16th Jan2020

ກັກຕົວຜູ້ເຄື່ອນໄຫວລັກໝໍ້ໄຟ ລວມ 8 ຄັ້ງ ຂາຍໄດ້ເງິນ 11 ລ້ານກີບ

by somchan

ເມື່ອບໍ່ດົນມານີ້, ເຈົ້າໜ້າທີ່ພະແນກຕຳຫຼວດ ປກສ ເມືອງໄຊຍະບູລີ ແຂວງໄຊຍະບູລີ ສາມາດກັກຕົວທ້າວກອງໃຈ ອາຍຸ 35 ປີ ພະນັກງານ ບໍລິສັດ ແຫ່ງໜຶ່ງ ຢູ່ບ້ານໂນນສະຫວັນ ເມືອງ ແລະ ແຂວງໄຊຍະບູລີ ມາດຳເນິີນຄະດີ ຂໍ້ຫາລັກຊັບພົນລະເມືອງ.

ຜ່ານການສືບສວນ-ສອບສວນຂອງເຈົ້າໜ້າທີ່ ຜູ້ກ່ຽວຮັບສາລະພາບວ່າ: ຜ່ານມາຕົນເອງໄດ້ເຄື່ອນໄຫວລັກໝໍ້ໄຟຂອງປະຊາຊົນ ຢູ່ພາຍໃນເມືອງລວມທັງໝົດ 8 ຄັ້ງ ໄດ້ໝໍ້ໄຟ 52 ໜ່ວຍ. ພາຍຫຼັງລັກມາແລ້ວກໍ່ໄດ້ນຳໄປຂາຍໃຫ້ຮ້ານຊື້-ຂາຍເຫຼັກເສດ ເຂດບ້ານທ່ານາ ຈຳນວນ 44 ໜ່ວຍ ຕົກເປັນເງິນ 11 ລ້ານກີບ ຍັງບໍ່ໄດ້ຂາຍ 8 ໜ່ວຍ, ເງິນທີ່ໄດ້ມາຜູ້ກ່ຽວນຳໄປໃຊ້ຈ່າຍຫຼິ້ນກິນຟູມເຟື່ອຍ.

ປະຈຸບັນ ເຈົ້າໜ້າທີ່ພວມດຳເນີນຄະດີຕໍ່ຜູ້ກ່ຽວຕາມລະບຽບກົດໝາຍ.

Comments are closed.