13th Aug2019

ກະຊວງ ປກສ ປະດັບຫຼຽນໄຊ ພັດທະນາຊັ້ນ III ແລະ ຫຼຽນກາພັດທະນາ ໃຫ້ 4 ບໍລິສັດ

by somchan

ໃນວັນທີ 12 ສິງຫາ 2019 ນີ້ ກະຊວງປ້ອງກັນຄວາມສະຫງົບ ໄດ້ຈັດພິທີປະດັບຫຼຽນໄຊພັດທະນາຊັ້ນ III ແລະ ຫຼຽນກາພັດທະນາໃຫ້ 4 ບໍລິສັດທີ່ມີຄຸນງາມຄວາມດີໃນການອຸປະຖຳຊ່ວຍເຫຼືອກະຊວງ ປກສ.

ໂດຍການເປັນກຽດເຂົ້າຮ່ວມຂອງ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ລັດຖະມົນຕີກະຊວງ ປກສ ມີທ່ານປະທານ 4 ບໍລິສັດ ພ້ອມດ້ວຍຄະນະ, ມີຄະນະພັກ-ຄະນະນຳ ຈາກກົມໃຫ່ຍ, ຫ້ອງວ່າການກະຊວງ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ພັນເອກ ກຽງຄຳ ອິນແພງທະວົງ ຮອງຫົວໜ້າຫ້ອງວ່າການກະຊວງ ປກສ ໄດ້ຜ່ານລັດຖະດຳລັດຂອງປະທານປະເທດ ວ່າດ້ວຍການມອບຫຼຽນໄຊພັດທະນາຊັ້ນ III. ໃຫ້ແກ່ບໍລິສັດຫົວເຫວີຍເຕັກໂນໂລຊີລາວ ຈຳກັດຜູ້ດຽວ ທີ່ມີຜົນງານດີເດັ່ນໃນການປະກອບສ່ວນຊ່ວຍເຫຼືອອຸປະກອນການສື່ສານເຄື່ອນທີ່ໄລຍະສັ້ນ ເພື່ອຮັບໃຊ້ເຂົ້າໃນວຽກງານ ວິຊາສະເພາະໃຫ້ແກ່ກຳລັງ ປກສ ລວມມູນຄ່າ 926,681 ໂດລາສະຫະລັດ ແລະ ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງໄຟຟ້າຈຳກັດຜູ້ດຽວ ທີ່ມີຜົນງານດີເດັ່ນໃນການປະກອບສ່ວນອຸປະຖຳລົດເກັງ ຍີ່ຫໍ້ KIA ຈຳນວນ 4 ຄັນ ໃຫ້ກະຊວງ ປກສ ລວມມູນຄ່າ 118,400 ໂດລາສະຫະລັດ, ຜ່ານດຳລັດຂອງນາຍົກລັດຖະມົນຕີ ວ່າດ້ວຍການປະດັບຫຼຽນກາພັດທະນາໃຫ້ບໍລິສັດເອເຊຍລົງທຶນພັດທະນາ ແລະ ກໍ່ສ້າງຈຳກັດຜູ້ດຽວ ທີ່ມີຜົນງານປະກອບສ່ວນອຸປະຖຳລົດເກັງ ຍີ່ຫໍ້ KIA ຈຳນວນ 2 ຄັນ ລວມມູນຄ່າ 57,800 ໂດລາສະຫະລັດ ແລະ ບໍລິສັດລາວເນັດຄອມມູນີເຄເຊິນຈຳກັດຜູ້ດຽວ ທີ່ມີຜົນງານປະກອບສ່ວນອຸປະຖຳລົດເກັງ ຍີ່ຫໍ້ KIA ຈຳນວນ 2 ຄັນ ລວມມູນຄ່າ 57,800 ໂດລາສະຫະລັດ.

ຜົນງານດັ່ງກ່າວເປັນການປະກອບສ່ວນອັນສຳຄັນເຂົ້າໃນການພັດທະນາປະເທດຊາດເວົ້າລວມ, ເວົ້່າສະເພາະກໍ່ແມ່ນກຳລັງປ້ອງກັນຄວາມສະຫງົບ ໃນການປະຕິບັດວຽກງານວິຊາສະເພາະມີຄວາມສະດວກວ່ອງໄວ. ໃຫ້ກຽດປະດັບຫຼຽນໄຊພັດທະນາ ຊັ້ນ III ແລະ ຫຼຽນກາພັດທະນາ ໂດຍ ພົນໂທ ວິໄລ ຫຼ້າຄຳຟອງ ລັດຖະມົນຕີກະຊວງ ປກສ .

Comments are closed.