03rd Jul2018

ກັກຕົວສອງພໍ່ລູກ ພ້ອມຂອງກາງຢາບ້າ 3 ມັດ

by somchan

ໃນວັນທີ 25 ພຶດສະພາ 2018 ນີ້ ເຈົ້າໜ້າທີ່ ປກສ ເມືອງສິງ ແຂວງຫຼວງນ້ຳທາ ໄດ້ຈັບຕົວພວກ ລັກລອບ ຊື້-ຂາຍ ຢາເສບຕິດໄດ້ 2 ຄົນພ້ອມຂອງກາງ ຢາເສບຕິດ ປະເພດຢາບ້າ 18,000 ເມັດ ໃນຂະນະທີ່ພວກກ່ຽວຂັບຂີ່ລົດຈັກ ຕາມເສັ້ນທາງ ເຂດບ້ານ ເອີຫຼ້າ ເມືອງສິງ ແຂວງຫຼວງນ້ຳທາ ຜູ້ຕ້ອງຫາທັງ ສອງຄື: ທ້າວໃຫ່ມຂັນ ອາຍຸ 60 ປີ ແລະ ທ້າວ ພູມ ອາຍຸ 25 ປີ ພໍ່ລູກກັນຢູ່ບ້ານ ຫ້ວຍກຸ່ມ ເມືອງລອງ ແຂວງຫຼວງນ້ຳທາ ເຈົ້າໜ້າທີ່ ປກສ ເມືອງສິງ ໃຫ້ຮູ້ວ່າ ຜູ້ຖືກຫາທັງສອງແມ່ນມີການພົວພັນ-ຊື້ຂາຍຢາເສບຕິດ ເຈົ້າໜ້າທີ່ໄດ້ຕິດຕາມມາຮອດວັນດັ່ງກ່າວ ຜູ້ກ່ຽວໄດ້ມີການເຄື່ອນໄຫວໄດ້ຕິດຕໍ່ຊື້-ຂາຍຢາບ້າ ນຳຜູ້ທີ່ຮ່ວມຂະບວນການ ດັ່ງນັ້ນຈຶ່ງຈັດກຳລັງເຈົ້າໜ້າທີ່ວິຊາສະເພາະຕິດຕາມ ພ້ອມທັງຕັ້ງດ່ານສະກັດຢູ່ເສັ້ນທາງ ທີ່ພວກກ່ຽວຈະຜ່ານເຂດບ້ານເອີຫຼ້າ ເມືອງສິງ ຮອດເວລາປະມານ 16:00 ໂມງວັນດຽວກັນຈຶ່ງໄດ້ພົບເປົ້າໝາຍ ຂັບຂີ່ລັດຈັກຄິກໄອສີແດງ ຈຂ 6236 ຫຼວງນ້ຳທາ ຊ້ອນທ້າຍກັນມາຕາມເສັ້ນທາງລະຫວ່າງເມືອງລອງ ຫາເມືອງສິງ ; ພໍມາຮອດເຫັນເຈົ້າໜ້າທີ່ຕັ້ງດ່ານ ກວດ ຈຶ່ງລັດພວກກ່ຽວເພື່ອກວດຄົ້ນ ພົບເຫັນຢາບ້າຊຸກເຊື່ອງໄວ້ໃນຖົງເປ້ ຈຳນວນ 6 ມັດ ເທົ່າກັບ 18,000 ເມັດ, ຈຶ່ງໄດ້ກັກຕົວຜູ້ກ່ຽວໄປດຳເນີນຄະດີ.


ຜ່ານການສອບສວນ-ສືບສວນ ພວກກ່ຽວຮັບສາລະພາບວ່າ ຢາບ້າຈຳນວນດັ່ງກ່າວ ໄດ້ໄປຮັບເອົານຳ ຜູ້ຮ່ວມຂະ ບວນການ ຢູ່ປະເທດເພື່ອບ້ານ ເພື່ອສົ່ງໄປຂາຍໃຫ້ຜູ້ສັ່ງຊື້ຢູ່ເມືອງສິງ ແຕ່ບໍ່ທັນຂາຍ ເຈົ້າໜ້າທີ່ກັກໄດ້ກ່ອນ ປັດຈຸບັນ ຜູ້ຖືກຫາທັງສອງຄົນພ້ອມດ້ວຍເຄື່ອງຂອງກາງຈຳນວນດັ່ງກ່າວມອບໃຫ້ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດດຳເນີນຄະດີຕໍ່ໄປ.

Off

Comments are closed.