19th Feb2016

ກະຊວງ ປກສ ຈັດຕັ້ງເຊື່ອມຊືມເອກະສານສຳຄັນ

by somchan

ກະຊວງປ້ອງກັນຄວາມສະຫງົບ ໄດ້ຈັດຕັ້ງເຊື່ອມຊືມ ເອກະສານສຳຄັນຕ່າງໆ ໃຫ້ພະນັກງານຫຼັກແຫຼ່ງ ກົມກອງອ້ອມຂ້າງກະຊວງປ້ອງກັນຄວາມສະຫງົບ ເພື່ອກະກຽມໃຫ້ແກ່ການເລືອກຕັ້ງສະມາຊິກ ສະພາແຫ່ງຊາດຊຸດທີ VIII  ແລະ ສະພາປະຊາຊົນ ຂັ້ນແຂວງ, ນະຄອນຫຼວງ ໃນຕອນບ່າຍຂອງວັນທີ 18 ກຸມພາ 2016ນີ້ ໂດຍການເປັນປະທານ ແລະ ເຜີຍແຜ່ເອກະສານຂອງ ພົນຕີ ໄຊຍະວົງ ໄຊຍະກອນ ກຳມະການສູນກາງພັກ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບ, ມີຄະນະພັກກະຊວງ, ຄະນະພັກກົມໃຫຍ່ ກົມກອງອ້ອມຂ້າງກະຊວງເຂົ້າຮ່ວມ. ເອກະສານທີ່ນຳມາເຊື່ອມຊືມຄັ້ງນີ້ ມີມະຕິຕົກລົງຂອງກົມການເມືອງສູນກາງພັກ ວ່າດ້ວຍການເພີ່ມທະວີການຊີ້ນຳຂອງພັກ ຕໍ່ການເລືອກຕັ້ງສະມາຊິກສະພາແຫ່ງຊາດຊຸດທີ VIII ແລະ ສະມາຊິກສະພາປະຊາຊົນ ແຂວງ, ນະຄອນຫຼວງ ໄລຍະປີ 2016-2020, ເອກະສານ 40ປີ ແຫ່ງການປົກປັກຮັກສາ ແລະ ສ້າງສາພັດທະນາປະເທດຊາດ ພາຍໃຕ້ການນຳພາຂອງພັກປະຊາຊົນປະຕິວັດລາວ, ເອກະສານເສີມຂະຫຍາຍສິດເປັນເຈົ້າຂອງປະເທດຊາດ ໃນການເລືອກຕັ້ງສະມາຊິກສະພາແຫ່ງຊາດຊຸດທີ VIII ແລະ ກົດໝາຍວ່າດ້ວຍສະພາແຫ່ງຊາດ, ກົດໝາຍວ່າສະພາປະຊາຊົນຂັ້ນແຂວງ ທັງນີ້ເພື່ອຮັບປະກັນເຮັດໃຫ້ການເລືອກຕັ້ງສະມາຊິກສະພາແຫ່ງຊາດຊຸດທີ 8 ແລະ ສະມາຊິກສະພາປະຊາຊົນຂັ້ນແຂວງ ບັນລຸຜົນສຳເລັດຕາມຄາດໝາຍ ແລະ ດຳເນີນໄປຢ່າງມີປະຊາທິປະໄຕ, ສະເໝີພາບ, ຍຸດຕິທຳສອດຄ່ອງກັບກົດໝາຍ, ຮັບປະກັນຄວາມເປັນລະບຽບຮຽບຮ້ອຍທາງສັງຄົມ ຮັບປະກັນຄວາມສະຫງົບປອດໄພ, ຕັ້ງໜ້າປຸກລະດົມ ຈັດຕັ້ງນຳພາຜູ້ມີສິດເລືອກຕັ້ງໄປໃຊ້ສິດຂອງຕົນໃຫ້ໄດ້ຢ່າງຄົບຖ້ວນ ຮັບປະກັນລົງຄະແນມສຽງ ຖືກຕ້ອງຕາມລະບຽບກົດໝາຍ, ເພື່ອແນໃສ່ຍົກລະດັບຄວາມສາມາດໃນການເຄື່ອນໄຫວວຽກງານຂອງສະພາແຫ່ງຊາດຊຸດທີ 8 ແລະ ສະພາທ້ອງຖິ່ນໃຫ້ມີປະສິດທິຜົນ, ປະກອບສ່ວນເຂົ້າໃນການປັບປຸງລະບົບອຳນາດລັດ ທີ່ເປັນລົດຂອງປະຊາຊົນໂດຍປະຊາຊົນ ແລະ ເພື່ອປະຊາຊົນ ໃຫ້ມີຄວາມເຂັ້ມແຂງແລະ ມີປະສິດທິຜົນໃນການຄຸ້ມຄອງລັດ , ຄຸ້ມຄອງເສດຖະກິດ-ສັງຄົມຂອງປະເທດ.

Off

Comments are closed.