07th Jun2013

ກະຊວງປ້ອງກັນຄວາມສະຫງົບສຳເລັດກອງ ປະຊຸມເປີດກວ້າງຄະນະພັກກະຊວງປະຈຳ 06ເດືອນ ຕົ້ນປີ ແລະ ທິດທາງແຜນການ 06 ເດືອນທ້າຍປີ

by somchan

ກອງປະຊຸມເປີດກວ້າງຄະນະພັກກະຊວງປ້ອງກັນ ຄວາມສະຫງົບປະຈຳ 06 ເດືອນຕົ້ນປີແລະ ທິດທາງແຜນການ 06 ເດືອນທ້າຍປີ 2013 ໄດ້ ສຳເລັດລົງດ້ວຍຜົນສຳເລັດຕາມລະດັບຄາດໝາຍ. ໃນຕອນບ່າຍຂອງວັນທີ 06 ມິຖຸນາ 2013ນີ້ຢູ່ທີ່ ຫ້ອງປະຊຸມໃຫຍ່ກະຊວງປ້ອງກັນຄວາມສະຫງົບ ພາຍຫຼັງທີ່ໄດ້ດຳເນີນມາເປັນເວລາ 04ວັນ ໂດຍພາຍໃຕ້ການເປັນປະທານຂອງສະຫາຍດຣ ທອງບັນ ແສງອາພອນ ເລຂາທິການສູນກາງ ພັກ,ເລຂາຄະນະພັກກະຊວງ,ລັດຖະມົນຕີວ່າການ ກະຊວງປ້ອງກັນຄວາມສະຫງົບ,ມີບັນດາຮອງເລຂາ, ຄະນະປະຈໍາພັກກະຊວງ,ມີຄະນະພັກກົມກອງອ້ອມ ຂ້າງກະຊວງ,ສອງວິທະຍາຄານ,ສອງບໍລິສັດຮັກ ສາຄວາມປອດໄພ, ປກສ ນະຄອນຫຼວງ ແລະ ກອງບັນຊາການ ປກສ ແຂວງໃນທົ່ວປະເທດເຂົ້າຮ່ວມ.

ກອງປະຊຸມຄະນະພັກ12

ກອງປະຊຸມໄດ້ເຜີຍແຜ່ຜົນສຳເລັດກອງປະຊຸມຄົບຄະນະບໍລິຫານງານສູນກາງພັກຄັ້ງທີ 6 ສະໄໝທີ 9 ແລະ ຄໍາສັ່ງແນະນໍາວ່າດ້ວຍການຍົກສູງຄຸນນະພາບການຮ່ວມຊີວິດພັກ ແລະ ໄດ້ຮັບຟັງການຜ່ານບົດສະຫຼຸບຕີລາຄາການນຳພາ 06 ເດືອນຕົ້ນປີ ແລະ ທິດທາງແຜນການ 06 ເດືອນທ້າຍປີ 2013, ເຊີ່ງໃນ 06 ເດືອນຕົ້ນປີນີ້ຄະນະພັກກະຊວງໄດ້ສຸມໃສ່ ວຽກງານສຶກສາອົບຮົມການເມືອງແນວຄິດຂອງສະມາຊິກ-ພະນັກງານໃຫ້ມີຄຸນທາດການເມືອງໜັກແໜ້ນ, ໂດຍໄດ້ຖືເອົາການຮ່ວມຊີວິດຈຸພັກ, ໜ່ວຍພັກເປັນກົກ, ຄຽງຄູ່ກັນນີ້ຄະນະພັກແຕ່ລະຂັ້ນ ກໍ່ໄດ້ເອົາໃຈໃສ່ຊຸກຍູ້ຊີ້ນຳ-ນຳພາໃນການປະຕິບັດວຽກງານວິຊາສະເພາະຂອງແຕ່ລະເຫຼົ່າລົບໃຫ້ສຳເລັດຜົນ ເຮັດໃຫ້ທົ່ວສັງຄົມມີຄວາມສະຫງົບໂດຍພື້ນຖານ. ພ້ອມນັ້ນບັນດາຜູ້ແທນທີ່ເຂົ້າຮ່ວມໄດ້ຄົ້ນຄວ້າ, ປະກອບຄຳຄິດຄຳເຫັນຢ່າງກົງໄປກົງມາ ແລະ ມີເນື້ອໃນຄວາມ  ໝາຍເລິກເຊີ່ງໃສ່ຮ່າງບົດສະຫຼຸບ ແລະ ທິດທາງແຜນການ ເພື່ອພ້ອມກັນນຳໄປຈັດຕັ້ງປະຕິບັດ ໃຫ້ສຳເລັດຕາມລະດັບຄາດໝາຍ ແລະ ທັນກັບຄວາມຮຽກຮ້ອງຕ້ອງການຂອງສັງຄົມ. ພ້ອມນັ້ນກອງປະຊຸມຍັງຜ່ານລັດຖະດຳລັດຂອງປະທານປະເທດ ແລະ ດຳລັດຂອງນາຍົກລັດຖະມົນຕີແຫ່ງ ສປປ ລາວ ວ່າດ້ວຍການປະດັບຫຼຽນໄຊ ແລະ ໃບຍ້ອງຍໍໃຫ້ກົມກອງ, ບຸກຄົນທີ່ມີຄຸນງາມຄວາມດີໃນການອຸທິດເຫຼືອແຮງ, ສະຕິປັນຍາໃນການປ້ອງກັນກອງປະຊຸມລັດຖະສະພາອາຊີ-ເອີຣົບຄັ້ງທີ 7, ກອງປະຊຸມສຸດຍອດອາຊີ-ເອີຣົບ ຄັ້ງທີ 9 ແລະ ງານມະຫາກຳກິລາມະຫາວິທະຍາໄລອາຊຽນຄັ້ງທີ 16 ທີ່ ສປປ ລາວ ໄດ້ຮັບກຽດເປັນເຈົ້າພາບທີ່ຜ່ານມາ ເຊີ່ງປະກອບມີ: ຫຼຽນໄຊແຮງງານຊັ້ນI 201 ສະຫາຍ ແລະ 1 ກົມກອງ, ຫຼຽນໄຊແຮງງານຊັ້ນII 2,193 ສະຫາຍ, ຫຼຽນໄຊແຮງງານຊັ້ນIII 1,672 ສະຫາຍ, ຫຼຽນກາແຮງງານ 743 ສະຫາຍ ແລະ ໃບຍ້ອງຍໍລັດຖະບານ 207 ສະຫາຍ. ໃຫ້ກຽດປະດັບຫຼຽນຕ່າງໆ ແລະ ໃບຍ້ອງຍໍໃນຄັ້ງນີ້ໂດຍ ສະຫາຍ ດຣ ທອງບັນ ແສງອາພອນ ເລຂາທິການສູນກາງພັກ,ເລຂາຄະນະພັກກະຊວງ, ລັດຖະມົນຕີວ່າການກະຊວງປ້ອງກັນຄວາມສະຫງົບ. ນອກຈາກນັ້ນກອງປະຊຸມຍັງໄດ້ຕີລາຄາການຊີ້ນຳ-ບັນຊາຂອງຄະນະພັກກະຊວງ ປກສ ໃນ 6 ເດືອນຜ່ານມາ.

ໃນໂອກາດດຽວກັນນີ້ ສະຫາຍ ດຣ ທອງບັນ ແສງອາພອນຍັງໃຫ້ກຽດໂອ້ລົມເຊີ່ງມີບາງຕອນສຳຄັນທ່ານກ່າວວ່າ:

 

Off

Comments are closed.