15th Jan2018

ກະຊວງ ປກສ ປະກາດເລື່ອນຊັ້ນຂັ້ນນາຍ ພົນ ແລະ ຂັ້ນພັນເອກ

by somchan

ກະຊວງປ້ອງກັນຄວາມສະຫງົບໄດ້ປະກາດເລື່ອນຊັ້ນ ຂັ້ນນາຍພົນ ແລະ ຂັ້ນ ພັນເອກ ໃຫ້ນາຍຕຳຫຼວດ ຂັ້ນສູງຂອງກຳລັງປ້ອງກັນຄວາມສະຫງົບ ໃນວັນທີ 12 ມັງກອນ 2017ນີ້. ໂດຍການເຂົ້າຮ່ວມເປັນກຽດ ຂອງພົນຕີ ສົມແກ້ວ ສີລາວົງ ເລຂາທິການສູນກາງ ພັກ ລັດຖະມົນຕີກະຊວງປ້ອງກັນຄວາມສະຫງົບ, ມີບັນດາຮອງລັດຖະມົນຕີ, ຫົວໜ້າກົມໃຫຍ່, ກົມກອງອ້ອມຂ້າງກະຊວງ, ຫົວໜ້າກອງບັນຊາ ການ ປກສ ແຂວງ ແລະ ປກສ ເມືອງ ໃນຂອບເຂດທົ່ວປະເທດເຂົ້າຮ່ວມ.

ໃນພິທີ ໄດ້ຜ່ານລັດຖະດຳລັດຂອງປະທານປະເທດ ແລະດຳລັດຂອງນາຍົກລັດຖະມົນຕີວ່າດ້ວຍການເລື່ອນຊັ້ນນາຍຕຳຫຼວດຂຶ້ນນາຍພົນ ແລະ ຊັ້ນພັນເອກ ໃຫ້ນາຍຕຳຫຼວດຜູ້ທີ່ມີຜົນງານດີເດັ່ນ ແລະ ຄົບມາດຖານເງື່ອນໄຂ ໃນການເລື່ອນຊັ້ນ, ເຊິ່ງມີຜູ້ໄດ້ຮັບການເລື່ອນຊັ້ນໃນຄັ້ງນີ້ ມີ 17 ສະຫາຍ. ໃນນີ້ ເລື່ອນຊັ້ນຂັ້ນນາຍພົນມີ 4 ສະຫາຍ. ຄື: ພົນຕີ ປອ ສົມຫວັງ ທຳມະສິດ ຮອງລັດຖະມົນຕີກະຊວງ ປກສ, ພົນຈັດຕະວາ ອຸ່ນຫຼ້າ ວົງພະຈັນ ຮອງຫົວໜ້າກົມໃຫຍ່ການເມືອງ ປກສ, ພົຈວາ ສົມວັນ ສາຍລ້ອງພາ ຮອງຫົວໜ້າຫ້ອງວ່າການກະຊວງ ປກສ ແລະ ພົຈວ ທອງຈັນ ຈັນທະພົງ ຫົວໜ້າກອງບັນຊາການ ປກສ ແຂວງອັດຕະປື. ພ້ອມກັນນີ້ຍັງໄດປະກາດເລື່ອນຊັ້ນ ພັນໂທຂຶ້ນ ພັນເອກ ທັງໝົດ 13 ທ່ານ ໃຫ້ກຽດ ປະດັບຊັ້ນໃນຄັ້ງນີ້ ໂດຍ ພົນຕີ ສົມແກ້ວ ສີລາວົງ ເລຂາທິການສູນກາງພັກ ລັດຖະມົນຕີກະຊວງ ປກສ.

Off

Comments are closed.