06th Feb2020

ກອງປະຊຸມສະຫຼູບວຽກງານພາລິທິການ ປ້ອງກັນຄວາມສະຫງົບທົ່ວປະເທດ ປະຈຳປີ 2019

by somchan

ກອງປະຊຸມສະຫຼູບວຽກງານຜົນສໍາເລັດ ກອງປະຊຸມວຽກງານພະລາທິການ ປ້ອງກັນຄວາມສະຫງົບ ທົ່ວປະເທດ ປະຈໍາປີ 2019 ໄດ້ຈັດໃນອາທິດຜ່ານມານີ້ ໂດຍການໃຫ້ກຽດເຂົ້າຮ່ວມ ຂອງ ພົນຕີ ກົງທອງ ວົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີບັນດາຄະນນະພັກ-ຄະນະບັນຊາ ກົມໃຫຍ່ພະລາທິການ ແລະ ບັນດາ ຫ້ອງ, ກົມ, ກອງ, ໂຮງຫມໍ, ຕາງຫນ້າກົມກອງອ້ອມຂ້າງກະຊວງ ແລະ ບັນດາ ປກສ ແຂວງ-ນະຄອນຫຼວງວຽງຈັນ ເຂົ້າຮ່ວມ.

ພົຈວ ໜູດີ ມີໄຊຍະລາດ ຫົວໜ້າກົມໃຫຍ່ພະລາທິການ ປກສ ໄດ້ລາຍງານກ່ຽວກັບການຈັດຕັ້ງປະຕິບັດວຽກງານພະລາທິການ ປະຈໍາປີ 2019 ເຊິ່ງທ່ານໄດ້ຕີລາຄາສະພາບການເຄື່ອນໄຫວ ປະຕິບ້ດວຽກງານພາລາທິການ ໃນ1 ປີຜ່ານມາເຊີ່ງມີທັງດ້ານດີ, ດ້ານຕັ້ງຫນ້າ, ແລະ ຈຸດອ່ອນ ຂໍ້ຄົງຄ້າງ, ສາເຫດ, ວິທີແກ້ໄຂ ແລະ ກໍານົດທິດທາງແຜນການວຽກງານຈຸດສຸມໃນ ປີ 2020, ໃນກອງປະຊຸມ ກົມວິຊາສະເພາະຈໍານວນຫນຶ່ງ ໄດ້ຂຶ້ນແນະນໍາດ້ານນິຕິກໍາລະບຽບການຕ່າງໆ ເພື່ອເປັນບ່ອນອີງໃນການຈັດຕັ້ງ ປະຕິບັດ ວຽກງານພະລາທິການໃນຕໍ່ຫນ້າ, ກົມກອງອ້ອມຂ້າງກະຊວງ ແລະ ກອງບັນຊາການ ປກສ ແຂວງ-ນະຄອນຫຼວງ ກໍໄດ້ຂຶ້ນປະກອບຄໍາຄິດ-ຄໍາເຫັນເພື່ອແລກປ່ຽນບົດຮຽນ ເພື່ອເຮັດໃຫ້ເນື້ອໃນບົດສະຫຼຸບ ແລະ ທິດທາງແຜນການຄົບຖ້ວນ.

