14th Nov2019

ກະຊວງ ປກສ ເປັນເຈົ້າການຕິດຕາມກວດກາ ຄົນເຂົ້າ-ອອກເມືອງ ແລະ ຄຸ່ມຄອງຄົນ ຕ່າງປະເທດທີ່ມາເຄື່ອນໄຫວຢູ່ລາວ

by somchan

ໄລຍະຜ່ານມາກໍ່ຄືປະຈຸບັນ ກະຊວງປ້ອງກັນຄວາມສະຫງົບ ໄດ້ເປັນເຈົ້າການປະສານສົມທົບ ກັບພາກສ່ວນທີກ່ຽວຂ້ອງ ເອົາໃຈໃສ່ຕິດຕາມ ກວດກາຄົນເຂົ້າ-ອອກເມືອງ ແລະ ຄຸມຄອງຄົນຕ່າງປະເທດທີມາ ເຄື່ອນໄຫວຢູ່ລາວຢ່າງເຂັ້ມງວດ ເຮັດໃຫ້ສັງຄົມມີຄວາມສະຫງົບ ປອດໄພໂດຍພື້ນຖານ.

ໃນໂອກາດອະທິບາຍຊີ້ແຈງຕໍ່ຄຳຊັກຖາມ ຂອງສະມາຊິກສະພາແຫ່ງຊາດ ແຕ່ລະເຂດເລືອກຕັ້ງຕໍ່ກອງປະຊຸມສະໄໝທີ 8 ໃນວັນທີ 13 ພະຈິກ ນີ້ ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບໄດ້ກ່າວວ່າ: ການຕິດຕາມກວດກາຄົນເຂົ້າ-ອອກເມືອງ ແລະ ຄຸມຄອງຄົນຕ່າງປະເທດທີມາເຄື່ອນໄຫວຢູ່ລາວ ກະຊວງປ້ອງກັນຄວາມສະຫງົບ ໄດ້ຈັດຕັ້ງປະຕິບັດຄຳສັ່ງແນະນຳຂອງລັດຖະບານ ຢ່າງຕັ້ງໜ້າ ໂດຍປະສານສົມທົບ ກັບກະຊວງການຕ່າງປະເທດ, ກະຊວງແຮງງານ ແລະ ສະວັດດີການສັງຄົມ ລວມເຖີງພາກສ່ວນກ່ຽວຂ້ອງນັບທັງສູນກາງ ແລະ ທ້ອງຖີ່ນ ເຄື່ອນໄຫວຈັດຕັ້ງປະຕິບັດວຽກງານດັ່ງກ່າວ ຢ່າງມີຈຸດສຸມ, ສ້າງນິຕິກຳ ແລະ ກົດໝາຍ ເພື່ອເປັນບ່ອນອີງໃນການຄຸ້ມຄອງຄົນຕ່ງປະເທດໃຫ້ຮັດກຸ່ມ ແລະ ສອດຄ່ອງກັບແນວທາງການຕ່າງປະເທດຂອງພັກ.

ພົທ ວິໄລ ຫຼ້າຄຳຟອງ ລັດຖະມົນຕີກະຊວງປ້ອງກັນຄວາມສະຫງົບໃຫ້ຮູ້ຕື່ມອີກວ່າ: ໄລຍະຜ່ານມາ ກະຊວງປ້ອງກັນຄວາມສະຫງົບ ຍ້ງໄດ້ເອົາໃຈໃສ່ສືກສາອົບຮົມການເມືອງແນວຄິດ ໃຫ້ນາຍ ແລະ ພົນຕຳຫຼວດທີ່ເຮັດໜ້າທີຕິດຕາມ ກວດກາຄົນເຂົ້າ-ອອກເມືອງ ແລະ ຄຸ້ມຄອງຄົນຕ່າງປະເທດທີ່ມາເຄື່ອນໄຫວຢູ່ລາວ ໃຫ້ກຳໄດ້ແນວທາງການຕ່າງປະເທດຂອງພັກ, ລະບຽບກົດໝາຍຂອງລັດ ກໍ່ຄືລະບຽບວິໄນ ຂອງກຳລ້ງປ້ອງກັນຄວາມສະຫງົບ ເອົາໃຈໃສ່ອຳນວຍຄວາມສະດວກ ໃນການຕິດຕາມກວດກາການຂື້ນ ທະບຽນຄຸ້ມຄອງຄົນລາວ, ຄົນຕ່າງປະເທດ ແລະ ຄົນບໍ່ມີສັນຊາດ ຢ່າງເປັນລະບົບຕໍ່ເນື່ອງ, ເອົາໃຈອຳນວຍຄວາມສະດວກໃຫ້ນັກທ່ອຽທ່ຽວ ທີ່ເຂົ້າມາທ່ອງທ່ຽວພາຍໃນປະເທດຢ່າງໃກ້ຊິດ ເພື່ອຕິດຕາມການເຄື່ອນໄຫວ ສະກັດກັ້ນກຸ່ມຄົນບໍ່ຫວັງດີ ທີ່ຈະເຂົ້າມາສ້າງຄວາມສະຫງົບ ຢູ່ພາຍໃນປະເທດ ລວມເຖີງວຽກງານສຳຄັນປີ່ນອ້ອມ ຈຳນວນໜື່ງ ກາຍເປັນເງື່ອນໄຂເຮັດໃຫ້ປະເທດຊາດ ມີສະຖຽນລະພາບທາງດ້ານການເມືອງທີ່ໜັກແໜ້ນ, ສະພາບການພັດທະນາເສດຖະກິດ-ສັງຄົມ ຂອງປະເທດນັບມື້ມີທ່າອ່ຽງດີຂື້ນ, ສັງຄົມມີຄວາມສະຫງົບ, ສີວິໄລ ແລະ ຢຸດຕິທຳ.

Off

Comments are closed.