13th Apr2018

ກະຊວງ ປກສ ຜ່ານແຜນປ້ອງກັນ ງານບຸນປີໃຫມ່ລາວ ພສ 2561

by somchan

ກະຊວງປ້ອງກັນຄວາມສະຫງົບ ຈັດກອງປະຊຸມຜ່ານແຜນປ້ອງກັນໃນການຮັກສາ ຄວາມສະຫງົບ ແລະ ຄວາມເປັນລະບຽບຮຽບຮ້ອຍ ໃຫ້ແກ່ງານບຸນປີໃຫມ່ລາວ ພສ 2561 ໃນວັນທີ 10 ເມສາ 2018 ນີ້ ໂດຍການເປັນກຽດເຂົ້າຮ່ວມຂອງພົຕ ກົງທອງ ພົງວິຈິດ ຮອງລັດຖະມົນຕີກະຊວງປ້ອງກັນ ຄວາມສະຫງົບ ມີຄະນະກົມໃຫຍ່, ຫ້ອງວ່າການ, ກົມກອງອ້ອມຂ້າງ ແລະ ກອງບັນຊາການ ປກສ ນະຄອນຫຼວງວຽງຈັນເຂົ້າຮ່ວມ.

ພັນໂທ ພອນໄຊ ຍົດສົມບັດ ຫົວໜ້າກົມເສນາ ຫ້ອງວ່າການກະຊວງປ້ອງກັນຄວາມສະຫງົບ ໄດ້ຜ່ານແຜນປ້ອງກັນບຸນປີໃຫມ່ລາວ ປະຈຳປີ 2018 ໃນລະຫວ່າງວັນທີ 13-18 ເມສາ ນີ້ ໃນນີ້, ໄດ້ແຕ່ງຕັ້ງຄະນະຮັບຜິດຊອບແຕ່ລະວຽກງານ ເຂົ້າບັນຈຸຢູ່ແຕ່ຈຸດປ້ອງກັນຢູ່ຕາມຮາກຖານ ບັນດາບ້ານ ແລະ ສຳນັກງານອົງການ, ໂຮງຈັກໂຮງງານ ແລະ ສະຖານທີ່ຕ່າງໆ ຢູ່ຂອບເຂດນະຄອນຫຼວງວຽງຈັນ, ໂດຍໄດ້ປະສານສົມທົບກັບ ປກສ ເມືອງ ປກສ ກຸ່ມ ແລະ ປກສ ບ້ານ, ເພື່ອເຮັດວຽກງານຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍຢ່າງຮອບດ້ານ ທັງເປັນການປົກປັກຮັກສາ ແລະ ເສີມຂະຫຍາຍມູນເຊື້ອວັດທະນະທຳ , ຮີດຄອງປະເພນີອັນດີງາມໃຫ້ຢືນຍົງຄົງຢູ່ກັບຊາວລາວຕະຫຼອດໄປ ເວົ້າລວມ ເວົ້າສະເພາະ ກໍ່ຄື ຊາວນະຄອນຫຼວງວຽງຈັນ ທີ່ໄດ້ສືບທອດກັນມາແຕ່ບູຮານນະການ ຈຸດປະສົງເພື່ອຮັບປະກັນໃຫ້ການຫຼິ້ນບຸນປີໃຫມ່ລາວ ພສ 2561 ຢູ່ນະຄອນຫຼວງ ແລະ ໃນຂອບເຂດທົ່ວປະເທດ ມີຄວາມຄວາມສະຫງົບ ແລະ ຄວາມເປັນລະບຽບຮຽບຮ້ອຍ ທັງເປັນການສ້າງເງື່່ອນໄຂໃຫ້ແກ່ການພັດທະນາເສດກິດ-ສັງຄົມ ປີທ່ອງທ່ຽວລາວ ເພື່່ອສ້າງຄວາມເຊື້ອໜັ້ນຕໍ່ກຳລັງປະກອບອາວຸດໃນເວທີສາກົນ ໃນການຮັກສາຄວາມສະຫງົບ ແລະ ຄວາມເປັນລະບຽບຮຽບຮ້ອຍໃນສັງຄົມ.

Off

Comments are closed.