25th Jan2016

ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 10 ຂອງພັກ ປ່ອນບັດຄັດເລືອກເອົາ ຄະນະບໍລິຫານງານສູນກາງພັກ ສະໄໝທີ 10

by somchan

DSC_0535---(cut)ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 10 ຂອງພັກປະຊາຊົນ ປະຕິວັດລາວ ໄດ້ປ່ອນບັດຄັດເລືອກເອົາຄະນະບໍລິຫານງານ ສູນກາງພັກ ສະໄໝທີ 10 ຈຳນວນ 69 ສະຫາຍ, ໃນຈຳນວນຜູ້ລົງສະໝັກທັງໝົດ 77 ສະຫາຍ, ພ້ອມນີ້ຍັງໄດ້ປ່ອນບັດຄັດເລືອກເອົາ ກຳມະການສຳຮອງສູນກາງພັກ 8 ສະຫາຍ ໃນຈຳນວນຜູ້ລົງສະໝັກ 11 ສະຫາຍ. ໃນວັນທີ 22 ມັງກອນ 2016 ເຊິ່ງເປັນມື້ສຸດທ້າຍ ຂອງການດໍາເນີນກອງປະຊຸມ

ໂດຍພາຍໃຕ້ການເປັນປະທານຂອງສະຫາຍ ດຣ ທອງລຸນ ສີສຸລິດ ກຳມະການກົມການເມືອງສູນກາງພັກ ກອງປະຊຸມຄົບຄະນະຄັ້ງປະຖົມມະເລີກຂອງຄະນະບໍລິຫານງານສູນກາງພັກ ສະໄຫມທີ 10 ໄດ້ເປັນເອກະພາບເລືອກຕັ້ງກຳມະການກົມການເມືອງສູນກາງພັກ ປະກອບດ້ວຍ 11 ສະຫາຍຄື: ສະຫາຍ ບຸນຍັງ ວໍລະຈິດ, ສະຫາຍ ທອງລຸນ ສີສຸລິດ, ສະຫາຍ ນາງ ປານີ ຢ່າທໍ່ຕູ້, ສະຫາຍ ດຣ ບຸນທອງ ຈິດມະນີ , ສະຫາຍ ດຣ ພັນຄຳ ວິພາວັນ, ສະຫາຍ ຈັນສີ ໂພສີຄຳ, ສະຫາຍ ດຣ ໄຊສົມພອນ ພົມວິຫານ, ສະຫາຍ ພົນໂທ ຈັນສະໝອນ ຈັນຍາລາດ ສະຫາຍ ດຣ ຄຳພັນ ພົມມະທັດ, ສະຫາຍ ດຣ ສິນທະວົງ ຄຸດໄພທູນ, ສະຫາຍ ສອນໄຊ ສີພັນດອນ, ໄດ້ເປັນເອກະພາບສູງເລືອກເອົາ ສະຫາຍ ບຸນຍັງ ວໍລະຈິດ ເປັນເລຂາທິການໃຫຍ່ ຄະນະບໍລິຫານງານສູນກາງພັກ, ພ້ອມນີ້ຍັງໄດ້ເລືອກເອົາກຳມະການຄະນະເລຂາທິການສູນກາງພັກ 9 ສະຫາຍ ມີ ສະຫາຍ ບຸນຍັງ ວໍລະຈິດ, ສະຫາຍ ດຣ ບຸນທອງ ຈິດມະນີ, ສະຫາຍ ດຣ ພັນຄຳ ວິພາວັນ, ສະຫາຍ ຈັນສີ ໂພສີຄຳ, ສະຫາຍ ດຣ ຄຳພັນ ພົມມະທັດ, ສະຫາຍ ພົນໂທ ແສງນວນ ໄຊຍະລາດ ສະຫາຍ ສຈ ດຣ ກິແກ້ວ ໄຂຄຳພິທູນ ສະຫາຍ ພົນຕີ ສົມແກ້ວ ສີລາວົງ, ສະຫາຍ ພົນຕີ ວິໄລ ຫຼ້າຄຳຟອງ. ກອງປະຊຸມໄດ້ເລືອກເອົາສະຫາຍ ດຣ ພັນຄຳ ວິພາວັນ ເປັນຜູ້ປະຈຳການຄະນະເລຂາທິການສູນກາງພັກ, ໄດ້ເລືອກເອົາບັນດາຮອງປະທານຄະນະກວດກາສູນກາງພັກ ປະກອບດ້ວຍ 9 ສະຫາຍ ໂດຍແມ່ນສະຫາຍ ດຣ ບຸນທອງ ຈິດມະນີ ເປັນປະທານ ໃນກອງປະຊຸມຍັງໄດ້ລົງຄະແນນສຽງຮັບຮອງເອົາມະຕິຂອງກອງປະຊຸມໃຫຍ່ຄັ້ງທີ 10 ຂອງພັກ ດ້ວຍຄະແນມສຽງເຫັນດີເປັນເອກະສັນ.

DSC_5233-(cut)

 

ໂອກາດນີ້ ພົນຕີ ສົມແກ້ວ ສີລາວົງ ຄະນະເລຂາທິການສູນກາງພັກ ລັດຖະມົນຕີວ່າການກະຊວງ ປກສ ກໍ່ໄດ້ກ່າວວ່າ: ພາຍຫຼັງທີ່ສຳເລັດກອງປະຊຸມໃຫຍ່ຄັ້ງທີ 10ຂອງພັກປະຊາຊົນ ປະຕິວັດລາວ ຄັ້ງນີ້ ສຳລັບກຳລັງ ປກສ ແມ່ນຈະໄດ້ນຳເອົາເນື້ອໃນຈິດໃຈຂອງກອງປະຊຸມໄປຈັດຕັ້ງຜັນຂະຫຍາຍເຂົ້າສູ່ລວງເລິກ ແລະ ກວ້າງຂວາງໃຫ້ມີໝາກຜົນຕົວຈິງ.

IMG_9439-somkeo(cut)

Off

Comments are closed.