06th Feb2020

ກະຊວງ ປກສ ຈັດພິທີປະກາດ ການເລື່ອນຊັ້ນ ພຈົວ ຂື້ນເປັນ ພົຕ

by somchan

ກະຊວງປ້ອງກັນຄວາມສະຫງົບໄດ້ຈັດພິທີປະກາດເລື່ອນຊັ້ນໃຫ້ນາຍຕຳຫລວດຂັ້ນສູງ ໃນວັນທີ 6 ກຸມພາ 2020 ນີ້ ໂດຍການເປັນກຽດ ເຂົ້າຮ່ວມຂອງ ພົທ ວິໄລ ຫລ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບ ມີບັນດາຄະນະພັກຄະນະນຳກະຊວງ, ຫົວຫນ້າກົມໃຫຍ່, ຫ້ອງວ່າການ, ຫົວຫນ້າກົມກອງອ້ອມຂ້າງກະຊວງ ເຂົ້າຮ່ວມ.

ພົຕ ວັນທອງ ກອງມະນີ ຫົວຫນ້າກົມໃຫຍ່ການເມືອງ ປກສ ໄດ້ຜ່ານລັດຖະດຳລັດຂອງປະທານປະເທດ ວ່າດ້ວຍການເລື່ອນຊັ້ນ ພຈົວ ຂື້ນເປັນ ພົຕ ໃນນີ້ໄດ້ຕົກລົງເລື່ອນຊັ້ນໃຫ້ ພົຈວ ບຸນມີ ແສງຄຳຢອງ ຫົວຫນ້າກົມໃຫຍ່ສັນຕິບານ ກະຊວງ ປກສ ຂື້ນເປັນຊັ້ນ ພົຕ ເປັນກຽດປະດັບຊັ້ນໂດຍ ພົທ ວິໄລ ຫລ້າຄຳຟອງ ລັດຖະມົນຕີກະຊວງ ປກສ ໃນໂອກາດນີ້ ທ່ານລັດຖະມົນຕີ ກະຊວງປ້ອງກັນຄວາມສະຫງົບ ກໍ່ໄດ້ໃຫ້ກຽດໂອ້ລົມ ໂດຍທ່ານໄດ້ສະແດງຄວາມ ຊົມເຊີຍຕໍ່ ພົຕ ບຸນມີ ແສງຄຳຢອງ ທີ່ໄດ້ຮັບການເລື່ອນຊັ້ນໃນຄັ້ງນີ້ ແລະ ທ່ານໄດ້ເນັ້ນຫນັກໃຫ້ສຸມໃສ່ສຶກສາອົບຮົມການເມືອງ-ແນວຄິດ ໃຫ້ພະນັກງານ-ນັກຮົບ ໃຫ້ເລິກເຊີ່ງເຖິ່ງຖອງ, ເພີ່ມທະວີຄວາມຮັບຜິດຊອບໃນການຕໍ່ການນຳພາບັນຊາ, ກໍ່ສ້າງພັກກໍ່ສ້າງກຳລັງໃຫ້ຫນັກແຫນ້ນເຂັ້ມແຂງ, ເສີມຂະຫຍາຍຄວາມສາມັກຄີພາຍໃນໃຫ້ແຫນ້ນແຟ້ນ ຊີ້ນຳ-ນຳພາ ກຳລ້ງ ປກສ ເວົ້າລວມເ, ວົ້າສະເພາະກໍ່ແມ່ນ ກຳລັງກົມໃຫ່ຍສັນຕິບານ ໃຫ້ມີຄວາມໜັກແໜ້ນເຂັ້ມແຂງຂື້ນເລື້ອຍໆ.

Comments are closed.