24th Aug2018

ກະຊວງ ປກສ ປະກາດບົ່ງຕົວແຕ່ງຕັ້ງ ກຳມະການຄະນະບໍລິຫານງານພັກກະຊວງ

by somchan

ກະຊວງປ້ອງກັນຄວາມສະຫງົບ ໄດ້ຈັດກອງປະຊຸມ ຜ່ານມະຕິຕົກລົງບົ່ງຕົວແຕ່ງຕັ້ງກຳມະການ ຄະນະບໍລິຫານງານກະຊວງ ແລະ ຂອງເລຂາທິການສູນກາງພັກ ວ່າດ້ວຍການຜ່ານຂໍ້ຕົກລົງກ່ຽວກັບການປ້ອງກັນ ແລະ ຮັບມື ໄພພິບັດທຳມະຊາດ ໃນວັນທີ 22 ສິງຫາ ນີ້, ໂດຍການເປັນກຽດເຂົ້າຮ່ວມຂອງ ພົຕ ສິນທະວົງ ໄຊຍະກອນ ກຳມະການສູນການພັກ ຮອງລັດຖະມົນຕີກະຊວງປ້ອງກັນຄວາມສະຫງົບ, ມີຄະນະພັກ-ຄະນະບັນຊາ, ພະນັກງານ ຫຼັກແຫຼ່ງ ກົມກອງອ້ອມຂ້າງກະຊວງເຂົ້າຮ່ວມ.

ພົຈວ ອາລູ ວາລືຊື່ ຫົວໜ້າກົມໃຫ່ຍການເມືອງປ້ອງກັນຄວາມສະຫງົບ ໄດ້ຜ່ານມະຕິຕົກລົງຂອງຄະນະເລຂາທິການສູນກາງພັກ ວ່າດ້ວຍການບົ່ງຕົວແຕ່ງຕັ້ງກຳມະການຄະນະບໍລິຫານງານພັກ ກະຊວງປ້ອງກັນ ຄວາມ ສະຫງົບ. ໃນນີ້ໄດ້ບົ່ງຕົວແຕ່ງຕັ້ງ ພັອ ບົວພັນ ຍໍລະວົງສາ ເປັນກຳມະການຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ່ IV , ພ້ອມທັງເຜີຍແຜ່ຄຳສັ່ງ ວ່າດ້ວຍການເພີ່ມທະວີ ຄວາມຮັບຜິດຊອບ ຂອງ ຄະນະພັກ ໃນການຊີ້ນຳການປ້ອງກັນ ແລະ ຮັບມືໄພພິບັດທຳມະຊາດ, ແຈ້ງການຂອງຫ້ອງວ່າການສຳນັກງານນາຍົກລັດຖະມົນຕີ ເລື່ອງການກຽມພ້ອມຮັບມື ແລະ ແກ້ໄຂໄພນ້ຳຖ້ວມ ແລະ ຜ່ານຂໍ້ຕົກລົງສະບັບປັບປຸງ ຂອງລັດຖະມົນຕີກະຊວງປ້ອງກັນຄວາມສະຫງົບ ວ່າດ້ວຍການແຕ່ງຕັ້ງຄະນະຮັບຜິດຊອບປ້ອງກັນ ແລະ ຮັບມືໄພພິບັດທຳມະຊາດຂັ້ນກະຊວງ ໃນນີ້ໄດ້ແຕ່ງຕັ້ງ ພົຕ ສິນທະວົງ ໄຊຍະກອນ ຮອງລັດຖະມົນຕີ ກະຊວງ ປ້ອງ ກັນຄວາມສະຫງົບເປັນຫົວໜ້າ ເພື່ອເປັນການເພີ່ມທະວີຄວາມຮັບຜິດຊອບ ແລະ ເປັນເຈົ້າການຊີ້ນຳ-ນຳພາກຳລັງ ປກສ ໃນທົ່ວປະເທດ ປ້ອງກັນບໍ່ໃຫ້ເກີດໄພພິບັດອັນໜັກໜ່ວງ ແລະ ກຽມພ້ອມຮັບມືກັບໄພ ພິບັດທີ່ ອາດຈະເກີດຂື້ນຢ່າງມີປະສິດທິພາບ. ໃນກອງປະຊຸມຍັງໄດ້ປ່ອນບັດທາບທາມຢັ້ງຫາງສຽງເພື່ອສະເໜີບົ່ງຕົວເພີ່ມເຕີມ ຄະນະພັກກະຊວງປ້ອງກັນຄວາມສະຫງົບຕື່ມອີກ.

Off

Comments are closed.