29th Nov2017

ກະຊວງປ້ອງກັນຄວາມສະຫງົບ ປາຖະກະຖາ ວັນສຳຄັນຕ່າງໆ

by somchan

ກະຊວງປ້ອງກັນຄວາມສະຫງົບໄດ້ຈັດຕັ້ງປາຖະ ກະຖາວັນສຳຄັນຕ່າງໆ ໃນວັນທີ 28 ພະຈິກ 2017ນີ້ ໂດຍການເປັນກຽດເຂົ້າຮ່ວມ ແລະ ປາຖະກະຖາ ໂດຍພົນຕີ ສິນທະວົງ ໄຊຍະກອນ ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີຄະນະພັກ-ຄະນະ ບັນຊາ, ກົມໃຫຍ່, ກົມກອງອ້ອມຂ້າງ ແລະ ພະນັກງານຫຼັກແຫ່ງເຂົ້າຮ່ວມຮັບຟັງ.

ເອກະສານທີ່ນຳມາປາຖະກະຖາໃນຄັ້ງນີ້ ມີເອກະສານມະຫາປະຕິວັດເດືອນຕຸລາລັດເຊຍ ຄົບຮອບ 100 ປີ, ວັນສະຖາປະນາ ສປປ ລາວ ຄົບຮອບ 42 ປີ ແລະ ວັນເກີດປະທານໄກສອນ ພົມວິຫານ ຜູ້ນຳທີ່ແສນເຄົາລົບຮັກຂອງປວງຊົນລາວ. ໂອກາດນີ້ ພົນຕີ ສິນທະວົງ ໄຊຍະກອນ ຮອງລັດຖະມົນຕີກະຊວງປ້ອງກັນຄວາມສະຫງົບ ໄດ້ຍົກໃຫ້ເຫັນການກຳເນີດການປະຕິວັດເດືອນຕຸລາລັດເຊຍ, ຄວາມໝາຍ ແລະ ຜົນສະທ້ອນຂອງການປະຕິວັດເດືອນຕຸລາລັດເຊຍ ແລະ ການຊ່ວຍເຫຼື່ອຂອງສະຫະພາບໂຊຫວຽດ, ຄວາມຮັບຮູ້ທີ່ຖືກຕ້ອງຕໍ່ການປະຕິວັດເດືອນຕຸລາລັດເຊຍໃນເງື່ອນໄຂໃຫມ່, ມູນເຊື້ອ ແລະ ຄວາມໝາຍສຳຄັນຂອງວັນຊາດ 2 ທັນວາ, ຜົນສຳເລັດໃນການປົກປັກຮັກສາ ແລະ ພັດທະນາປະເທດຊາດ ໃນໄລຍະ 42 ປີ, ສືບຕໍ່ເສີມຂະຫຍາຍມູນເຊື້ອວັນຊາດ 2 ທັນວາ ເຂົ້າໃນການສ້າງສາພັດທະນາປະເທດຊາດ ແລະ ຊິດວິດການເຄື່ອນໄຫວປະຕິວັດ, ຜົນງານ ແລະ ຄຸນງາມຄວາມດີຂອງປະທານໄກສອນ ພົມວິຫານ. ທັງນີ້ ເພື່ອເປັນການສຶກສາອົບຮົມໃຫ້ແກ່ພະນັກງານນຳພາ-ບັນຊາ, ພະນັກງານຫຼັກແຫຼ່ງອ້ອມຂ້າງກະຊວງປ້ອງກັນຄວາມສະຫງົບ ໃຫ້ມີຄວາມຮັບຮູ້ ແລະ ເຂົ້າໃຈເລິກເຊິງຕໍ່ສາມວັນປະຫວັດສາດດັ່ງກ່າວ.

 

Off

Comments are closed.