14th Dec2018

ກະຊວງປ້ອງກັນປະເທດຈັດພິທີປະກາດການ ເລື່ອນຊັ້ນ ນາຍທະຫານຂັ້ນສູງ ຊັ້ນ ພົນໂທ ຂື້ນ ພົນເອກ

by somchan

 

ກະຊວງປ້ອງກັນປະເທດຈັດພິທີປະກາດການ ເລື່ອນຊັ້ນນາຍທະຫານຂັ້ນສູງ ຊັ້ນ ພົນໂທ ຂື້ນ ພົນເອກ ຢູ່ທີ່ສະໂມສອນປ້ອງກັນປະເທດ ໃນວັນທີ 13 ທັນວາ 2018 ນີ້ ໂດຍການເຂົ້າຮ່ວມຂອງ ປອ ພັນຄຳ ວິພາວັນ ກຳມະການກົມການເມືອງສູນກາງພັກ ຮອງປະທານປະເທດ ແຫ່ງ ສປປ ລາວ ພ້ອມດ້ວຍຄະນະພັກ ຄະນະນຳ ແລະ ກົມກອງອ້ອມຂ້າງເຂົ້າຮ່ວມ.

ທ່ານ ທອງຈັນ ໂຂງຂຸມຄຳ ຮອງຫົວໜ້າ ຄະນະຈັດຕັ້ງສູນກາງພັກ,ໄດ້ຂື້ນຜ່ານລັດຖະດຳລັດຂອງປະທານປະເທດແຫ່ງ ສປປ ລາວ ວ່າດ້ວຍການເລື່ອນຊັ້ນນາຍທະຫານຂັ້ນສູງ ຊັ້ນ ພົນໂທ ຂື້ນ ຊັ້ນ ພົນເອກ ໂດຍອີງຕາມລັດຖະທຳມະນູນ ແຫ່ງ ສປປ ລາວ ອີງຕາມກົດໝາຍວ່າດ້ວຍນາຍທະຫານກອງທັບປະຊາຊົນລາວ ແລະ ອີງຕາມໜ້ງສືສະເໜີຂອງນາຍົກລັດຖະມົນຕີ ແລະ ອີງຕາມຜົນງານການເຄື່ອນໄຫວວຽກງານກໍ່ຄືການປະກອບສ່ວນເຂົ້າໃນວຽກງານປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ມີຄວາມຮຸງເຮືອງສີວິໄລເປັນກ້າວໆມາກໍ່ຄືການພັດທະນາ ກຳລັງປ້ອງກັນປະເທດໃຫ້ມີຄວາມເຕີບໃຫ່ຍໜັກ ແໜ້ນເຂັ້ມແຂງທາງດ້ານ ກຳລັງປະກອບອາວຸດຢ່າງຕັ້ງໜ້າ ແລະ ມີລະບຽບວີໄນທີ່ເຂັ້ມງວດ,ເຊີ່ງສະແດງອອກຕະຫຼອດໄລຍະ 70 ປີ ຜ່ານມາກຳລັງປ້ອງກັນປະເທດມີຄວາມເອກອ້າງທະນົງຕົວໃນການນຳຕໍ່ສູ້ເພື່ອປົດປ່ອຍປະເທດຊາດ ນຳປະເທດຊາດສູ່ເອກກະລາດ ປະຊາທິປະໄຕ ຢ່າງແທ້ຈີງ ພ້ອມນັ້ນຍັງໄດ້ປະກອບສ້າງສາພັດທະນາປະເທດຊາດໃຫ້ມີຄວາມຮຸງເຮືອງສີວິໄລມາເຖີງປະຈຸບັນ.

 

ໂອກາດນີ້ ປອ ພັນຄຳ ວີພາວັນ ກຳມະການກົມການເມືອງສູນກາງພັກ ຮອງປະທານປະເທດ ກໍ່ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານການເຄື່ອນໄຫວວຽກງານໃນໄລຍະຜ່ານມາ ພ້ອມທັງໄດ້ເນັ້ນໜັກໃຫ້ຄະນະພັກຄະນະນຳແຕ່ລະຂັ້ນຂອງກະຊວງປ້ອງກັນປະເທດຈົ່ງສືບຕໍ່ເອົາໃຈໃສ່ຊີ້ນຳ ນຳພາພະນັກງານ-ນັກຮົບໃນກຳລັງປ້ອງກັນປະເທດໃຫ້ມີຄວາມເຕີມໃຫ່ຍເຂັ້ມແຂງ,ສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງໜ້າທີວຽກງານໃນໄລຍະໃໝ່ໃຫ້ມີຜົນສຳເລັດ

Off

Comments are closed.