18th Jan2018

ກອງປະຊຸມແລກປ່ຽນບົດຮຽນວ່າດ້ວຍການ ຮ່ວມມືດ້ານວຽກງານຕຳຫຼວດ ລາວ-ກຳປູເຈຍ

by somchan

ກອງປະຊຸມແລກປ່ຽນບົດຮຽນວ່າດ້ວຍການຮ່ວມມື ດ້ານວຽກງານຕຳຫຼວດລະຫວ່າງກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບລາວ, ກົມຕຳຫຼວດ ຍຸດຕິທຳ, ຕຳຫຼວດແຫ່ງຊາດ ກະຊວງພາຍໃນ ຣາຊະອານາຈັກກຳປູເຈຍ ໄດ້ຈັດຂຶ້ນໃນວັນທີ 15 ມັງກອນ 2018 ນີ້ ທີ່ໂຮງແຮມແລນມາກແມ່ຂອງ ລີເວີໄຊ ນະຄອນຫຼວງວຽງຈັນ. ໂດຍການເປັນປະມານຮ່ວມຂອງພັອ ຄຳຮຸ່ງ ແສງປະເສີດ ຮອງຫົວໜ້າກົມໃຫຍ່ຕຳຫຼວດ ກະຊວງປ້ອງກັນຄວາມສະຫງົບ ສປປລາວ ແລະ ພົອ ມັກຈີໂຕ ຮອງຫົວໜ້າຕຳຫຼວດແຫ່ງຊາດ ກະຊວງພາຍໃນ ຣາຊະອານາຈັກກຳປູເຈຍ, ມີບັນດາຜູ້ແທນທັງສອງຝ່າຍເຂົ້າຮ່ວມ.

