27th Feb2018

ກະຊວງ ປກສ ຕ້ອນຮັບການເຂົ້າຢ້ຽມຢາມ ເອກອັກຄະລາຊະທູດຢີ່ປຸ່ນ

by somchan

ໃນວັນທີ 22 ກຸມພາ 2018 ນີ້ ຢູ່ທີ່ຫ້ອງຮັບແຂກ ຂອງກະຊວງ ປກສ ພົຕ ກົງທອງວົງວິຈິດ ຮອງລັດຖະມົນກະຊວງປ້ອງກັນຄວາມສະຫງົບ, ພ້ອມດ້ວຍຄະນະໄດ້ຕ້ອນຮັບການເຂົ້າພົບປະຂອງ ທ່ານ ໂນບຸຊິເກະ ທາກະມິຊະວະ ເອກອັກຄະ ລາຊະທູດ ຜູ້ຕາງໜ້າຖາວອນແຫ່ງປະເທດຢີ່ປຸ່ນ ປະຈຳກອງປະຊຸມ ເພື່ອການຫຼຸດຜ່ອນ ອາວຸດເຊີແນວ, ພ້ອມດ້ວຍຄະນະໃນໂອກາດທີ່ ມາເຄື່ອນໄຫວຢ້ຽມຢາມ ແລະ ເຮັດວຽກຢູ່ ສາທາລະນະລັດ ປະຊາທິປະໄຕປະ ຊາຊົນລາວ, ໃນຖານະປະເທດກອງປະຊຸມສົນທິສັນຍາວ່າດ້ວຍການຄ໊າອາວຸດທີ່ປະເທດຢີ່ປຸ່ນເປັນເຈົ້າພາບ.

ການເຂົ້າພົບປະໃນຄັ້ງນີ້ທັງສອງທ່ານໄດ້ມີການປືກສາຫາລືກ່ຽວກັບການສົ່ງເສີມການເປີດກ້ວາງ ແລະ ຂະຫຍາຍສະມາຊິກສົນທິສັນຍາວ່າດ້ວຍການຄ້າອາວຸດເວົ້າລວມ, ເວົ້າສະເພາະແມ່ນເພື່ອຂົນຂວາຍ ສປປ ລາວ ເຂົ້າ ເປັນພາຄີຂອງສົນທິສັນຍາ ວ່າດ້ວຍການຄ້າອາວຸດ ເຊີ່ງປະຈຸບັນ ສປປ ລາວ ເປັນປະເທດໜື່ງທີ່ບໍ່ທັນໄດ້ເປັນສະມາຊິກ ແລະ ບໍ່ທັນໄດ້ລົງນາມໃນສົນທິສັນຍາດັ່ງກ່າວ ເຊີ່ງກະຊວງປ້ອງກັນຄວາມສະຫງົບ ແມ່ນຂະແໜ່ງ ການໜື່ງທີ່ກ່ຽວຂ້ອງ ໃນການປືກສາຫາລື ແລະ ປະສານສົມທົບກັບກະຊວງການຕ່າງປະເທດ ໃນການຄົ້ນຄ້ວາວຽກງານດັ່ງກ່າວ, ຢ່າງໃດກໍ່ຕາມ ເຖີງວ່າ ສປປ ລາວ ຍັງບໍ່ໄດ້ເປັນພາຄີ ຫຼືສະມາຊິກຂອງສົນທິສັນຍາດັ່ງກ່າວ ແຕ່ກໍ່ມີເຈດຈຳນົງທາງການເມືອງ ແລະ ຄວາມເອົາໃຈໃສ່ຕໍ່ວຽກງານດັ່ງກ່າວ ພ້ອມທັງໄດ້ເຂົ້າຮ່ວມຕິດຕາມກອງປະຊຸມສຳມະນາ ໃນຂອບເຂດສົນທິສັນຍາວ່າດ້ວຍການຄ້າອາວຸດ ຢູ່ໃນພາກພື້ນ ແລະ ສາກົນເປັນປະຈຳ.

Off

Comments are closed.