16th Mar2018

ກັກຕົວພວກລັບລອບຂົນສົ່ງຢາເສບຕິດ ຂອງກາງ 36 ມັດ

by somchan

ເມື່ອຕົ້ນເດືອນມີນາ 2018 ນີ້ເຈົ້າໜ້າທີ່ຕຳຫລວດ ກອງພັນປ້ອງກັນເຄື່ອນທີ່ ປກສ ແຂວງອຸດົມໄຊ ສາມາດຈັບຕົວພວກລັກລອບຂົນສົ່ງຢາເສບຕິດ ພ້ອມຂອງກາງ 36 ມັດ ເຈົ້າໜ້າທີ່ຕຳຫລວດ ປກສ ແຂວງອຸດົມໄຊ ໄດ້ລາຍງານໃຫ້ຮູ້ວ່າ: ໃນວັນທີ 8 ມີນາ 2018 ນີ້ ເຈົ້າຫນ້າທີ່ຕຳຫລວດ ກອງພັນປ້ອງກັນເຄື່ອນທີ່ ປກສ ອຸດົມໄຊ ໄດ້ປະຕິບັດໜ້າທີ່ ກວດກາສະພາບຄວາມສະຫງົບ ຄວາມເປັນລະບຽບຮຽບຮ້ອຍ ຕາມເສັ້ນທາງແຕ່ບ້ານຫ້ວຍຂຸມຫາບ້ານດອນໄຊ ເມືອງໄຊ ເຊິ່ງໄດ້ພົບຜູ້ຂັບຂີ່ລົດຄົນໃດ ໝາຍເລກທະບຽນ ກກ 5273 ຫລວງພະບາງ ແຕ່ມີພິລຸດສົງໄສ ຈຶ່ງໄດ້ຂໍກວດໃນລົດ ຜູ້ຂັບຂີ່ລົດດັ່ງກ່າວໄດ້ພະຍາຍາມຂັບລົບໜີ້ ເຈົ້າໜ້າທີ່ຈຶ່ງໄດ້ຕິດຕາມ ລົດຄັນດັ່ງກ່າວ ແລະ ໄດ້ກວດພົບເຫັນຢາບ້າ 36 ມັດ ເທົາກັບ 72.000 ເມັດ ຫນັກ  9 ກິໂລກລາມ ທີ່ຊຸກເຊື່ອງໄວ້ຢູ່ໃນລົດ ເຈົ້າຫນ້າທີ່ຈຶ່ງໄດ້ກັກຕົວຜູ້ຂັບຂີ່ ຊື່ທ້າວຝາຍດາຊົງ ອາຍຸ 44 ປີ ປະຊາຊົນຢູ່ບ້ານ ນ້ຳປຸຍ ເມືອງພຽງ ແຂວງໄຊບູລີ ແລະ ຜູ້ຮ່ວມຂະບວນການອີກ 1 ຄົນ ຄື: ທ້າວ ຕົງລູຊົງ ອາຍຸ 45 ປີ ປະຊາຊົນຢູ່ບ້ານດອນໄຊ ເມືອງໄຊແຂວງອຸດົມໄຊ ສົ່ງໃຫ້ເຈົ້າໜ້າທີ່ພະແນກຕຳລວດສະກັດກັ້ນ ແລະ ຕ້ານຢາເສບຕິດ ປກສ ແຂວງອຸດົມໄຊດຳເນີນຄະດີຕາມລະບຽບກົດໝາຍ.

 

 

Off

Comments are closed.