໄຫວເຮັດໜ້າທີ່ວິຊາສະເພາະ ເພື່ອຮັບປະກັນເຮັດໃຫ້ປະເທດຊາດ ມີສະຖຽນລະພາບທາງດ້ານການເມືອງທີ່ໜັກແໜ້ນ ສັງຄົມມີຄວາມສະຫງົບ ແລະ ລະບຽບຮຽບຮ້ອຍໂດຍພື້ນຖານ.

 

Off

Comments are closed.