12th Jun2019

ກັກຕົວພວກລັກລອບຂົນສົ່ງ ຢາເສບຕິດພ້ອມຂອງກາງຢາໄອສ 8 ເປົາ

by somchan

ເມື່ອບໍ່ດົນມານີ້, ເຈົ້າໜ້າທີ່ຕຳຫຼວດໜ່ວຍງານສະເພາະກິດ ພະແນກສະກັດກັ້ນ ແລະ ຕ້ານຢາເສບຕິດ ປກສ ນະຄອນຫຼວງວຽງຈັນ, ໄດ້ກັກຕົວພວກລັກລອບຂົນສົ່ງຢາເສບຕິດ 13 ຄົນ ພ້ອມຢາເສບຕິດປະເພດ ຢາໄອສ ຈຳນວນ 8 ເປົາ, ນໍ້າໜັກ 199 ກິໂລກະລາມ, ຜູ້ກະທຳຜິດຄື: ທ້າວ ຕີ ອາຍຸ 40 ປີ, ນາງ ເມດຕາ ອາຍຸ 41 ປີ, ທ້າວ ລັດດາ ອາຍຸ 25 ປີ ແລະ ທ້າວ ບຸນຕ້ອມ ອາຍຸ 30 ປີ , ທັງ 4 ຄົນ ຢູ່ບ້ານນາກຸງ ເມືອງປາກງື່ມ, ທ້າວ ອຳພອນ ອາຍຸ 33 ປີ, ນາງ ເຈີ້ນ ອາຍຸ 32 ປີ ແລະ ທ້າວ ແຊນ ອາຍຸ 26 ປີ ທັງ 3 ຄົນຢູ່ບ້ານ ໄຊສະຫວ່າງ ເມືອງທ່າພະບາດ ແຂວງບໍລິຄຳໄຊ, ທ້າວ ທິນນະກອນ ອາຍຸ 36 ປີ, ທ້າວ ຄຳສະໄໝ ອາຍຸ 29 ປີ ແລະ ນາງ ສີວັນ ອາຍຸ 40 ປີ ທັງ3 ຄົນ ຢູ່ບ້ານ ວຽງຄຳ ເມືອງປາກກະດິງ ແຂວງບໍລິຄຳໄຊ, ນາງ ດວງປີ ອາຍຸ 38 ປີ ຢູ່ບ້ານໂພໄຊ ເມືອງປາກຊັນ, ທ້າວ ຕະ ອາຍຸ 39 ປີ ຢູ່ບ້ານ ທ່າສະອາດ ເມືອງປາກກະດິງ ແລະ ທ້າວ ຊ້ວນ ອາຍຸ 35 ປີ ຢູ່ບ້ານປາກງື່ມ ເມືອງປາກງື່ມ ນະຄອນຫຼວງວຽງຈັນ.

ເຈົ້າໜ້າທີ່ຕຳຫຼວດໃຫ້ຮູ້ວ່າ: ໃນເບື້ອງຕົ້ນເຈົ້າໜ້າທີ່ຕຳຫຼວດພະແນກສະກັດກັ້ນ ແລະ ຕ້ານຢາເສບຕິດ ປກສ ນະຄອນຫຼວງວຽງຈັນ ກັກຕົວ ທ້າວ ຕີ, ນາງ ເມດຕາ, ທ້າວ ລັດດາ ແລະ ທ້າວ ບຸນຕ້ອມ ຢູ່ເຂດບ້ານ ນາກຸງ ເມືອງປາກງື່ມ ນະຄອນຫຼວງວຽງຈັນ. ໃນຄະນະທີ່ພວກກ່ຽວກຳລັງລັກລອບຂົນສົ່ງ ເຄື່ອນຍ້າຍຢາເສບຕິດຈຳນວນດັ່ງກ່າວ.

ຜ່ານການສືບສວນ-ສອບສວນຂອງເຈົ້າໜ້າທີ່ຕຳຫຼວດພວກກ່ຽວໄດ້ຮັບສາລະພາບວ່າ: ໄດ້ຮັບຈ້າງໃຫ້ຂົນສົ່ງ ຢາໄອສຈຳນວນດັ່ງກວ່ານີ້ຂ້າມໄປປະເທດເພື່ອນບ້ານ (ປະເທດໄທ) ແຕ່ຖືກເຈົ້າໜ້າທີ່ຈັບຕົວໄດ້ກ່ອນ, ພ້ອມນີ້ພວກກ່ຽວຍັງໄດ້ຊັກທອດຫາຜູ້ຮ່ວມຂະບວນການຕື່ມອີກຈຳນວນ 9 ຄົນ ລວມເປັນ 13 ຄົນ.

ປະຈຸບັນເຈົ້າໜ້າທີ່ກຳລັງດຳເນີນຄະດີຕາມລະບຽບກົດໝາຍ.

Off

Comments are closed.