18th May2018

ກັກຕົວຜູ້ຖືກຫາ 4 ຄົນ ພ້ອມຢາໄອສ 25 ເປົ່າ.

by somchan

ໃນວັນທີ 11 ພຶດສະພາ 2018 ນີ້ ເຈົ້າໜ້າທີ່ພະແນກ ຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງບໍ່ແກ້ວ ໄດ້ກັກຕົວພວກຄ້າ-ຂາຍຢາເສບຕິດ  4 ຄົນ ພ້ອມຢາໄອ 25 ເປົ່າ ມີ 651 ຫໍ່, ລົດໃຫຍ່ 3 ຄັນ, ເງິນບາດ 2 ແສນກວ່າບາດ ແລະຊັບສິນອື່ນໆອີກຈຳນວນໜຶ່ງ.​ ຜູ້ກະທໍາຜິດ 4 ຄົນມີ: ທ້າວ ຈັນທອນ ອາຍຸ 30 ປີ, ທ້າວວຽງໄຊ ອາຍຸ 33 ປີ, ທ້າວດວງຈັນ ອາຍຸ 23 ປີ ທັງສາມຢູ່ບ້ານພຽງງາມ, ແລະ ທ້າວເຮີຢ່າງ ອາຍຸ 30 ປີ ປະຊາຊົນ ຢູ່ບ້ານ ສີທາດ ເມືອງຕົ້ນເຜີ້ງ ແຂວງບໍ່ແກ້ວ. ຜ່ານການສືບສວນ-ສືບສວນ ພວກກ່ຽວຮັບສາລະພາບວ່າ: ໄດ້ຮ່ວມກັນຂົນສົ່ງຢາເສບຕິດແທ້, ປະຈຸບັນເຈົ້າໜ້າທີ່ພວມສືບສວນ-ສອບສວນຂະຫຍາຍຜົນຫາກຸ່ມແກ້ງ ເພື່ອມາດຳເນີນຄະດີ ຕາມຂັ້ນຕອນຂອງກົດໝາຍ.

Off

Comments are closed.