04th Apr2019

ກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າອວຍພອນ ຈາກກະຊວງປ້ອງກັນປະເທດ

by somchan

ກະຊວງປ້ອງກັນຄວາມສະຫົງບ ໄດ້ຕ້ອນຮັບການເຂົ້າອວຍພອນ ຈາກກະຊວງປ້ອງກັນປະເທດ, ໃນວັນທີ່ 3 ເມສານີ້, ເນືອງໃນໂອກາດວັນສ້າງຕັ້ງກຳລັງປ້ອງກັນຄວາມສະຫົງບ ຄົບຮອບ 58 ປີ, ເຊີ່ງນຳໂດຍ ພົຕ ອ່ອນສີ ແສນສຸກ ຮອງລັດຖະມົນຕີກະຊວງ ປ້ອງກັນປະເທດ ພ້ອມຄະນະ, ຕາງໜ້າຮັບການອວຍພອນໂດຍ ພົຈວ ສີສະຫວາດ ແກ້ວມາລາວົງ ຫົວໜ້າຫ້ອງວ່າການກະຊວງປ້ອງກັນຄວາມສະຫົງບພ້ອມຄະນະ.

ໂອກາດນີ້ ພົຕ ອ່ອນສີ ແສນສຸກ ຮອງລັດຖະມົນຕີ ກະຊວງປ້ອງກັນປະເທດ ໄດ້ອວຍພອນມາຍັງການນຳກະຊວງປ້ອງກັນຄວາມສະຫົງບຕະຫຼອດຮອດພະນັກງານ-ນັກຮົບທົ່ວກຳລັງປ້ອງກັນຄວາມສະຫົງບຈົ່ງມີສຸຂະພາບເຂັ້ມແຂງ ສືບຕໍ່ຊີ້ນຳ-ນຳພາກຳລັງປ້ອງກັນຄວາມສະຫົງບໃຫ້ມີຄວາມເຕີບໃຫຍ່ເຂັ້ມແຂງພ້ອມກັນປະຕິບັດໜ້າທີ່ວິຊາສະເພາະຕາມການມອບໝາຍຂອງຂັ້ນເທິງໃຫ້ສຳເລັດ. ພ້ອມດຽວກັນນີ້ ພົຈວ ສີສະຫວາດ ແກ້ວມາລາວົງ ຫົວໜ້າຫ້ອງວ່າການກະຊວງປ້ອງກັນຄວາມສະຫົງບໄດ້ຕາງໜ້າໃຫ້ຄະນະນຳກະຊວງກໍຄືພະນັກງານ-ນັກຮົບ ສະແດງຄວາມຂອບໃຈມາຍັງ ກະຊວງປ້ອງກັນປະເທດ ທີ່ເຫັນໄດ້ຄວາມໝາຍສຳຄັນແລະມູນເຊື້ອຂອງກຳລັງປ້ອງກັນຄວາມສະຫົງບ ເວລາໃດກຳລັງປ້ອງກັນຊາດປ້ອງກັນຄວາມສະຫົງບກໍໄດ້ຄຽງບ່າຄຽງໄຫຼ່ກັນໃນພາລະກິດປົກປັກຮັກສາແລະສ້າງສາພັດທະນາປະເທດຊາດ, ພ້ອມກັນສືບຕໍ່ມູນເຊື້ອດັ່ງກ່າວເຂົ້າໃນການປະຕິບັດໜ້າທີ່ວິຊາສະເພາະທີ່ພັກ-ລັດແລະປະຊາຊົນມອບໝາຍໂດຍສະເພາະແມ່ນການປົກປັກຮັກສາຄວາມສະຫົງບ, ຄວາມເປັນລະບຽບຮຽບຮ້ອຍໃນສັງຄົມແລະພາລະກິດປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນກ້າວໜ້າເລື່ອຍໆ.

Off

Comments are closed.