15th Jan2018

ກະຊວງ ປກສ ຈັດກອງປະຊຸມທົບທວນ ຄວາມພ້ອມການຮ່ວມມືສອງຝ່າຍ ລາວ-ກຳປູເຈບ

by somchan

ໃນວັນທີ 15 ມັງກອນ 2018 ກະຊວງປ້ອງກັນ ຄວາມສະຫງົບໄດ້ຈັດກອງປະຊຸມທົບທວນ ຄວາມພ້ອມໃນການເປັນເຈົ້າພາບຈັດກອງປະຊຸມ ຮ່ວມມືສອງຝ່າຍລະຫວ່າງ ກະຊວງ ປກສ ສປປລາວ ກັບກະຊວງພາຍໃນແຫ່ງ ຣາຊະອານາ ຈັກກຳປູເຈຍ ປະຈຳປີ 2018 ໃນລະຫວ່າງ ວັນທີ 15-18 ມັງກອນ 2018 ນີ້. ໂດຍການເປັນປະທານຂອງ ພົນຕີ ສິນທະວົງ ໄຊຍະກອນ ຮອງລັດຖະມົນຕີກະຊວງ ປກສ ມີເຈົ້າແຂວງ ຮອງເຈົ້າແຂວງ ຫົວໜ້າກົມໃຫຍ່ ແລະ ບັນດາອານຸກຳມະການດ້ານຕ່າງໆເຂົ້າຮ່ວມ.

ພັອ ອານຸເດດ ຄູນຄ່ຳ ຮອງຫົວໜ້າຫ້ອງວ່າການກະຊວງ ປກສ ລາຍງານກ່ຽວກັບການກະກຽມຄວາມພ້ອມດ້ານຕ່າງໆ ໃນການເປັນເຈົ້າພາບຈັດກອງປະຊຸມຮ່ວມມື ສອງຝ່າຍລະຫວ່າງ ກະຊວງ ປກສ ສປປລາວ ກັບກະຊວງພາຍໃນແຫ່ງຣາຊະອານາຈັກກຳປູເຈຍເຊິ່ງມາຮອດປະຈຸບັນນີ້ ແຕ່ລະດ້ານແມ່ນ ມີຄວາມພ້ອມ ເພື່ອຮັບປະກັນໃຫ້ກອງປະຊຸມດັ່ງກ່າວ ໄດ້ຮັບຜົນສຳເລັດຕາມຄາດໝາຍ.

ໂອກາດນີ້ ພົຕີ ສິນທະວົງ ໄຊຍະກອນ ຮອງລັດຖະມົນຕີກະຊວງ ປກສ ໄດ້ໃຫ້ທິດຊີ້ນຳ ແລະ ເໜັ້ນໜັກ ໃຫ້ຄະນະຜູ້ແທນຝ່າຍລາວ ພ້ອມກັນສັງເກດຕີລາຄາຄືນຜົນການຈັງຕັ້ງຜັນຂະຫຍາຍຕາມບົດບັນທຶກຄວາມເຂົ້າໃຈ ລະຫວ່າງກະຊວງ ປກສ ສປປລາວ ກັບກະຊວງພາຍໃນແຫ່ງຣາຊະອານາຈັກກຳປູເຈຍ ແລະ ທິດທາງການຮ່ວມມືຮັກສາຄວາມສະຫງົບຄວາມເປັນລະບຽບຮຽບຮ້ອຍຕາມຊາຍແດນຂອງສອງປະເທດ ເພື່ອໃຊ້ເປັນຂໍ້ມູນໃນການປຶກສາຫາລືຮ່ວມກັບຜູ້ແທນຂອງຝ່າຍກຳປູເຈຍ ເພື່ອເຮັດໃຫ້ແຕ່ລະບັນຫາ ມີເນື້ອໃນຄົບຖ້ວນ ແລະ ແທດເໝາະກັບສະພາບການຕົວຈິງ.

 

Off

Comments are closed.