12th Jun2018

ກັກຕົວຜູ້ຄ້າຂາຍຢາເສບຕິດ ພ້ອມຢາບ້າ 14 ມັດ

by somchan

ຕາມການລາຍງານຂອງເຈົ້າໜ້າທີ່ພະແນກຕຳຫຼວດ ສະກັດກັ້ນ ແລະ ຕ້ານຢາເສບຕິດ ປກສ ນະຄອນຫຼວງວຽງຈັນ ໄດ້ລາຍງານໃຫ້ຮູ້ວ່າ: ໃນວັນທີ 23 ມີນາ 2018 ຜ່ານມາ ໄດ້ຈັບຕົວນາງເຊົ່າທໍ່ (ມາລີ) ອາຍຸ 32 ປີ ປະຊາຊົນຢູ່ບ້ານໂຊກໃຫຍ່ ເມືອງໄຊເສດຖາ ນະຄອນຫຼວງວຽງຈັນ ທີ່ເຮືອນຂອງຜູ້ກ່ຽວເອງ ພ້ອມຢາບ້າ ຈຳນວນ 14 ມັດເທົ່າກັບ 28.000 ເມັດ.

ຜ່ານການສືບສວນ-ສອບສວນ ຜູ້ກ່ຽວໄດ້ໃຫ້ການສະລະພາບວ່າຕົນເອງໄດ້ຂາຍຢາເສບຕິດ (ຢາບ້າ) ແທ້ ແລະ ໄດ້ຂາຍມາແລ້ວຫຼາຍຄັ້ງ ຮ່ວມກັບພັກພວກກຸ່ມແກ້ງໃນຂະບວນການດຽວກັນ.

ປະຈຸບັນຜູ້ກ່ຽວແມ່ນຢູ່ໃນຂັ້ນຕອນການດຳເນີນຄະດີຂອງເຈົ້າໜ້າທີ່ຕຳຫຼວດ.

Off

Comments are closed.