10th Apr2019

ກະຊວງປ້ອງກັນຄວາມສະຫງົບ ໄດ້ຈັດກອງປະຊຸມຜ່ານແຜນປ້ອງກັນ ບຸນປີໃໝ່ລາວ ພສ 2562

by somchan

 

ກະຊວງປ້ອງກັນຄວາມສະຫງົບ ໄດ້ຈັດກອງປະຊຸມຜ່ານແຜນປ້ອງກັນບຸນປີໃໝ່ລາວ ພສ 2562 ໃນວັນທີ່ 9 ເມສາ 2019 ນີ້ ໂດຍການເປັນປະທານຂອງ ທ່ານ ພົຕ ກົງທອງ ພົງວິຈິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ ມີຄະນະພັກ-ຄະນະບັນຊາ ຄະນະຊີ້ນຳລວມກອງເສນາຊ່ວຍວຽກ ແລະ ຈຸປະຈຳການບັນດາກົມກອງ ອ້ອມຂ້າງກະຊວງເຂົ້າຮ່ວມ.

ພົຈວ ສົມວັນ ສາຍລ້ອງພາ ຮອງຫົວໜ້າຫ້ອງວ່າການ ກະຊວງປ້ອງກັນຄວາມສະຫງົບ ໄດ້ຜ່ານຄຳສັ່ງວ່າດ້ວຍການເພີມທະວີງານປ້ອງກັນໃນໄລຍະການສະເຫຼີມສະຫຼອງບຸນປີໃໝ່ລາວ ພສ 2562 ຂໍ້ຕົກລົງວ່າດ້ວຍການແຕ່ງຕັ້ງຄະນະຊີ້ນຳບັນຊາລວມ, ກອງເສນາຊ່ວຍວຽກ ແລະ ປະຈຳການຂັ້ນກະຊວງ ແລະ ຜ່ານແຜນປ້ອງກັນງານປີໃໝ່ລາວປີ ພສ 2562 ໃນລະຫວ່າງວັນທີ 13-17 ເມສາ 2019 ເພື່ອຮັບປະກັນເຮັດໃຫ້ການສະເຫຼີມສະຫຼອງປີໃໝ່ລາວ ຢູ່ນະຄອນຫຼວງວຽງຈັນ ແລະ ໃນຂອບເຂດທົ່ວປະເທດມີຄວາມສະຫງົບ ຄວາມເປັນລະບຽບຮຽບຮ້ອຍ,ມີຄວາມປອດໄພ 100% ທັງເປັນການສ້າງເງື່ອນໄຂໃຫ້ແກ່ການພັດທະນາເສດຖະກິດ-ສັງຄົມ ແລະ ປີທ້ອງທ່ຽວຂອງປະເທດ ສ້າງຄວາມເຊື່ອໝັ້ນຕໍ່ກຳລັງປະກອບອາວຸດໃນເວທີສາກົນໃນການຮັກສາຄວາມສະຫງົບ ຄວາມເປັນລະບຽບຮຽບຮ້ອຍຂອງສັງຄົມ ປະຕິບັດຕາມແນວທາງປ້ອງກັນຊາດ-ປ້ອງກັນຄວາມສະຫງົບທົ່ວປວງຊົນຮອບດ້ານຂອງພັກໃຫ້ປະກົດຜົນເປັນຈີງ ສຸມໃສ່ປຸກລະດົມຂົນຂວາຍປະຊາຊົນເຂົ້າຮ່ວມຢ່າງກ້ວາງຂວາງ,ທັງມີວິທີແກ້ໄຂເປົ້າໝາຍທີ່ເປັນອັນຕະລາຍຢ່າງທັນເວລາ,ເຮັດໃຫ້ວຽກງານປ້ອງກັນຊາດ-ປ້ອງກັນຄວາມສະຫງົບກາຍເປັນໜ້າທີ່ແລະ ພັນທະຂອງໝົດທຸກຄົນພາຍໃນຊາດ ໃນກອງປະຊຸມບັນດາກົມກອງກໍ່ໄດ້ຜ່ານແຜນປ້ອງກັນສະເພາະຂອງກົມກອງຕົນເອງພ້ອມທັງປະກອບຄຳຄິດເຫັນໃສ່ແຕ່ລະແຜນປ້ອງກັນເພືອເຮັດໃຫ້ການຫຼີ້ນບຸນປີໃໝ່ລາວເຊີງເປັນບຸນປະເພນີປະຈຳຊາດລາວ ຮັກສາໄດ້ຄວາມເບີກບານມ່ວນຊື່ນ ທັງຮັກສາໄດ້ມູນເຊື້ອວັດທະນາທຳ ຮິດຄອງປະເພນີອັນດີງາມທີເປັນເອກກະລັກຂອງຊາດ ແລະ ຮັບປະກັນຄວາມປອດໄພ ເປັນລະບຽບຮຽບຮ້ອຍຮອບດ້ານ ໂອກາດນີ້ ພົຕ ກົງທອງ ວົງວິຈິດ ຮອງລັດຖະມົນຕີກະຊວງ ປກສ ໄດ້ມີຄຳເຫັນ ແລະ ເໜັ້ນໜັກໃຫ້ແຕ່ລະກົມກອງວິຊາສະເພາະເອົາໃຈໃສ່ກຳແໜ້ນທຸກການເຄື່ອນໄຫວຂອງກຸ່ມຄົນບໍ່ດີພ້ອມທັງມີວິທີການແກ້ໄຂໃຫ້ທັນເວລາ,ເອົາໃຈໃສ່ປະຕິບັດຕາມແຜນໃຫ້ເຂັ້ມງວດ,ຕ້ອງປະສານສົມທົບກັບພາກສ່ວນທີ່ກ່ຽວຂ້ອງໃນການກວດກາຄວາມບໍ່ສະຫງົບ ແລະ ຄວາມບໍ່ເປັນລະບຽບຮຽບຮ້ອຍໃນສັງຄົມ ເພື່ອຮັບປະກັນໃຫ້ບຸນປີໃໝ່ລາວປີນີ້ເຕັມໄປດ້ວຍບັນຍາກາດເບີກບານມ່ວນຊື່ນ ແລະ ສະຫງົບປອດໄພຮອບດ້ານ.

Off

Comments are closed.