13th Feb2020

ກອງປະຊຸມສຳມະນາກ່ຽວກັບການຍົກລະດັບ ຄວາມພ້ອມວຽກງານເຝົ້າລະວັງ ແລະ ການຕອບໂຕ້ຕໍ່ກັບການລະບາດຂອງພະຍາດ ປອດອັກເສບສາຍພັນໃໝ່ ໃຫ້ທີມງານຕອບໂຕ້ໄວຂັ້ນແຂວງ

by somchan

ໃນວັນທີ 13-14 ກຸມພາ 2020, ຢູ່ໂຮງແຮມຄຣາວພາຊາ ນະຄອນຫຼວງວຽງຈັນ, ໄດ້ຈັດກອງປະຊຸມສຳມະນາກ່ຽວກັບການຍົກລະດັບຄວາມພ້ອມວຽກງານເຝົ້າລະວັງ ແລະ ການຕອບໂຕ້ຕໍ່ກັບການລະບາດຂອງພະຍາດປອດອັກເສບສາຍພັນໃໝ່ ໃຫ້ທີມງານຕອບໂຕ້ໄວຂັ້ນແຂວງ. ເປັນກຽດເຂົ້າຮ່ວມຂອງທ່ານ ດຣ ພອນປະດິດ ສັງໄຊຍະລາດ ຫົວໜ້າສູນວິເຄາະ ແລະ ລະບາດວິທະຍາ ກະຊວງ ສາທາລະນະສຸກ, ທ່ານ ດຣ ຈັອດ ມອສ ຫົວໜ້າຫ້ອງການເຝົ້າລະວັງໄຂ້ຫວັດ US-CDD ປະຈຳບາງກອກ ປະເທດໄທ, ມີຕາງໜ້າອົງການອະນາໄມໂລກ ປະຈຳ ສປປ ລາວ, ບັນດາກົມ, ພະແນກ, ຫ້ອງການ, ໂຮງໝໍ, ນັກວິຊາການຈາກ 18 ແຂວງ, ຕະຫຼອດຮອດພະນັກງານພາກສ່ວນທີ່ກ່ຽວຂ້ອງ ແລະ ແຂກຖືກເຊີນ ເຂົ້າຮ່ວມ.

ທ່ານ ດຣ ພອນປະດິດ ສັງໄຊຍະລາດ ໄດ້ກ່າວວ່າ: ການຈັດກອງປະຊຸມສຳມະນາ ໃນຄັ້ງນີ້, ບັນດາຜູ້ເຂົ້າຮ່ວມ, ທີມງານຕອບໂຕ້ໄວຂັ້ນແຂວງ ແລະ ພາກສ່ວນທີ່ກ່ຽວຂ້ອງ ຈະໄດ້ຮຽນຮູ້ ແລະ ເຂົ້າໃຈ ເຖິງສະຖານະການໃນໂລກ ແລະ ຍຸດທະສາດການຕອບໂຕ້ກັບເຊື້ອໄວລັດໂຄໂຣນາສາຍພັນໃໝ່ ໃນ ສປປ ລາວ, ເພື່ອໃຫ້ເຂົ້າໃຈເຖິງກົນໄກການປະສານງານທີ່ມີຢູ່ແລ້ວ ( ສູນປະຕິບັດງານສຸກເສີນ ) ແລະ ຂະບວນການຄັດກອງຕາມດ່ານສາກົນ ຕ່າງໆ, ເພີ່ມທະວີໃນການທົບທວນຄືນ ແລະ ໃຫ້ຄຳແນະນຳກ່ຽວກັບກໍລະນີຄົນເຈັບ, ການສອບສວນ ແລະ ການຕິດຕາມກໍລະນີສົງໄສໃຫ້ທີມງານຕອບໂຕ້ໄວຂັ້ນແຂວງ ( RRT ), ບັນດາຂໍ້ແນະນຳ ການລົງປະຕິບັດຕົວຈິງໃນການເກັບຕົວຢ່າງ ເພື່ອສົ່ງກວດວິເຄາະ, ຍົກສູງສະຕິຕື່ນຕົວກ່ຽວກັບການຄຸ້ມຄອງກໍລະນີ, ການປ້ອງກັນ ແລະ ຄວບຄຸມການຕິດເຊື້ອ ( CM ແລະ IPC ) COVID-19 ແລະ ປະຕິບັດການນຸ່ງເຄື່ອງປ້ອງກັນຕົວຢ່າງເໝາະສົມ ( PPE ) ສຳລັບການຄັດກອງກໍລະນີ, ການສອບສວນກໍລະນີ ແລະ ໃນຫ້ອງວິເຄາະ. ພ້ອມດຽວກັນນັ້ນ, ໃນກອງປະຊຸມຜູ້ເຂົ້າຮ່ວມຍັງໄດ້ຮັບຟັງ ແລະ ສົນທະນາແລກປ່ຽນກ່ຽວກັບການສະເໜີສະພາບຄວາມຄືບໜ້າຂອງ ການລະບາດເຊື້ອພະຍາດ ໂຄໂຣນາ ໃນໂລກ, ການກຽມຄວາມພ້ອມ ແລະ ການຕອບໂຕ້ຕໍ່ເຊື້ອ, ສະຖານະການປັດຈຸບັນ, ບົດຮຽນທີ່ຖອດຖອນໄດ້ລວມທັງກົນໄກການປະສານງານ, ກໍລະນີນິຍາມ, ການກວດກາກໍລະນີ, ການສອບສວນ, ຄຳແນະນຳໃນການຕິດຕາມຕໍ່ໃນ ສປປ ລາວ, ການປະຕິບັດຕາມຄຳແນະນຳໃນການກວດກາກໍລະນີ, ການສອບສວນ, ແບບຟອມ, ການລົງຕິດຕາມ ໃນ ສປປ ລາວ, ມາດຕະການໃນດ່ານສາກົນ, ສະໜາມບັນສາກົນ, ດ່ານຊາຍແດນ, ພາລະບົດບາດຂອງທີມງານຕອບໂຕ້ໄວຂອງລາວໃນດ່ານສາກົນ, ການຄຸ້ມຄອງ, ມາດຕະການການປ້ອງກັນ, ການຄວບຄຸມການຕິດເຊື້ອ ແລະ ວຽກງານອື່ນໆອີກ.

 

 

Comments are closed.