03rd Jan2020

ກະຊວງ ປກສ ປະກາດການເລື່ອນຊັ້ນ ໃຫ້ນາຍຕຳຫຼວດກົມກອງອ້ອມຂ້າງກະຊວງ

by somchan

ກະຊວງ ປກສ ໄດ້ປະກາດການເລື່ອນຊັ້ນ ໃຫ້ນາຍຕຳຫຼວດ ກົມກອງອ້ອມຂ້າງກະຊວງ ປກສ ແລະ ແຂວງ ໃນທົວປະເທດ ໃນວັນທີ 3 ມັງກອນ 2020 ນີ້ ໂດຍການເຂົ້າຮ່ວມ ແລະ ປະດັບຊັ້ນ ຂອງ ພົຕ ວັນທອງ ກອງມະນີ ຫົວໜ້າກົມໃຫ່ຍການເມືອງ ປກສ ມີຕາງໜ້າຄະນະນຳກະຊວງ ກົມໃຫ່ຍ ກົມກອງອ້ອມຂ້າງ ປກສ ແຂວງ ຕະຫຼອດຮອດນາຍຕຳຫຼວດຜູ້ທີໄດ້ຮັບການເລື່ອນຊັ້ນເຂົ້າຮ່ວມ.

ພັທ ສົມພອນ ແກ້ວພູທອນ ຮອງກົມຈັດຕັ້ງພະນັກງານ ກົມໃຫ່ຍການເມືອງ ປກສ ໄດ້ຂື້ນຜ່ານຂໍ້ຕົກລົງ ຂອງ ລມຕ ກະຊວງ ປກສ ເລກທີ 2838-2871/ປກສ ວ່າດ້ວຍການເລື່ອນຊັ້ນໃຫ້ນາຍຕຳຫຼວດ ກົມກອງອ້ອມຂ້າງກະຊວງ ປກສ ແລະ ປກສ ແຂວງ ໃນທົ່ວປະເທດ ໃນນີ້ ເລື່ອນຊັ້ນ ພັຕ ຂື້ນ ພັທ 412 ສະຫາຍ, ຍີງ 51 ສະຫາຍ ການເລື່ອນຊັ້ນໃຫ້ນາຍຕຳຫຼວດ ກົມກອງອ້ອມຂ້າງກະຊວງ ແລະ ທ້ອງຖີ່ນ ໃນຄັ້ງນີ້ ເພື່ອເປັນການປະຕິບັດນະໂຍບາຍ ຂອງພັກ-ລັດ ທີມີຕໍ່ນາຍຕຳຫຼວດຜູ້ທີມີຜົນສຳເລັດໃນການປະຕິບັດໜ້າທີວຽກງານ ແລະ ຄົບມາດຖານເງື່ອນໄຂຂອງການເລື່ອນຊັ້ນທີ່ໄດ້ກຳນົດໄວ້ ໃນກົດໝາຍວ່າດ້ວຍ ກຳລັງປ້ອງກັນຄວາມສະຫງົບ ປະຊາຊົນລາວ ທັງນີ້ກໍ່ເພື່ອເປັນການສະແດງໃຫ້ເຫັນເຖີງຄວາມເຕີບໃຫ່ຍຂະຫຍາຍຕົວຂອງກຳລັງ ປກສ ຢ່າງບໍ່ຢຸດຢັ້ງ.

Off

Comments are closed.