20th Feb2018

ກັກຕົວຊາຍຕ່າງຊາດ 1 ຄົນ ພ້ອມຂອງກາງ ຢາບ້າ 150 ມັດ

by somchan

ວັນທີ່ 12 ກຸມພາ 2018 ເຈົ້າຫນ້າທີ່ທະຫານກອງຄໍ  122 ປະຈຳບ້ານມ່ອມ ເມືອງຕົ້ນເຜີ້ງແຂວງ ບໍ່ແກ້ວ ໄດ້ກັກຕົວຜູ້ກະທຳຜິດລັກລອບຂົນສົ່ງ ຢາເສບຕິດ  ພ້ອມຂອງກາງຢາເສບຕິດ 300,000 ເມັດ, ຜູ້ກະທຳຜິດແມ່ນທ້າວຈ່າພະ ອາຍຸ 19 ປີ ປະຊາຊົນ ບ້ານປຸງເມືອງທ່າຂີ່ເຫຼັກ ແຂວງຈຽງຕຸງ ປະເທດມຽນມາ ສົ່ງໃຫ້ເຈົ້າໜ້າທີ່ຕຳຫຼວດ ແຂວງບໍ່ແກ້ວດຳເນີນຄະດີ ຕາມລະບຽບກົດໝາຍ.

ເຈົ້າໜ້າທີ່ຕຳລວດແຂວງບໍແກ້ວໄດ້ລາຍງານໃຫ້ຮູ້ວ່າໃນວັນທີ 12 ກຸມພາ 2018 ເຈົ້າໜ້າທີ່ທະຫານກອງຄໍ 122 ປະຈຳບ້ານມອມເມືອງຕົ້ນເຜີ້ງ ໄດ້ເຄື່ອນເຄື່ອນໄຫວກວດກາລາດຕະເວນ ຕາມນ້ຳຂອງຊາຍແດນລາວມຽນມາ ໄດ້ພົບເຫັນຊາຍ 2 ຄົນ ມີການເຄື່ອນໄຫວຜິດປົກກະຕິ ຈິງໄດ້ຂໍກວດຄົ້ນ ແຕ່ຜູ້ຊາຍ 2 ຄົນນັ້ນ ໄດ້ພະຍາຍາມເອົາຕົວຫຼົບໜີ ເຈົ້າໜ້າທີ່ທະຫານ ເດຮ່ວມກັນຈັບກຸມ 1 ຄົນ ສ່ວນອີກ 1 ຄົນ ແມ່ນແລ້ວຕົວຫຼົບໜີໄປໄດ້. ເຈົ້າໜ້າທີ່ຈຶ່ງໄດ້ກວດຄົ້ນບໍລິເວນໃກ້ຄຽງພົບເຫັນຢາບ້າທີ່ພວກກ່ຽວຊຸກເຊື່ອງໄວ້ຈຳນວນ 150 ມັດເທົ່າກັບ 300,000 ເມັດ ຈຶ່ງໄດ້ຈັບຕົວສົ່ງໃຫ້ເຈົ້າໜ້າທີ່ຕຳຫລວດແຂວງບໍ່ແກ້ວ ດຳເນີນຄະດີຕາມກົດຫມາຍ.

Off

Comments are closed.