24th Aug2018

ກະຊວງ ປກສ ປາຖະກະຖາ ວັນລັດຖະທຳມະນູນແຫ່ງ ສປປ ລາວ ຄົບຮອບ 27 ປີ, ວັນຍຶດອຳນາດ 23 ສິງຫາ

by somchan

ກະຊວງປ້ອງກັນຄວາມສະຫງົບ ໄດ້ຈັດຕັ້ງປາຖະກະຖາ ວັນລັດຖະທຳມະນູນແຫ່ງ ສປປ ລາວ ຄົບຮອບ 27 ປີ, ວັນຍຶດອຳນາດ 23 ສິງຫາ ແລະ ຄຳແນະນຳຂອງຄະນະກຳມະການຊີ້ນຳລະດັບຊາດ ການກະກຽມ ແລະ ຈັດຕັ້ງ ສະເຫຼີມສະຫຼອງ ວັນສ້າງຕັ້ງກອງທັບປະຊາຊົນລາວ ຄອບຮອບ 70 ປີ. ໃນວັນທີ 22 ສິງຫາ ນີ້ ໃຫ້ກຽດປາຖະກະຖາ ໂດຍທ່ານ ສີປະເສີດ ແສນສະຫວັດ ຮອງຫົົວໜ້າຄະນະ ໂຄສະນາອົບຮົມສູນກາງພັກ, ເປັນກຽດເຂົ້າຮ່ວມ ຮັບຟັງມີ ພົຕ ປອ ສົມຫວັງ ທຳມະສິດ ຮອງລັດຖະມົນຕີ ກະຊວງປ້ອງກັນຄວາມສະຫງົບ, ມີຄະນະພັກກະຊວງ, ກົມໃຫ່ຍ ພະນັກງານຫຼັກແຫຼ່ງກົມກອງອ້ອມຂ້າງກະຊວງເຂົ້າຮ່ວມ.

ທ່ານ ສີປະເສີດ ແສນສະຫວັດ ຮອງຫົວໜ້າຄະນະໂຄສະນາອົບຮົມສູນກາງພັກ ໄດ້ຍົກໃຫ້ເຫັນສະພາບການກຳເນີດ ແລະ ຄວາມໝາຍສຳຄັນຂອງລັດຖະທຳມະນູນ, ສະພາບການຈັດຕັ້ງປະຕິບັດລັດຖະທຳມະນູນ ແລະ ກົດໝາຍ, ການເພີ່ມທະວີຈັດຕັ້ງປະຕິບັດລັດຖະທຳມະນູນ ແລະ ກົດໝາຍຕ່າງໆໃຫ້ເຂັ້ມງວດ ແລະ ມີປະສິດທິຜົນ ຍົກໃຫ້ເຫັນປະຫວັດຄວາມເປັນມາຂອງການຍຶດອຳນາດ 23 ສິງຫາ ຄົບຮອບ 73 ປີ ທັງນີ້ເພື່ອ ໂຄສະນາ ສຶກສາອົບຮົມໃຫ້ສະມາຊິກພັກ, ພະນັກງານຫຼັກແຫຼ່ງຂອງກຳລັງປ້ອງກັນຄວາມສະຫງົບໄດ້ຮັບຮູ້, ເຂົ້າໃຈ ແລະ ກຳແໜ້ນຄວາມໝາຍ-ຄວາມສຳຄັນເນື້ອໃນຂອງລັດຖະທຳມະນູນແຫ່ງ ສປປ ລາວ, ແນ່ໃສ່ເພີ່ມທະວີເຄົາລົບ ແລະ ປະຕິບັດກົດໝາຍໃຫ້ຖືກຕ້ອງ ແລະ ເຂັ້ມງວດ. ຍົກລະດັບການຄຸ້ມຄອງລັດ- ຄຸ້ມຄອງສັງຄົມດ້ວຍກົດໝາຍໃຫ້ມີປະສິດທິຜົນສູງ ແລະ ພ້ອມກັນກວດກາຄືນການຈັດຕັ້ງປະຕິບັດລັດຖະທຳມະນູນ ແລະ ກົດໝາຍ ຕະຫຼອດ 27 ປີ ຜ່ານມາ.

Off

Comments are closed.