ພັອ ຄຳຮຸ່ງ ແສງປະເສີດ ຮອງຫົວໜ້າກົມໃຫຍ່ ຕຳຫຼວດກະຊວງປ້ອງກັນຄວາມສະຫງົບ ລາວໄດ້ກ່າວວ່າ: ກອງປະຊຸມຄັ້ງນີ້ ໄດ້ພ້ອມກັນປຶກສາຫາລືແລກປ່ຽນສະພາບການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມຢູ່ແຕ່ລະປະເທດໃຫ້ກັນຮັບຊາບ. ການຈັດຕັ້ງປະຕິບັດບົດບັນທຶກກອງປະຊຸມວ່າດ້ວຍການຮ່ວມມື ລະຫວ່າງກະຊວງປ້ອງກັນຄວາມສະຫງົບ ແຫຼ່ງ ປສສລາວ ແລະ ກະຊວງພາຍໃນແຫຼ່ງຣາຊະອານາຈັກກຳປູເຈຍ ປະຈຳປີ 2017 ແລະ ການຮ່ວມມືໃນໄລຍະຜ່ານ ເຫັນໄດ້ດ້ານດີ-ຜົນງານ ແລະ ດ້ານອ່ອນຄົງຄ້າງ ທີ່ຈະຕ້ອງໄດ້ພ້ອມກັນແກ້ໄຂ, ໄດ້ພ້ອມກັນປຶກສາຫາກຳນົດທິດທາງແຜນການຮ່ວມມືໃນຂົງເຂດວຽກງານຕຳຫຼວດໃນຕໍ່ໜ້າ ລະຫວ່າງສອງກຳລັງຕຳຫຼວດຂອງສອງປະເທດລາວ-ກຳປູເຈຍ. ຕີລາຄາການຮ່ວມມືລະຫວ່າງກົມໃຫຍ່ກົມຕຳຫຼວດລາວ ແລະ ຕຳຫຼວດແຫ່ງຊາດກຳປູເຈຍ ໃນໄລຍະຜ່ານມາ ເຊິ່ງແຕ່ລະຝ່າຍໄດ້ມືຄວາມຮັບຜິດຊອບສູງ ແລະ ມີຜົນສຳເລັດຫຼາຍດ້ານ, ສະແດງອອກ ໄດ້ເອົາໃຈໃສ່ປະສານງານແລກປ່ຽນຂໍ້ມູນຂ່າວສານທາງດ້ານວຽກງານວິຊາສະເພາະ ການລົງກວດພິສູດເປົ້າໝ!ຍເຄື່ອນໄຫວ ກະທຳຜິດຢ່າງເປັນປົກກະຕິນັບທັງສູນກາງ ແລະ ທ້ອງຖິ່ນ ເປັນຕົ້ນແມ່ ຕຳຫຼວດແຂວງຈຳປາສັກ ສປປລາວ ຮ່ວມມືກັນກັບຕຳຫຼວດແຂວງປຣາວີເຣຍ ແລະ ຕຳຫຼວດແຂວງສະເຕິລງແຕງຣາຊະອານາຈັກກຳປູເຈຍ ໄດ້ແລກປ່ຽນຂໍ້ມູນຂ່າວສານຮ່ວມກັນເປັນປະຈຳເຊິ່ງສະແດງອອກ ເຈົ້າໜ້າທີ່ສອງຝ່າຍໄດ້ແຈ້ງໃຫ້ກັນຊາບກ່ຽວກັບການກັກຕົວພົນລະເມືອງຂອງປະເທດໜຶ່ງ ເຄື່ອນໄຫວກະທຳຜິດຢູ່ອີກປະເທດໜຶ່ງ ເຊິ່ງໜຶ່ງປີຜ່ານມາ ໄດ້ມີປະຊາຊົນຄົນກຳປູເຈຍເຂົ້າມາເຄື່ອນໄຫວກະທຳຜິດຢູ່ ສປປລາວ ຈຳນວນ 6 ຄົນ, ຄະດີສໍ້ໂກງ 1 ລາຍ, ກັກຕົວ 4 ຄົນ, ຄະດີຢາເສບຕິດ 2 ລາຍກັກຕົວ 2 ຄົນ,​ພ້ອມນີ້ເຈົ້າໜ້າທີ່ຕຳຫຼວດສອງຝ່າຍ ຍັງໄດ້ສຶກສາອົບຮົມປະຊາຊົນ ທີ່ຢູ່ແລບຕາມຊາຍແດນ ໃຫ້ເຄົາລົບ ແລະ ບັດຕິບັດກົດໝາຍເຂົ້າ-ອອກ ແລະ ຮັກສາຄວາມສະຫງົບໃນຂອບເຂດບໍລິເວນຊາຍແດນ, ເອົາໃຈໃສ່ຊ່ວຍເຈົ້າໜ້າທີ່ໃນການຕິດຕາມການເຄື່ອນໄຫວກໍ່ຄວາມບໍ່ສະຫງົບຂອງກຸ່ມຄົນບໍ່ດີຢູ່ຂອບເຂດຊາຍແດນ ເຮັດໃຫ້ຊາຍແດນສອງປະເທດ ມີຄວາມສະຫງົບໂດຍພື້ນຖານ ແລະ ການຮ່ວມມືດ້ານວຽກງານ້ປອງກັນ ແລະ ປາບປາມຢາເສບຕິດໃນປີຜ່ານມາ ໄດ້ມີການພົວພັນຮ່ວມມືກັນຢູ່ຂັ້ນສູນກາງ ແລະ ທ້ອງຖິ່ນບັນດາແຂວງທີ່ມີຊາຍແດນຕິດກັນ ໂດຍສະເພາະແມ່ນຮ່ວມມືດ້ານການແລກປ່ຽນຂໍ້ມູນຂ່າວສານທີ່ພົວພັນເຖິ່ງການລັກລອບຂົນສົ່ງ, ຄ້າຂາຍຢາເສບຕິດ ແລະ ການກໍ່ຄວາມບໍ່ສະຫງົບຢູ່ບໍລິເວນຊາຍແດນລາວ-ກຳປູເຈຍ, ເຊິ່ງໃນປີຜ່ານມາ ເຈົ້າໜ້າທີ່ຕຳຫຼວດສະກັດກັ້ນ ແລະ ຕ້ານຢາເສບຕິດຂັ້ນຕ່າງໆຂອງສອງປະເທດໄດ້ມີການຮ່ວມມືປະສານງານກັນຢ່າງເປັນປົກກະຕິ.

Off

Comments are closed.