29th May2013

ກອງເລຂາຊີ້ນຳລະດັບຊາດຕ້ານການຄ້າມະ ນຸດຈັດກອງປະຊຸມສະຫຼຸບວຽກງານ

by somchan

ກອງປະຊຸມສະຫຼຸບຕີລາຄາວຽກງານຂອງກອງເລຂາ ຄະນະຊີ້ນຳຕ້ານການຄ້າມະນຸດໄດ້ຈັດຂຶ້ນໃນວັນທີ 28 ພຶດສະພາ 2013ນີ້ ຢູ່ທີ່ໂຮງແຮມດອນຈັນພາ ເລດເປັນກຽດເຂົ້າຮ່ວມຂອງທ່ານດຣ ທອງບັນ ແສງອາພອນ ເຂລາທິການສູນກາງພັກລັດຖະມົນ ຕີວ່າການກະຊວງ ປກສ ມີກອງເລຂາຄະນະ ຊີ້ນຳລະດັບຊາດຕ້ານການຄ້າມະນຸດ, ຫ້ອງການ ກະຊວງ, ອົງການທຽບເທົ່າ ແລະ ຫ້ອງຕຳຫຼວດ ປກສ ແຂວງໃນທົ່ວປະເທດເຂົ້າຮ່ວມ.

ເປີດກ້ວາງ

ຜູ້ແທນກອງປະຊຸມໄດ້ຮັບຟັງບົດລາຍງານການຈັດຕັ້ງ ປະຕິບັດວຽກງານຂອງກອງເລຂາຄະນະຊີ້ນຳລະດັບ ຊາດຕ້ານການຄ້າມະນຸດແຕ່ປີ 2008 ເຖິງປະຈຸບັນ ເປັນຕົ້ນແມ່ນດ້ານນະໂຍບາຍ ແລະ ການຮ່ວມມືສາກົນ, ປ້ອງກັນສະກັດກັ້ນ, ການດຳເນີນຄະດີ ແລະ ການນຳໃຊ້ກົດໝາຍ ແລະ ການປົກປ້ອງຊ່ວຍເຫຼືອຜູ້ຖືກເຄາະຮ້າຍ, ນັບແຕ່ປີ 2008 ເຖິງປະຈຸບັນໄດ້ດຳເນີນຄະດີ ການຄ້າມະນຸດ 177 ລາຍ, ຜູ້ຖືກຫາ 231 ຄົນ ຍິງ 145 ຄົນ, ຊ່ວຍຜູ້ຖືກເຄາະຮ້າຍໄດ້ 422 ຄົນ ຍິງ 358 ຄົນ, ສະເພາະແຕ່ປີ 2010-2012 ສານໄດ້ຕັດສິນແລ້ວ 66 ລາຍ.

ກອງປະຊຸມຍັງໄດ້ພ້ອມກັນຄົ້ນຄ້ວາຕີລາຄາຊອກຫາ, ເລ້ລ່ຽມກົນອຸບາຍຂອງກຸ່ມຄົນບໍ່ດີໃນຂຂະບວນ ການຄ້າມະນຸດ ຄົ້ນຄ້ວາບາງວິທີການ ແລະ ມາດຕະການໃນການປະສານສົມທົບຮ່ວມມື ກັບພະແໜງການ, ອົງການຈັດຕັ້ງສາກົນ ແລະ ເພື່ອນມິດຍຸດທະສາດໃນການແກ້ໄຂ ແລະ ຊ່ວຍເຫຼືອຜູ້ຖືກເຄາະຮ້າຍຈາກຂະບວນການຄ້າມະນຸດ.

ໃນໂອກາດນີ້ທ່ານ ດຣ ທອງບັນ ແສງອາພອນ ເລຂາທິການສູນກາງພັກ ລັດຖະມົນຕີວ່າການກະຊວງ ປກສ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນສຳເລັດດ້ານຕ່າງໆ ໃນໄລຍະຜ່ານມາ. ພ້ອມທັງຮຽກຮ້ອງໃຫ້ທຸກພາກສ່ວນ ເປັນເຈົ້າການນຳເອົາມະຕິກອງປະຊຸມຄັ້ງນີ້ ໄປຈັດຕັ້ງຜັນຂະຫຍາຍ, ເປັນເຈົ້າການສຶກສາ ອົບຮົມປະຊາຊົນໃຫ້ເປັນຫູເປັນຕາຊ່ວຍເຈົ້າໜ້າທີ່ ແລະ ມີສະຕິລະວັງຕົວຕໍ່ກົນອຸບາຍຂອງຄົນບໍ່ດີ ເພື່ອບໍ່ໃຫ້ຕົກເປັນເຫຍື່ອຂອງຂະບວນການຄ້າມະນຸດ.

 

Off

Comments are closed.