31st Jul2018

ກະຊວງ ປກສ ລາວ ຮັບເຄື່ອງຊ່ວຍເຫຼືອ ຈາກກະຊວງຕຳຫຼວດ ສສ ຫວຽດນາມ

by somchan

ໃນວັນທີ 30 ກໍລະກົດ 2018 ນີ້, ກະຊວງ ປກສ ລາວ ໄດ້ຮັບເຄື່ອງຊ່ວຍເຫຼືອຈາກກະຊວງຕຳຫຼວດ ສສ ຫວຽດນາມ ຈຳນວນ 50.000 ໂດລາ ຫຼືເທົ່າກັບ 430 ລ້ານກີບ. ເຊິ່ງກ່າວຮັບໂດຍ ພົຕ ສົມແກ້ວ ສີລາວົງ ລັດຖະມົນຕີກະຊວງປ້ອງກັນຄວາມສະຫງົບ ແລະ ກ່າວມອບໂດຍ ພົຈວ ຮ່ວາງ ກວາງ ເຫືອງ ຫົວໜ້າອົງການຜູ້ຕາງໜ້າກະຊວງຕຳຫຼວດ ສສ ຫວຽດນາມ ປະຈຳລາວ ພ້ອມດ້ວຍຄະນະ.

ພ້ອມນີ້ ທ່ານ ພົຈວ ຮວ່າງ ກວາງ ເຫືອງ ຍັງໄດ້ກ່າວສະແດງໄມຕີຈິດ ອັນອົບອຸ່ນຕໍ່ການນຳ-ພະນັກງານ-ນັກຮົບ ກະຊວງ ປກສ ລາວ ທີ່ໄດ້ເຄື່ອນໄຫວປະຕິບັດໜ້າທີ່, ເຊິ່ງເປັນພາລະກິດອັນໜັກໜ່ວງ ໃນການລົງພື້ນທີ່ຊ່ວຍເຫຼືອປະຊາຊົນທີ່ຖືກໄພນ້ຳຖ້ວມຈາກເຂື່ອນເຊປຽນ-ເຊນ້ຳນ້ອຍແຕກ ຢູ່ທີ່ແຂວງອັດຕະປື.

ໂອກາດນີ້ ທ່ານລັດຖະມົນຕີກະຊວງ ປກສ ກໍ່ໄດ້ສະແດງຄວາມຂອບໃຈເປັນຢ່າງສູງ ຕໍ່ກະຊວງຕຳຫຼວດ ແຫ່ງ ສສ ຫວຽດນາມ ທີ່ໃຫ້ການຊ່ວຍເຫຼືອໃນຄັ້ງນີ້

Off

Comments are closed.