08th Jul2019

ກະຊວງປ້ອງກັນຄວາມສະຫງົບ ເລື່ອນຊັ້ນພັນເອກ ໃຫ້ນາຍຕຳຫຼວດຂັ້ນສູງ

by somchan

ໃນວັນທີ 8 ກໍລະກົດ 2019 ນີ້ ກະຊວງປ້ອງກັນຄວາມສະຫົງບໄດ້ປະກາດເລື່ອນຊັ້ນໃຫ້ນາຍຕຳຫຼວດ ໂດຍໃຫ້ກຽດເຂົ້າຮ່ວມຂອງ ພົນໂທ ວິໄລ ຫຼ້າຄຳຟອງ ລັດຖະມົນຕີ ກະຊວງປ້ອງກັນຄວາມສະຫງົບ ມີຮອງລັດຖະມົນຕີ, ຄະນະກົມໃຫຍ່, ຫ້ອງວ່າການ, ກົມ, ວິທະຍາຄານ ແລະ ພະນັກງານຫຼັກແຫ່ງກົມກອງອ້ອມຂ້າງກະຊວງ ປກສ ເຂົ້າຮ່ວມ.

ພົນຕີ ວັນທອງ ກອງມະນີ ຫົວໜ້າກົມໃຫຍ່ການເມືອງ ປ້ອງກັນຄວາມສະຫງົບ ໄດ້ຜ່ານຂໍ້ຕົກລົງຂອງນາຍົກລັດຖະມົນຕີ ວ່າດ້ວຍການເລື່ອນຊັ້ນນາຍຕຳຫຼວດ ພັນໂທ ຂຶ້ນພັນເອກ 31 ສະຫາຍ. ໃນນີ້ມີ ພັອ ສີເສີດ ສອນດາລາ, ພັອ ຄຳພອນ ສີກຸມພົນ, ພັອ ບຸນຫຼ້າ ສຸລິຍາ, ພັອ ສຸກັນ ໄຕໄຊຍະວົງ, ພັອ ອິນສົມ ທຳລະສິນ, ພັອ ຄຳຈັນ ແສງລາວົງ, ພັອ ແຄນທອງ ປືມມະນີ, ພັອ ສີເວີນ ແກ້ວວົງສາ, ພັອພູນສະຫວັນ ພັນທະເສນາ, ພັອ ສົມໝາຍ ພົມມະຈັນ, ພັອ ບົວຜັນ ສີສະຫວັດ, ພັອ ບົວພັນ ຟອງມະນີ, ພັອ ສີສົມໄຊ ແກ້ວບຸນພັນ, ພັອ ທອງບຸນ ຂຸນລະພິດ, ພັອ ສຸດຕິ ທິບພະສອນ, ພັອ ກົງເພັດ ແສງຕາເຮືອງຮຸ່ງ, ພັອ ຫວນທະລາ ມະຫາລາດ, ພັອ ຄົມ ອິນທິລາດ, ພັອ ກອງສະຫວັດ ບຸນລ້ຽງ, ພັອ ຊາຍຄອງ ເພັດຊະວົງ, ພັອ ນ ຈັນເດືອນ ເທພະວົງ, ພັອ ໜູໃບ ອິນທິສານ, ພັອ ສີຊວາ ໄຊຍະຊ່າງ, ພັອ ພັດສະດີ ນວນອາສາ, ພັອ ແສງທອງ ທັມມະເທວາ, ພັອ ສີສຸວັນ ທອງປະເສີດ, ພັອ ກົງສີ ສຸວັນນະຕຸ້ມ, ພັອ ລັດສະໝີ ໄຊຍະຄຳ, ພັອ ກົງຕີ ພີມມະເສນ, ພັອ ວົງດາລາ ຄຳຮຸ່ງ ແລະ ພັອ ຄຳເຝືອ ບຸນທະລາ. ໃຫ້ກຽດປະດັບຊັ້ນໂດຍ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ.

ໃນໂອກາດນີ້, ທ່ານລັດຖະມົນຕີ ກໍ່ໄດ້ໂອ້ລົມຕໍ່ຜູ້ທີ່ໄດ້ຮັບການເລື່ອນຊັ້ນໃນຄັ້ງນີ້ ເຊິ່ງກ່ອນອື່ນທ່ານໄດ້ກ່າວຍ້ອງຍໍຊົມເຊີຍຕໍ່ຜູ້ທີ່ໄດ້ຮັບການເລື່ອນຊັ້ນ ພ້ອມທັງໄດ້ເໜັ້ນໜັກໃຫ້ສືບຕໍ່ເອົາໃຈໃສ່ເພີ່ມທະວີຄວາມເປັນແບບຢ່າງ ແລະ ເພີ່ມຄວາມໜັກແໜ້ນໃນການຊີ້້ນຳນຳພາ ພະນັກງານນັກຮົບປະຕິບັດໜ້າທີ່ ໃນການຮັກສາຄວາມສະຫງົບ ຄວາມເປັນລະບຽບຮຽບຮ້ອຍ ເພື່ອເຮັດສຳເລັດໜ້າທີ່ທີ່ຂັ້ນເທິງມອບໝາຍໃຫ້ ເຮັດໃຫ້ສັງຄົມມີຄວາມສະຫງົບ ແລະ ເປັນລະບຽບຮຽບຮ້ອຍໂດຍພຶ້ນຖານ.

Off

Comments are closed.