1 ປີຜ່ານມາສາມາດຈັດຕັ້ງປະຕິບັດງົບປະມານ ແລະ ແຜນການລົງທຶນຂອງລັດ ໃນກໍາລັງ ປກສ ສໍາເລັດຕາມຄາດຫມາຍ ສາມາດປະຕິບັດແຜນລາຍຮັບຄ່າທໍານຽມ ແລະ ບໍລິການໄດ້ 94 ຕື້ກວ່າກີບ, ປະຕິບັດແຜນລາຍຈ່າຍງົບປະມານໄດ້ 1 ພ້ນກ່ວາຕື້ ລ້ານກີບ, ແຜນການລົງທຶນຂອງລັດໄດ້ຮັບອະນຸມັດ 48 ໂຄງການ ເປັນເງິນ 33ຕື້ກ່ວາ ກີບ, ໄດ້ປະກອບ ພາຫະນະ, ອຸປະກອນເຕັກນິກ, ນ້ໍາມັນເຊື້ອໄຟ ແລະ ເຄື່ອງອຸປະໂພກ-ບໍລິໂພກໃຫ້ບັນດາກົມກອງ ແລະ ປກສ ແຂວງ ຕາມຄວາມຮຽກ ຮ້ອງຕ້ອງການຂອງຫນ້າທີ່ການເມືອງ, ໄດ້ສຸມໃສ່ວຽກງານຮັກສາ ສຸຂະພາບ, ປິ່ນປົວພະຍາດໃຫ້ນາຍ ແລະ ພົນຕໍາຫຼວດ ຕະຫຼອດຮອດຜູ້ມາໃຊ້ບໍລິການຢູ່ໂຮງໝໍໄດ້ເປັນຢ່າງດີ, ໄດ້ພ້ອມກັນປະຕິບັດຕາມແນວທາງນະໂຍ ບາຍຂອງພັກ-ລັດ ກ່ຽວກັບການສ້າງພະລາທິການກັບທີ ຕາມທິດ ເພີ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ ເທື່ອລະກ້າວ ສຸມໃສ່ຄົ້ນຄວ້າ ຊອກແຫຼ່ງລາຍຮັບຕ່າງໆເປັນຕົ້ນ: ການຮ່ວມທຸລະກິດກັບນັກລົງທຶນທັງພາຍໃນ ແລະ ຕ່າງປະເທດ ໄດ້ ເປີດນໍາໃຊ້ແລ້ວ 2 ໂຄງການ, ວາງແຜນດໍາເນີນງານ 9 ໂຄງການ, ເຊັ່ນບັດບັນທືກຄວາມເຂົ້າໃຈ 11 ໂຄງການ, ປີຜ່ານມາ ບັນດາຫົວຫນ່ວຍທຸກລະກິດທີ່ມີແລ້ວກໍ່ໄດ້ມອບພັນທະໃຫ້ລັດຖະບານຕາມລະບຽບກົດຫມາຍ ໃນໂອກາດນີ້ ພົຕ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນຄວາມສະຫງົບ ຍັງໄດ້ເນັ້ນໜັກ ໃຫ້ຄະນະນໍາກົມໃຫຍ່ພະລາທິການ, ບັນດາກົມກອງອ້ອມຂ້າງກະຊວງ ປກສ ແລະ ບັນດາ ແຂວງ ນະຄອນຫຼວງ ໃຫ້ພ້ອມກັນສຸມໃສ່ ຈັດຕັ້ງປະຕິບັດວຽກງານ ຮັບປະກັນພະລາທິການຮອບດ້ານ ໃຫ້ກໍາລັງປ້ອງກັນຄວາມສະຫງົບ, ສຸມໃສ ປັບປຸງບັນດາກົງຈັກການຈັດຕັ້ງທີ່ເຫັນວ່າຍັງບໍ່ແທດເຫມາະ, ສຸມໃສ່ຄົ້ນຄວ້າສົ່ງພະນັກງານໄປບໍາລຸງ, ຍົກ ລະດັບຄວາມຮູ້ທາງດ້ານວຽກງານພະລາທິການ, ສຸມໃສ່ຊອກຄົ້ນແຫຼ່ງທຶນຈາກສາຍຕັ້ງ ແລະ ສາຍຂວາງ ເພື່ອມາປັບປຸງພັດຖະນາພື້ນຖານ-ໂຄງລ່າງ ໃຫ້ມີຄວາມຮັບປະກັນໄດ້ໃນແຕ່ລະໄລຍະ ແລະ ສຸມໃສ່ຊອກອຫຼ່ງລາຍຮັບເຂົ້າກົມກອງຕາມທິດເພີ່ງຕົນເອງ, ກຸມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງເທື່ອລະກ້າວ.

Comments are closed.