07th Nov2019

ກອງປະຊຸມສະໄໝສາມັນ ເທື່ອທີ VIII ຂອງສະພາແຫ່ງຊາດ ຊຸດທີ 8

by somchan

ກອງປະຊຸມສະໄໝສາມັນເທື່ອທີ 8 ຂອງສະພາແຫ່ງຊາດຊຸດທີ 8 ໄດ້ໄຂຂື້ນຢ່າງເປັນທາງການໃນວັນທີ່ 7 ພະຈິກ 2019 ນີ້ ຢູ່ທີ່ຫໍປະຊຸມແຫ່ງຊາດນະຄອນຫຼວງວຽງຈັນ ໂດຍການເປັນປະທານ ຂອງ ພະນະທ່ານ ນາງ ປານີ ຢາທໍຕູັ ປະທານສະພາແຫ່ງຊາດ ໃຫ້ກຽດເຂົ້າຮ່ວມຂອງ ພະນະທ່ານ ບຸນຍັງ ວໍລະຈິດ ປະທານປະເທດ, ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະລັດຖະບານ, ອົງການຕຸລາການ, ສະມາຊິກສະພາແຫ່ງຊາດ ແລະ ແຂກຖືກເຊີນເຂົ້າຮ່ວມ.

ທ່ານ ປານີ ຢາທໍ່ຕູັ ປະທານສະພາແຫ່ງຊາດ ໄດ້ກ່າວສູນທອນພົດ ກ່າວເປີດກອງປະຊຸມຢ່າງເປັນທາງການ ໂດຍກອງປະຊຸມສະໄໝສາມັນເທື່ອທີ 8 ແມ່ນຈະໄດ້ພິຈາລະນາ, ຮັບຮອງເອົາຫຼາຍບັນຫາທີ່ສຳຄັນຂອງຊາດ ເປັນຕົ້ນແມ່ນ: ພິຈາລະນາຮັບຮອງເອົາການສະເໜີແຕ່ງຕັ້ງ ສະມາຊິກລັດຖະບານຕາມການສະເໜີ ຂອງນາຍົກລັດຖະມົນຕີ ພິຈາລະນາບົດລາຍງານ ຂອງລັດຖະບານກ່ຽວກັບແຜນພັດທະນາ ເສດຖະກິດ-ສັງຄົມ, ແຜນງົບປະມານ, ແຜນເງີນຕາປະຈຳປີ 2019 ແລະ ທິດທາງ ປີ 2020 ພ້ອມບັນຫາສຳຄັນອິກຈຳນວນໜື່ງ.

ພ້ອມນີ້ກອງປະຊຸມໄດ້ພິຈາລະນາ ຮັບຮອງເອົາການສະເໜີແຕ່ງຕັ້ງ ສະມາຊິກລັດຖະບານ ຕາມການສະເໜີຂອງນາຍົກລັດຖະມົນຕີ ໃນນີ້ໄດ້ພິຈາລະນາ ຮັບຮອງເອົາການແຕ່ງຕັ້ງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ທັງເປັນລັດຖະມົນຕີ ກະຊວງແຜນການ ແລະ ການລົງທືນ ແລະ ພິຈາລະນາຮັບຮອງເອົາການແຕ່ງຕັ້ງ ທ່ານ ກິແກັວ ໄຂຄຳພິທູນ ເປັນລັດຖະມົນຕີ ກະຊວງຖະແຫຼ່ງຂ່າວ ວັດທະນາທຳ ແລະ ທ່ອງທ່ຽວ ດ້ວຍການລົງຄະແນນສຽງເຫັນດີເປັນສ່ວນຫຼາຍ

ສຳລັບກອງປະຊຸມສະໄຫມສາມັນ ເທື່ອທີ 8 ຂອງສະພາແຫ່ງຊາດຊຸດທີ 8 ແມ່ນຈະດຳເນີນໄປເຖີງ ວັນທີ 6 ທັນວາ 2019 ຈື່ງຈະສຳເລັດ.

 

Off

Comments are closed.