08th Nov2017

ກະຊວງ ປ້ອງກັນ ຄວາມສະຫງົບ ໄດ້ຜ່ານແຜນ ປ້ອງກັນ ຄະນະ ຜູ້ແທນຂັ້ນສູງ ແຫ່ງ ສປ ຈີນ ທີ່ຈະເດີນ ທາງ ມາຢ້ຽມຢາມ ສປປ ລາວ

by somchan

ໃນ​ວັນ​ທີ 7 ພະຈິກ ນີ້ ກະຊວງ​ປ້ອງ​ກັນ ​ຄວາມ​ສະຫງົບ ​ໄດ້​ຜ່ານ​ແຜນ​ປ້ອງ​ກັນ ​ຄະນະ​ຜູ້​ແທນ ​ຂັ້ນ​ສູງ​ແຫ່ງ ສປ ຈີນ ທີ່​ຈະ​ເດີນທາງ ​ມາ​ຢ້ຽມຢາມ ສປປ ລາວ ​ໂດຍ​ການ​ເປັນ​ປະທານ​ ຂອງ ພົຕ ກົງ​ທອງ ພົງ​ວິຈິດ ຮອງ​ລັດຖະມົນຕີ ​ກະຊວງ​ປ້ອງ​ກັນ​ ຄວາມ​ສະຫງົບ ຄະນະ​ບັນຊາ, ບັນດາ​ອະນຸ​ກຳ​ມະ​ການ ກົມ​ກອງ​ອ້ອມ​ຂ້າງ ​ກະຊວງ​ເຂົ້າ​ຮ່ວມ.

ພັທ ສົມພົງ ຂຳ​ວິ​ລຸນ ຮອງ​ກອງ​ບັນຊາ​ການ ​ປ້ອງ​ກັນ​ສູນ​ກາງ ທັງ​ເປັນ​ຮອງ​ກອງ​ເສນາ​ ທິການ​ຊ່ວຍ​ວຽກ ​ໄດ້​ຜ່ານ​ແຜນການ​ປ້ອງ​ກັນ ຄະນະ​ຜູ້​ແທນ​ຂັ້ນ​ສູງ ​ແຫ່ງ ສປຈີນ ທີ່​ຈະ​ເດີນທາງ ​ມາ​ຢ້ຽມຢາມ ທາງ​ລັດຖະກິດ ຢ່າງ​ເປັນ​ທາງ​ການ ຢູ່ ສປປ ລາວ ທັງ​ນີ້​ເພື່ອ​ແນ່​ໃສ່ ​ເປັນ​ເຈົ້າ​ການ ​ແລະ ສະກັດ​ກັ້ນ ກຳ​ແໜ້ນ​ສະພາບ​ການ, ຍົກ​ສູງ​ສະຕິ​ລະວັງ​ຕົວ ປະຕິບັດ​ໜ້າ​ທີ່​ກຽມພ້ອມ​ປະ​ເຊີນ​ໜ້າ​ ກັບ​ທຸກ​ກໍລະນີ, ​ແນ່​ໃສ່​ການ​ຊຸກຍູ້​ໃນ​ການ​ເຄື່ອນ​ໄຫວ ​ວຽກ​ງານ​ປ້ອງ​ກັນ​ ທ່ານ​ຜູ້ນຳ​ພັກ-​ລັດ, ​ແຂກ​ທີ່​ມາ​ຢ້ຽມຢາມ ສປປລາວ ​ໃຫ້​ມີ​ຄວາມ​ສະຫງົບ​ປອດ​ໄພ ​ຮອບດ້ານ ​ໂດຍ​ສະ​ເພາະ ຄະນະ​ຜູ້​ແທນ​ຂັ້ນ​ສູງ ​ແຫ່ງ ສປຈີນ ທີ່​ມາ​ຢ້ຽມຢາມ ສປປລາວ ຄັ້ງ​ນີ້​ໃຫ້​ມີ​ຄວາມ​ປອດ​ໄພ 100% ​ເຊິ່ງ​ໃນ​ນີ້ ມີ​ກຳລັງ​ຈາກ​ກົມ​ກອງ​ ອ້ອມ​ຂ້າງ​ກະຊວງ, ກອງ​ບັນຊາ​ການ, ວິທະຍາຄານ, ປກສນະຄອນຫຼວງ ​ແລະ ກະຊວງ​ປ້ອງ​ກັນ​ປະ​ເທດ ລວມທັງ​ໝົດ 1,000 ກວ່າ​ຄົນ ​ເຊິ່ງບັນຈຸ​ເຂົ້າ​ແຕ່ລະ​ຈຸດ​ປ້ອງ​ກັນ 11 ຈຸດ.

Off

Comments are closed.