20th Sep2018

ກັກຕົວຜູ້ຄ້າຂາຍຢາເສບຕິດ ພ້ອມຂອງກາງ ຢາບ້າ ແສນກ່ວາເມັດ

by somchan

ໃນວັນທີ່ 11 ກັນຍາ 2018 ຜ່ານມານີ້ ເຈົ້າໜ້າທີ່ຕຳຫຼວດ ສະກັດກັ້ນ ແລະ ຕ້ານຟາເສບຕິດ ປກສ ແຂວງສະຫວັນນະເຂດ ສົມທົບກັບ ເຈົ້າໜ້າທີ່ວິຊາສະເພາະ ສສ ຫວຽດນາມ ມ້າງຄະດີລັກລອບຄ້າຂາຍ ຢາເສບ ຕິດ ສາມາດກັກຕົວຜູ້ຖືກຫາຄ້າຂາຍຢາເສບຕິດ ໄດ້ໜືງຄົນ ຊື່ ທ້າວ ສົມຫວັງ ລາດສະວົງ ອາຍຸ 35 ປີ ເຮັດນາ ຢູ່ບ້ານຕັ່ງຫວາຍ ເມືອງຊົນນະບູລີ ແຂວງສະຫວັນນະເຂດ ພ້ອມຂອງກາງ ຢາບ້າ ຈຳນວນ 56 ມັດ, 8 ຖົງ ເທົ່າກັບ 113,6000 ເມັດ, ລົດຈັກເວັບ 01 ຄັນ, ປືນສັນປະດິດ 01 ກະບອກ ພ້ອມລູກແວັງ 02 ລູກ ແລະ ໂທລະສັບ 01 ໜ່ວຍ, ເຈົ້າໜ້າທີ່ໃຫ້ຮູ້ວ່າ ຫຼັງຈາກທີ່ໄດ້ຮັບແຈ້ງຈາກພົນລະເມືອງດີວ່າ ໄດ້ມີຄົນບໍ່ດີເຄືອນໄຫວນັດ  9 ຂອບເຂດບ້ານໂນນສະອາດ ເມືອງພະລານໄຊ ແຂວງສະຫວັນນະເຂດ ທາງເຈົ້າໜ້າທີ່ວິຊາສະເພາະ ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ຈືງໄດ້ລົງຕິດຕາມສະຖານທີ່ດັ່ງກ່າວ ໂດຍສົມທົບກັບເຈົ້າໜ້າທີ່ ວິຊາສະເພາະ ສສ ຫວຽດນາມ ພໍຮອດປະມານເວລາ 11 ໂມງ ຂອງວັນທີ່ 11 ກັນຍາ 2018 ຈືງໄດ້ເຫັນເປົ້າໝາຍຂີ່ລົດຈັກເວບມາຕາມສາຍທາງເລກ 9 ຈືງໄດ້ເຂົ້າສະແດງຕົວກັກຕົວຜູ້ຖືກຫາ ພ້ອມຍຶດຂອງ ກາງດັ່ງກ່າວ ມາທຳການສຶບສວນສອບສວນ.

ຜ່ານການສຶບສວນສອບສວນຂອງເຈົ້າໜ້າທີ່ເບື້ອງຕົ້ນ ທ້າວສົມຫັວງ ລາດສະວົງ ຜູ້ຖືກຫາໄດ້ຮັບສາລະພາບວ່າ ຕົນເອງໄດ້ຮັບຈ້າງຂົນສົ່ງຢາບ້າໄປບ້ານໂພນສະອາດ ເມືອງພະລານໄຊ  ຈຳນວນດັ່ງກ່າວ ຈາກຜູ້ວ່າຈ້າງແຕ່ບໍ່ຮູ້ຊື່ ຢູ່ ເມືອງຊົນນະບູລີ ເຊີງໄດ້ຈ້າງໃຫ້ຜູ້ກ່ຽວນຳຢາບ້າໄປສົ່ງຂອບເຂດບ້ານ ໂນນສະອາດ ເມືອງພະລານໄຊ ແຂວງສະຫວັນນະເຂດ ແຕ່ຖືກເຈົ້າໜ້າທີ່ກັກຕົວກ່ອນ, ຕໍ່ກັບຂະດີດັ່ງກ່າວແມ່ນ ຢູ່ໃນຂັັ້ນຕອນການສຶບສວນສອບສວນຂະຫຍາຍຜົນຫາຜູ້ຮ່ວມຂະບວນການ ແລະ ຮວບຮວມຂໍ້ມູນຫຼັກຖານສົ່ງໄອຍາການສັ່ງຟ້ອງສານເພື່ອດຳເນີນຄະດີຕາມລະບຽບກົດໝາຍຕໍ່ໄປ.

Off

Comments are closed.