15th Jun2018

ກັກຕົວພວກຄ້າຂາຍຢາເສບຕິດໄດ້ 4 ຄົນ ພ້ອມຂອງກາງຫຼາຍລາຍການ

by somchan

ກາງເດືອນພຶດສະພາ 2018 ຜ່ານມານີ້ ເຈົ້າໜ້າທີ່ຕຳຫຼວດ ສະກັດກັ້ນ ແລະ ຕ້ານຢາເສບ ຕິດ ປກສ ນະຄອນຫຼວງວຽງຈັນ ໄດ້ລົງມ້າງ ກຸ່ມເປົ້າໝາຍຄ້າຂາຍຢາເສບຕິດ ຢູ່ໂຮງແຮມແຫ່ງໜຶ່ງ ເຂດບ້ານດົງນາໂຊກ ເມືອງສີໂຄດຕະບອງ ນະຄອນຫຼວງວຽງຈັນ ສາມາດກັກຕົວຜູ້ກະທຳຜິດໄດ້ 4 ຄົນພ້ອມຂອງການຢາເສບຕິດ ປະເພດຢາໄອສ 1 ຖົງ ນ້ຳໜັກ 1 ກິໂລກຣາມ, ເຮໂຣອິນ 1 ແທ່ງ ແລະ ຢາບ້າ 3 ມັດ ເທົ່າກັບ 6.000 ເມັດ. ຜູ້້ກະທຳຜິດຄື: ທ້າວອ່ອນຈັນ ອາຍຸ 47 ປີ, ທ້າວຫວັນ ອາຍຸ 47 ປີ ທັງສອງຢູ່ບ້ານຫ້ວຍໃຫຍ່ໃຕ້, ທ້າວ ສົມບັດ ອາຍຸ 32 ປີ ຢູ່ບ້ານມົກກະຈອກ ທັງສາມຢູ່ແຂວງບໍ່ແກ້ວ ແລະ ທ້າວແຈນ ອາຍຸ 27 ປີ ຢູ່ບ້ານຊ້າງຄູ່ເມືອງທາໄຊ ນະຄອນຫຼວງວຽງຈັນ.

ຜ່ານການສຶບສວນ-ສອບສວນຂອງເຈົ້າໜ້າທີ່ ພວກກ່ຽວທັງ 4 ໄດ້ຮັບສາລະພາບວ່າ ໄດ້ຮ່ວມກັນຄ້າຂາຍຢາເສບຕິດແທ້.

ປະຈຸບັນ, ພວກກ່ຽວທັງ 4 ແມ່ນຢູ່ໃນຂັ້ນຕອນການດຳເນີນຄະດີຂອງເຈົ້າໜ້າທີ່.

Off

Comments are closed.